POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ເຜີຍແຜ່ຄຳສັ່ງແນະນຳເພີ່ມເຕີມ ວຽກງານ ປະກັນສຸຂະພາບ ຕາມລະບົບປະກັນສັງຄົມກອງທັບ
ເວລາອອກຂ່າວ: 2026-05-07 09:21:29 | ຜູ້ຂຽນ : admin1 | ຈຳນວນຄົນເຂົ້າຊົມ: 79 | ຄວາມນິຍົມ:

ໃນທ້າຍເດືອນເມສາຜ່ານມາ, ຂະແໜງປະກັນສັງຄົມ ກອງພັນໃຫຍ່ 101 ກອງພົນທີ 1 ໄດ້ຈັດຕັ້ງເຜີຍແຜ່ຄຳສັ່ງແນະນຳເພີ່ມເຕີມ ບາງມາດຕາຂອງວຽກງານປະກັນສຸຂະພາບ ຕາມລະບົບປະກັນສັງຄົມກອງທັບ, ໂດຍການເປັນປະທານຂອງສະຫາຍ ພັນເອກ ໄມພອນ ພິພັກ ຫົວໜ້າການເມືອງ ກອງພັນໃຫຍ່ 101, ມີຄະນະພັກ-ຄະນະບັນຊາພະແນກການ, ກອງພັນ, ກອງຮ້ອຍ, ໂຮງໝໍ 15 ຕຽງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ສະຫາຍ ພັນຕີ ນາງ ສອນດາວັນ ຈອມທະວີ ຫົວໜ້າຂະແໜງປະກັນສັງຄົມ ກອງພັນໃຫຍ່ 101 ໄດ້ເຜີຍແຜ່ຄຳສັ່ງແນະນຳ ຂອງກະຊວງປ້ອງ ກັນປະເທດ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍປະກັນສັງຄົມ ແລະ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການປະກັນສຸຂະພາບ ຕາມລະ ບົບປະກັນສັງຄົມ ສະບັບປັບປຸງໃໝ່ ດັ່ງນັ້ນ, ກອງພົນທີ 1 ຈຶ່ງໄດ້ອອກຄຳສັ່ງແນະນຳເພີ່ມເຕີມ ໃນຂໍ້ກຳນົດຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການປະກັນສຸຂະພາບ ຕາມລະບົບປະກັນສັງຄົມກອງທັບ (ສະບັບປັບປຸງໃໝ່) ໃນນີ້, ໄດ້ຍົກໃຫ້ເຫັນປະເພດການອຸດໜູນ, ເປົ້າໝາຍການອຸດໜູນ ແລະ ເງື່ອນໄຂການຄິດໄລ່ເງິນອຸດໜູນ, ລະບອບການອຸດໜູນປະກັນສັງຄົມ, ເງິນກອງທຶນປະກັນສັງຄົມກອງທັບ, ການຂຶ້ນທະບຽນປະກັນສັງຄົມ ແລະ ການປະກອບເອກະສານຂໍເງິນອຸດໜູນປະກັນສັງຄົມ, ບັນດາເອກະສານການປະກອບຂຶ້ນທະ ບຽນ ແລະ ຄຸ້ມຄອງຈຳນວນສະມາຊິກປະກັນສັງຄົມ, ທຳນຽມການອອກບັດປະກັນສັງຄົມ ແລະ ວ່າດ້ວຍຂໍ້ຫ້າມ, ເວົ້າສະເພາະການອຸດໜູນປິ່ນປົວສຸຂະພາບ, ສູ້ຮົບ-ຮັບໃຊ້ສູ້ຮົບ, ອຸປະຕິເຫດແຮງງານ, ພະຍາດອາຊີບ, ການອອກລູກ ຫຼື ລຸລູກ, ການອຸດໜູນເສຍກຳລັງແຮງງານ (ເສຍອົງຄະ), ບຳນານ ແລະ ບຳເນັດອອກທະຫານ, ເສຍຊີວິດ, ອຸດໜູນສະມາຊິກຄອບຄົວຜູ້ປະກັນຕົນ (ໝ້າຍ-ລູກກຳພ້າ) ແລະ ການອຸດໜູນປ່ວຍການ, ວ່າງງານ (ສຳລັບພາກສ່ວນບໍລິສັດ, ລັດວິສາຫະກິດໃນກອງທັບ). ຈຸດປະສົງ ເພື່ອແນ່ໃສ່ເຮັດໃຫ້ພະນັກ ງານ-ນັກຮົບ ໄດ້ຮັບຮູ້ເຊື່ອມຊຶມ ແລະ ເຂົ້າໃຈແຈ້ງຕື່ມກ່ຽວກັບວຽກງານປະກັນສັງຄົມໃນກອງທັບ ເພື່ອພ້ອມກັນຈັດຕັ້ງປະຕິບັດໃຫ້ຖືກຕ້ອງ ແລະ ສອດຄ່ອງກັບກົດໝາຍປະກັນສັງຄົມໃນກອງທັບ. ໂດຍ: ຕີ້ ຍົດພູທອນ

news to day and hot news