POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ພັດທະນາໂຮງງານມິດຕະພາບ ລາວ–ຫວຽດນາມ ໃຫ້ເປັນແກນກາງການຜະລິດ-ສ້ອມແປງ ເພື່ອຮັບໃຊ້ກອງທັບ
ເວລາອອກຂ່າວ: 2026-05-06 09:06:40 | ຜູ້ຂຽນ : admin1 | ຈຳນວນຄົນເຂົ້າຊົມ: 93 | ຄວາມນິຍົມ:

ໂຮງງານມິດຕະພາບລາວ-ຫວຽດນາມ ໄດ້ສ້າງຕັ້ງຂຶ້ນ ໃນວັນທີ 1 ມິຖຸນາ 1961 ທີ່ບ້ານນາແທ່ນ ເມືອງຊຳເໜືອ ແຂວງຫົວພັນ, ໃນເວລານັ້ນ ຍັງບໍ່ທັນເປັນໂຮງງານເທື່ອ ພຽງແຕ່ເປັນຈຸສ້ອມແປງລົດເທົ່ານັ້ນ, ພາຍຫຼັງໄດ້ຮັບການສ້າງຕັ້ງຂຶ້ນ ກໍໄດ້ມີການເຄື່ອນໄຫວປະຕິບັດໜ້າທີ່ ຕາມພາລະບົດບາດ ໃນແຕ່ລະໄລ ຍະທີ່ຜ່ານມາ ກໍໄດ້ມີການພັດທະ ນາຂະຫຍາຍຕົວຂຶ້ນໄປເລື້ອຍໆ ຈາກຈຸສ້ອມແປງກາຍມາເປັນໝູ່, ຈາກໝູ່ກາຍມາເປັນໝວດ ແລະ ຈາກໝວດ ກາຍມາເປັນກອງ ຮ້ອຍສ້ອມແປງ, ມາຮອດວັນທີ 1 ພຶດສະພາ 1969 ຈຶ່ງໄດ້ສ້າງຕັ້ງເປັນໂຮງງານຂຶ້ນ ຊື່ວ່າ: ໂຮງງານມິດຕະພາບ ລາວ-ຫວຽດນາມ ຈົນເຖິງປັດຈຸບັນ ໂດຍຢູ່ພາຍໃຕ້ການຊີ້ນຳຂອງກົມໃຫຍ່ເຕັກນິກກອງທັບ ກໍຄື ກົມອຸດສາຫະກຳປ້ອງກັນຊາດ, ມີພາລະບົດບາດສຳຄັນ ໃນການສ້ອມແປງ, ຟື້ນຟູ ແລະ ບຳລຸງຮັກສາພາຫະນະເຕັກນິກ, ພ້ອມທັງຜະລິດບັນດາຜະລິດຕະພັນ ເພື່ອຮັບໃຊ້ໃຫ້ແກ່ກອງທັບ ເປັນຕົ້ນແມ່ນ ການບົວລະບັດສ້ອມແປງພາຫະນະ, ອຸປະກອນເຕັກນິກ ໃຫ້ແກ່ກົມກອງທະຫານ ແລະ ຍັງເຮັດໜ້າທີ່ ເຝິກອົບຮົມ ແລະ ພັດທະນາກຳລັງເຕັກນິກ ໃຫ້ແກ່ບັນດາກົມກອງ ນອກນັ້ນ, ຍັງໄດ້ມີການຮ່ວມມືກັບສະຫະພັນຣັດເຊຍ ໃນການສ້ອມແປງພາຫະນະເຕັກນິກຊ່າງແສງ ແລະ ຍົກລະດັບທັກສະວິຊາຊີບ. ສະຫາຍ ພັນໂທ ແສງມະນີ ສີພອນໄຊ ຮອງອຳນວຍການ ຮັບຜິດຊອບວຽກງານການ ເມືອງ-ບໍລິຫານ ໂຮງງານມິດ ຕະພາບ ລາວ-ຫວຽດນາມ ໄດ້ໃຫ້ສຳພາດວ່າ: ໃນໄລຍະຜ່ານມາ ຄະນະພັກ-ຄະນະອຳນວຍການ ໄດ້ເອົາໃຈໃສ່ຊີ້ນຳພະນັກງານ-ນັກຮົບ ຍົກສູງຄວາມຮັບຜິດຊອບ ຕໍ່ໜ້າທີ່ວຽກງານວິຊາສະເພາະ ດ້ວຍການນຳໃຊ້ທ່າແຮງທີ່ມີຢູ່ ເຊັ່ນ: ເຄື່ອງຈັກ, ອຸປະກອນ ແລະ ກຳລັງພົນ ເພື່ອຜະລິດ-ບໍລິການ ສ້າງລາຍຮັບເຂົ້າກົມກອງ ເພື່ອ ພັດທະນາໂຮງງານ ແລະ ປັບປຸງຊີວິດການເປັນຢູ່ຂອງພະນັກ ງານ-ນັກຮົບ ໃຫ້ດີຂຶ້ນຢ່າງຕໍ່ເນື່ອງ ໃນນີ້, ວຽກງານທີ່ພົ້ນເດັ່ນ ແມ່ນວຽກງານການຜະລິດ ແລະ ສ້ອມແປງ, ໄດ້ສ້ອມແປງລົດຊະນິດຕ່າງໆ ເຊັ່ນ: ຜະລິດເຄື່ອງຮັບໃຊ້ໃຫ້ແກ່ກອງທັບ ຕາມຄຳສັ່ງຂອງຂັ້ນເທິງ, ຜະ ລິດບັນດາອາໄຫຼ່ ແລະ ເຄື່ອງປະກອບຄົບຊຸດຫຼາຍລາຍການ ເພື່ອປະກອບໃສ່ລົດຊ່າງແສງ (ວຽກສ້ອມແປງຮ່ວມມືກັບ ສ ຣັດເຊຍ) ໄດ້ສ້ອມແປງເປັນປົກກະຕິຕາມແຜນງົບປະມານປະຈຳປີ ທີ່ກະຊວງປ້ອງກັນປະ ເທດ ກໍຄື ກົມຄຸ້ມຄອງລົດໄດ້ແບ່ງປັນຕົວເລກໃຫ້ ນອກນີ້, ຍັງໄດ້ປັບປຸງຄືນລະບຽບ, ແບບແຜນວິທີເຮັດວຽກ ນັບແຕ່ຂັ້ນຄະນະອຳນວຍການ ຈົນຮອດຂັ້ນພະແນກ-ຂະແໜງການ ເພື່ອເຮັດໃຫ້ການຈັດຕັ້ງປະຕິບັດໜ້າທີ່ວຽກງານມີປະສິດທິພາບ ເຄື່ອນໄຫວຖືກຕ້ອງຕາມພາລະບົດບາດຂອງຕົນ ຕື່ມອີກ. ສ່ວນທິດທາງແຜນການໃນ ຕໍ່ໜ້າ ຈະສືບຕໍ່ເອົາໃຈໃສ່ເປັນສຳ ຄັນ ຕໍ່ວຽກງານສຶກສາອົບຮົມການເມືອງ-ນຳພາແນວຄິດ ແນ ໃສ່ເຮັດໃຫ້ພະນັກງານ-ນັກຮົບ ມີແນວຄິດອຸ່ນອຽນທຸ່ນທ່ຽງ ເຮັດສຳເລັດໜ້າທີ່ການເມືອງຂອງ ກົມກອງ, ເອົາໃຈໃສ່ປະຕິບັດລະບອບສ່ອງແສງ, ລາຍງານເປັນປົກກະຕິ, ລະບອບປະຈຳການ ປ້ອງກັນຄ້າຍຄູ ແລະ ພື້ນຖານກົມກອງຕັ້ງທັບຢູ່ ໃຫ້ມີຄວາມສະຫງົບປອດໄພ 100%, ໂດຍ ສະເພາະແມ່ນເຮັດໜ້າທີ່ບົວລະ ບັດສ້ອມແປງ, ພາຫະນະ, ອຸປະ ກອນເຕັກນິກ ໃຫ້ແກ່ກົມກອງທະຫານ ແລະ ວຽກງານສ້ອມແປງ, ຟື້ນຟູພາຫະນະເຕັກນິກ ທີ່ ສ ຣັດເຊຍ ໄດ້ໃຫ້ການຊ່ວຍເຫຼືອ ໃຫ້ຮັບປະກັນທາງດ້ານປະລິມານ ແລະ ຄຸນນະພາບ, ເອົາໃຈໃສ່ປັບປຸງກໍ່ສ້າງກົມກອງ ເຮັດໃຫ້ຄ້າຍຄູມີຄວາມສະອາດຈົບງາມຢູ່ສະ ເໝີ, ສຸມໃສ່ວຽກງານອົບຮົມ, ກໍ່ສ້າງກຳລັງພະນັກງານ, ນາຍຊ່າງໃຫ້ມີຄວາມຊຳນິຊຳນານ ທາງດ້ານວຽກງານວິຊາສະ ເພາະ, ສືບຕໍ່ຮັກສາມູນເຊື້ອກອງຮາກຖານປອດໃສ ເຂັ້ມແຂງ ໜັກແໜ້ນ ໃຫ້ໄດ້ຢ່າງຕໍ່ເນື່ອງ. ໃນໂອກາດວັນກຳມະກອນສາກົນ ຄົບຮອບ 140 ປີ (1 ພຶດສະພາ 1886-1 ພຶດສະພາ 2026) ນີ້, ສະຫາຍ ພັນໂທ ແສງມະນີ ສີພອນໄຊ ໄດ້ຕາງໜ້າໃຫ້ຄະນະພັກ-ຄະນະອຳນວຍການ, ພະນັກງານ-ນັກຮົບ ທົ່ວໂຮງງານມິດຕະພາບລາວ-ຫວຽດນາມ, ສະມາຊິກກຳມະບານ, ກຳມະ ກອນ, ຊາວຜູ້ອອກແຮງງານທົ່ວໂຮງງານ ອວຍພອນໄຊອັນປະເສີດ ໃຫ້ບັນດາທ່ານການນຳພັກ-ລັດ, ການນຳກະຊວງປ້ອງກັນປະເທດ, ການນຳສູນກາງສະຫະພັນກຳມະບານລາວ ກໍຄື ຫ້ອງການກຳມະບານກອງທັບ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນຊີວິດສ່ວນຕົວ, ຄອບຄົວ ແລະ ສືບຕໍ່ໃຫ້ການນຳພາ-ຊີ້ນຳ ອົງການຈັດຕັ້ງສະ ຫະພັນກຳມະບານລາວ ໃຫ້ມີຄວາມໜັກແໜ້ນເຂັ້ມແຂງ, ເຕີບໃຫຍ່ຂະຫຍາຍຕົວ ກ້າວຂຶ້ນຢ່າງບໍ່ຢຸດຢັ້ງ, ອວຍພອນໃຫ້ບັນດາ ສະຫາຍ ພະນັກງານ-ນັກຮົບ, ສະມາຊິກກຳມະບານ, ກຳມະ ກອນ, ຜູ້ອອກແຮງງານລາວ ທຸກທົ່ວໜ້າຈົ່ງມີສຸຂະພາບແຂງ ແຮງ ແລະ ມີຜົນງານໃໝ່ໃຫຍ່ຫຼວງກວ່າເກົ່າ. ໂດຍ: ຄຳໄຕ ຈັນນະຄອນ

news to day and hot news