POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ສະຫຼຸບຜົນສຳເລັດບັ້ນເຝິກອົບຮົມນາຍຊ່າງປ່ຽນຊະນິດເຮືອບິນ ແລະ ນາຍຊ່າງຊັ້ນຕົ້ນ ຊຸດທີ VIII ກອງພັນໃຫຍ່ 703
ເວລາອອກຂ່າວ: 2026-05-06 08:59:40 | ຜູ້ຂຽນ : admin1 | ຈຳນວນຄົນເຂົ້າຊົມ: 84 | ຄວາມນິຍົມ:

ໃນບໍ່ດົນຜ່ານມານີ້, ພະແນກເຕັກນິກ ກອງພັນໃຫຍ່ 703 ໄດ້ຈັດຕັ້ງກອງປະຊຸມສະຫຼຸບຜົນສຳເລັດບັ້ນເຝິກອົບຮົມນາຍຊ່າງປ່ຽນຊະນິດເຮືອບິນ ແລະ ນາຍຊ່າງຊັ້ນຕົ້ນ ຊຸດທີ VIII ປະຈຳປີ 2024-2025, ໂດຍການເປັນປະທານ ຂອງ ສະຫາຍ ພັນເອກ ສະຫງົບ ຈັນສະໜອມ ຫົວໜ້າຫ້ອງເຕັກນິກ ກອງບັນຊາການທະຫານອາກາດ, ມີຄະນະພັກ-ຄະນະບັນຊາ ກອງພັນໃຫຍ່, ພະແນກການ, ຂະແໜງການ ກອງພັນ, ກອງຮ້ອຍເອກະລາດ ຕະຫຼອດຮອດຄູອາຈານ ແລະ ພະນັກງານ-ນັກຮົບນາຍຊ່າງ ເຂົ້າຮ່ວມ. ສະຫາຍ ພັນຕີ ດວງສີ ແພງຄຳເຮືອງ ຫົວໜ້າຂະແໜງຫົວຈັກ-ລຳຕົວເຮືອບິນຂຶ້ນຊື່ ໄດ້ຂຶ້ນຜ່ານບົດສະຫຼຸບ ໂດຍໄດ້ຍົກໃຫ້ເຫັນຜົນງານຫຼາຍດ້ານທີ່ພົ້ນເດັ່ນເປັນຕົ້ນແມ່ນໄດ້ສຶກສາອົບຮົມການເມືອງແນວຄິດໃຫ້ພະນັກງານ-ນັກຮົບເປັນປົກກະຕິເຊິ່ງມັນສະແດງອອກ ກົມກອງມີຄວາມສະຫງົບ ເວົ້າລວມເວົ້າສະເພາະ ແມ່ນການຈັດຕັ້ງ ການເຝິກອົບຮົມນາຍຊ່າງຊັ້ນຕົ້ນ ຊະນິດເຮືອບິນຂື້ນຊື່ ແລະ ເຮືອບິນປີກ ເພື່ອຮັບປະກັນດ້ານບຸກຄະລະກອນເຕັກນິກເຮືອບິນຊະນິດຕ່າງໆ ໃຫ້ມີຄວາມຮູ້ຄວາມສາມາດ, ມີຄວາມຊຳນິຊຳນານເພື່ອກຽມພ້ອມຮັບໃຊ້ໜ້າທີ່ການ ເມືອງຂອງກົມກອງ ແລະ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງຂັ້ນເທິງໃຫ້ມີຄວາມປອດໄພ 100%. ໂດຍອີງໃສ່ຂໍ້ຕົກລົງຂອງຫ້ອງອົບຮົມການບິນ ກອງບັນຊາການທະຫານອາກາດ ວ່າດ້ວຍການອະນຸມັດເປີດຊຸດຮຽນຊັ້ນຕົ້ນເຮືອບິນຂື້ນຊື່ ແລະ ເຮືອບິນປີກຊຸດທີ VIII ສົກປີ 2024-2025 ໃນ ຄັ້ງວັນທີ 8 ພຶດສະພາ 2025 