ວັນພະຫັດ, ວັນທີ 21 ພຶດສະພາ 2026
ທະຫານແຂວງເຊກອງຕ້ອນຮັບ ຄະນະກອງບັນຊາການທະຫານນະຄອນ, ແຂວງ ຈາກ ສສ ຫວຽດນາມເນື່ອງໃນໂອກາດປີໃໝ່ລາວ ພສ 2569
ເວລາອອກຂ່າວ: 2026-05-06 09:02:51 | ຜູ້ຂຽນ : admin1 | ຈຳນວນຄົນເຂົ້າຊົມ: 98 | ຄວາມນິຍົມ: 
ໃນບໍ່ດົນຜ່ານມານີ້, ກອງບັນຊາການທະຫານແຂວງເຊກອງ ນຳໂດຍສະຫາຍ ພັນເອກ ສົມຈິດ ນິລະພົນ ຫົວໜ້າການເມືອງ ກອງບັນຊາການທະຫານແຂວງ ແລະ ສະຫາຍ ພັນເອກ ສີດາວົງ ດວງປານີ ຫົວໜ້າຫ້ອງ
ການເມືອງ ກອງບັນຊາການທະຫານແຂວງເຊກອງ ພ້ອມດ້ວຍຄະນະ ໄດ້ຕ້ອນຮັບ ຄະນະກອງບັນຊາການທະຫານນະຄອນ, ແຂວງ ຂອງ ສສ ຫວຽດນາມ ທີ່ມາເຄື່ອນໄຫວຢ້ຽມຢາມອວຍພອນເນື່ອງໃນໂອກາດວັນບຸນປີໃໝ່ລາວ ພສ 2569 ທີ່ໄກ້ຈະມາເຖິງໃນມໍ່ໆນີ້ ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍຄວາມສາມັກຄີລະຫວ່າງສອງຊາດ ລາວ-ຫວຽດນາມ.
ເຊິ່ງບັນດາກອງບັນຊາການທີ່ເຂົ້າມາອວຍພອນ ມີ: ສະຫາຍ ພັນເອກ ຫ່າ ວັນ ອ໋າຍ ຮອງກອງບັນຊາການ, ຫົວໜ້າຫ້ອງການເມືອງ ກອງບັນຊາການທະຫານນະຄອນເຫວ້ ພ້ອມດ້ວຍຄະນະ, ສະຫາຍ ພັນເອກ ເຈິ່ນ ຕ໋ຽນ ຮ່ຽນ ຫົວໜ້າກອງບັນຊາການທະ ຫານຊາຍແດນນະຄອນດ່ານັງ ພ້ອມດ້ວຍຄະນະ, ສະຫາຍ ພັນເອກ ດັ້ງ ງອກ ຮ້ຽວ ຫົວໜ້າການເມືອງ ກອງບັນຊາການທະ
ຫານນະຄອນເຫວ້ ພ້ອມຄະນະ, ພັນເອກ ຮິ່ມກິນຮ໋າຍ ຮອງກອງບັນຊາການທະຫານແຂວງກວາງຫງ່າຍ ພ້ອມຄະນະ, ພັນເອກ ພິເສດ ຫງຽວນ ເຕິ໋ນ ຕວນ ຫົວໜ້າການເມືອງກອງບັນຊາການທະຫານນະຄອນດ່ານັງ ພ້ອມຄະນະ, ສະຫາຍ ນາງ ຕ້າເຟືອງຢຸງ ກົງສຸນໃຫຍ່ປະຈຳນະຄອນປາກເຊ ແຂວງຈຳປາສັກ ແລະ ສະຫາຍ ພົນຈັດຕະວາ ຫງຽວນ ກັວກ ເຮືອງ ຮອງຫົວໜ້າກອງບັນຊາການທະຫານເຂດ 5 ກອງທັບປະຊາຊົນຫວຽດນາມ ໃນຄະນະດັ່ງກ່າວຍັງມີ ບໍລິສັດມິດຕະພາບ 206 ນຳໂດຍ ສະຫາຍ ຫວູ ວັນ ງຽວນ ຮອງອຳນວຍການບໍລິສັດ 206 ອີກດ້ວຍ.
ໃນໂອກາດດັ່ງກ່າວ ຄະນະພັກ-ຄະນະບັນຊາກອງບັນຊາການທະຫານແຂວງເຊກອງ ໄດ້ກ່າວຕ້ອນຮັບຢ່າງອົບອຸ່ນວ່າ: ໃນນາມຕາງໜ້າໃຫ້ຄະນະພັກ-
ຄະນະບັນຊາກອງບັນຊາການ ກໍຄື ນາຍ ແລະ ພົນທະຫານທົ່ວກອງບັນຊາການທະຫານແຂວງເຊກອງ ຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງ ທີ່ໄດ້ຕ້ອນຮັບ ການມາຢ້ຽມຢາມ ຂອງ ບັນດາແຕ່ລະຄະນະ ທີ່ໄດ້ສະຫຼະເວລາອັນມີຄຸນຄ່າ ມາອວຍພອນປີໃໝ່ລາວ ທີ່ໃກ້ຈະມາຮອດໃນມໍ່ໆນີ້ ແລະ ການມາຄັ້ງນີ້ ເປັນຂີດໝາຍສຳຄັນໃນການພົບປະແລກປ່ຽນ ການຮ່ວມມື ແລະ ຄວາມສາມັກຄີແບບພິເສດ ຈະຍັງຄົງສືບຕໍ່ຮັດແໜ້ນສາຍພົວພັນລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າສະເພາະ ກອງບັນຊາການທະ
ຫານແຂວງເຊກອງ ແລະ ບັນດາກອງບັນຊາການທະຫານ ສສ ຫວຽດນາມ ທີ່ມີຊາຍແດນຕິດຈອດ ລະຫວ່າງປະເທດ ລາວ ແລະ ຫວຽດນາມ ທີ່ຕິດຈອດກັບແຂວງເຊກອງ ແລະ ເປັນມູນເຊື້ອອັນດີງາມຕະຫຼອດມາ.
ໂດຍ: ກອງຄຳຈິ່ງດ້າຍອດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
