POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ກອງຮ້ອຍທະຫານຊາຍແດນ 515 ແຮກສ່ຽວກັບ ບ້ານປາກສະນົມ ເມືອງລະຄອນເພັງ
ເວລາອອກຂ່າວ: 2026-05-06 09:05:29 | ຜູ້ຂຽນ : admin1 | ຈຳນວນຄົນເຂົ້າຊົມ: 88 | ຄວາມນິຍົມ:

ພິທີແຮກສ່ຽວ ລະຫວ່າງ ກອງຮ້ອຍທະຫານຊາຍແດນ 515 ກອງບັນຊາການທະຫານແຂວງສາລະວັນ ກັບ ບ້ານປາກ ສະນົມ ເມືອງລະຄອນເພັງ ແຂວງສາລະວັນ ໄດ້ຈັດຂຶ້ນໃນບໍ່ດົນ ຜ່ານມານີ້, ໂດຍການເປັນປະທານຂອງສະຫາຍ ພັນເອກ ວິໄລ ພິມມະວົງ ຫົວໜ້າຫ້ອງການເມືອງ ກອງບັນຊາການທະຫານແຂວງ ສາລະວັນ, ມີພາກ ສ່ວນທີ່ກ່ຽວ ຂ້ອງ, ກົມກອງເພື່ອນ, ກອງບັນ ຊາການທະຫານເມືອງລະຄອນເພັງ ຕະຫຼອດຮອດ ພໍ່ແມ່ປະຊາ ຊົນບ້ານອ້ອມຂ້າງ ເຂົ້າຮ່ວມ. ສະຫາຍ ພັນຕີ ຄຳພອນ ເພັດປະເສີດ ຫົວໜ້າການເມືອງ ກອງຮ້ອຍທະຫານຊາຍແດນ 515 ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ ກອງຮ້ອຍທະ ຫານຊາຍແດນ 515 ແຮກສ່ຽວກັບອຳນາດການປົກຄອງບ້ານປາກສະນົມ ເມືອງລະຄອນເພັງ ພ້ອມທັງໄດ້ຮັບຟັງການເລົ່າປະຫວັດມູນເຊື້ອຂອງບ້ານ ແລະ ກົມກອງດັ່ງກ່າວ. ຈຸດພິເສດສະພາບລວມຂອງບ້ານປາກສະນົມ ສ້າງຕັ້ງຂຶ້ນເມື່ຶອວັນທີ 15 ພຶດສະພາ 1944 ຫ່າງຈາກເມືອງລະຄອນເພັງ 30 ກິໂລແມັດ, ມີ 128 ຫຼັງຄາເຮືອນ, ມີ 151 ຄອບຄົວ, ມີພົນລະເມືອງທັງໝົດ 681 ຄົນ, ຍິງ354 ຄົນ ອາຊີບຕົ້ນແມ່ນເຮັດນາ, ປູກຝັງ-ລ້ຽງສັດ, ຄ້າຂາຍ ແລະ ອື່ນໆ, ຈຸດພິເສດສະພາບລວມຂອງກອງຮ້ອຍທະຫານຊາຍແດນ 515 ສ້າງຕັ້ງຂຶ້ນໃນ ປີ 2022 ນັບແຕ່ໄດ້ຮັບການ ສ້າງຕັ້ງຂຶ້ນ ກອງຮ້ອຍກໍໄດ້ປະ ຕິບັດພາລະບົດບາດຂອງຕົນ ຮັບປະກັນໃຫ້ຂອບເຂດຮັບຜິດຊອບ ມີຄວາມສະເຫງົບໂດຍພື້ນຖານ, ສັງຄົມມີຄວາມເປັນລະບຽບຮຽບຮ້ອຍ, ມີຄວາມສາມັກຄີປອງດອງ ແລະ ມີການພັດທະນາ. ໃນໄລຍະຜ່ານມາກົມກອງ ໄດ້ເອົາໃຈໃສ່ປະສານສົມທົບກັບອົງການປົກຄອງບ້ານປາກສະນົມ ເຮັດວຽກງານສຶກສາອົບຮົມການເມືອງ-ແນວຄິດ ໃຫ້ພໍ່ແມ່ປະຊາຊົນໄດ້ຮັບຮູ້ຕໍ່ແນວທາງນະໂຍບາຍຂອງພັກ-ລັດ ຢ່າງທົ່ວເຖິງ ໂດຍຕິດພັນກັບ ວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຂອບເຂດຮັບຜິດຊອບ ເຮັດໃຫ້ສະພາບມີຄວາມສະຫງົບປອດໄພ 100%, ຊີ້ນຳປະຊາຊົນພາຍໃນບ້ານ ສ້າງເສດຖະກິດ ແລະ ແກ້ໄຂຊີວິດການເປັນຢູ່ຂອງຄອບຄົວ ດີຂຶ້ນເທື່ອລະກ້າວ. ຈາກນັ້ນ, ກໍໄດ້ເຊັນບົດບັນທຶກແຮກສ່ຽວ ລະຫວ່າງ ກອງຮ້ອຍທະຫານຊາຍແດນ 515 ກັບບ້ານປາກສະນົມ, ລົງນາມໂດຍສະຫາຍ ພັນໂທ ບຸນກອງ ປາທິລາດ ຫົວໜ້າການທະຫານກອງຮ້ອຍ 515 ແລະ ສະຫາຍ ເສີດ ສຸລິວົງ ເລຂາພັກ ບ້ານປາກສະນົມ. ໂອກາດນີ້, ສະຫາຍ ຫົວໜ້າຫ້ອງການເມືອງ ກອງບັນຊາການທະຫານແຂວງສາລະວັນ ໄດ້ມີຄຳເຫັນໂອ້ລົມ ຮຽກຮ້ອງໃຫ້ຄະນະພັກ-ຄະນະບັນຊາກອງ ຮ້ອຍ, ອຳນາດການປົກຄອງ ບ້ານ ຕະຫຼອດຮອດ ພະນັກງານ-ນັກຮົບ ແລະ ພໍ່ແມ່ປະຊາຊົນ ເອົາໃຈໃສ່ເຮັດວຽກງານສຶກສາອົບຮົມການເມືອງ-ແນວຄິດ ເປັນ ບັນຫາສຳຄັນ, ສືບຕໍ່ເສີມຂະ ຫຍາຍມູນເຊື້ອສາມັກຄີເປັນປຶກແຜ່ນ ຕາມຄຳຂວັນທີ່ວ່າ “ກອງທັບກັບປະຊາຊົນ ຄືປາກັບນ້ຳ”, ສືບຕໍ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ຂອບເຂດຮັບຜິດຊອບ ຂອງກົມກອງ ແລະ ບ້ານ ມີຄວາມໜັກແໜ້ນເຂັ້ມແຂງ, ພ້ອມກັນຕ້ານ ແລະ ສະກັດກັ້ນ ບັນດາປະກົດການຫຍໍ້ທໍ້ຕ່າງໆ ຢູ່ໃນສັງຄົມ ກໍຄື ຂອບເຂດບ້ານແຮກສ່ຽວ ໃຫ້ມີຄວາມສະຫງົບໂດຍພື້ນຖານ. ໃນຕອນທ້າຍ ຍັງໄດ້ພ້ອມກັນບາສີສູ່ຂວັນອວຍ ພອນເຊິ່ງກັນ ແລະ ກັນ ຕື່ມອີກ. ໂດຍ: ຈ໋ອດ ແສງຄຳອ່ອນ

news to day and hot news