ຜ່ານມານີ້, ມີນັກເຝິກອົບຮົມຈຳນວນ 57 ສະຫາຍ ມາຮອດປັດຈຸບັນແມ່ນໄດ້ສຳເລັດ 100% ຄື: ນັກຮຽນນາຍຊ່າງຮຽນປ່ຽນຊະນິດເຮືອບິນປິກ ວິຊາ ຫົວຈັກ-ລຳຕົວ ມີ 7 ສະຫາຍເສັງໄດ້ 100% ໃນນັ້ນ ເສັງໄດ້ປະເພດດີ ຈຳນວນ 02 ສະຫາຍ ເທົ່າກັບ 28,57 %, ເສັງໄດ້ປະເພດກາງຈຳນວນ 05 ສະຫາຍ ເທົ່າກັບ 71, 42%, ວິຊາ ໂມງໄຟຟ້າ-ວິທະຍຸຣາດາ ມີ 2 ສະຫາຍ ເສັງໄດ້ 100% ເສັງໄດ້ປະເພດດີເລີດໄດ້ 1 ສະຫາຍ ເທົ່າກັບ 50% ເສັງໄດ້ປະເພດດີ 1 ສະຫາຍ ເທົ່າກັບ 50%, ນັກຮຽນນາຍຊ່າງຮຽນປ່ຽນຊະນິດເຮືອບິນຂຶ້ນຊື່ ວິຊາອາວຸດ ມີ 07 ສະຫາຍ ເສັງໄດ້ 100%, ໃນນັ້ນ ເສັງໄດ້ປະເພດດີເລີດ ຈຳນວນ 2 ສະຫາຍ ເທົ່າກັບ 28,57 %, ເສັງໄດ້ປະເພດດີ ຈຳນວນ 5 ສະຫາຍ ເທົ່າກັບ 71,42%, ນັກຮຽນນາຍຊ່າງຊັ້ນຕົ້ນເຮືອບິນປີກ ວິຊາ ຫົວຈັກ-ລຳຕົວ ມີ 09 ສະຫາຍ ເສັງໄດ້ 100% ໃນນັ້ນ, ເສັງໄດ້ປະເພດດີເລີດ ຈຳນວນ 4 ສະຫາຍ ເທົ່າກັບ 44,44 %, ເສັງໄດ້ປະເພດດີ ຈຳນວນ 05 ສະຫາຍ ເທົ່າກັບ 55,56%, ວິຊາ ໂມງ-ໄຟຟ້າ-ວິທະຍຸຣາດາ ມີ 6 ສະຫາຍ, ເສັງໄດ້ 100%, ໃນນັ້ນ ເສັງໄດ້ປະເພດດີເລີດ ຈຳນວນ 4 ສະຫາຍ ເທົ່າກັບ 66, 66 %, ເສັງໄດ້ປະເພດດີ ຈຳນວນ 2 ສະຫາຍ ເທົ່າກັບ 33,33%, ນັກຮຽນນາຍຊ່າງຊັ້ນຕົ້ນເຮືອບິນຂຶ້ນຊື່ ວິຊາ ຫົວຈັກ-ລຳຕົວ ມີ 19 ສະຫາຍ, ເສັງໄດ້ 100%, ໃນນັ້ນ ເສັງໄດ້ປະເພດດີເລີດ ຈຳນວນ 4 ສະຫາຍ ເທົ່າກັບ 21,05 %, ເສັງໄດ້ປະເພດດີ ຈຳນວນ 15 ສະຫາຍ ເທົ່າກັບ 78, 94% ແລະ ວິຊາ ໂມງ-ໄຟຟ້າ-ວິທະຍຸຣາດາ ມີ 6 ສະຫາຍ ເສັງໄດ້ 100%, ໃນນັ້ນ ເສັງໄດ້ປະເພດດີເລີດ ຈຳນວນ 2 ສະຫາຍ ເທົ່າກັບ 33,33 %, ເສັງໄດ້ປະເພດດີ ຈຳນວນ 4 ສະຫາຍ ເທົ່າກັບ 66,66%, ໃນຕອນທ້າຍຍັງໄດ້ມອບໃບຢັ້ງຢືນເປັນຄູອາຈານໃຫ້ຈຳນວນ 5 ສະຫາຍ ຕືມອີກ. ໂດຍ: ນາງ ບົວພັນ ເທີນຜາສຸກ

news to day and hot news