POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ຖືເອົາການປູກຝັງ-ລ້ຽງສັດ ເປັນການສ້າງລາຍຮັບເສີມໃຫ້ແກ່ຄອບຄົວ
ເວລາອອກຂ່າວ: 2026-05-05 09:15:53 | ຜູ້ຂຽນ : admin1 | ຈຳນວນຄົນເຂົ້າຊົມ: 138 | ຄວາມນິຍົມ:

ເມື່ອເວົ້າເຖິງຄອບຄົວພະ ນັກງານ-ນັກຮົບ ຜູ້ທີ່ມີຄວາມບຸກບືນ, ດຸໝັ່ນ, ຫ້າວຫັນໃນການ ເຄື່ອນໄຫວ ປະຕິບັດໜ້າທີ່ວຽກ ງານວິຊາສະເພາະ ກໍຄືການປະຕິ ບັດຂໍ້ກຳນົດ, ກົດລະບຽບຂອງກອງທັບວາງອອກຢ່າງເຂັ້ມງວດແລ້ວ, ຍັງໄດ້ຍາດແຍ່ງເວລາຫວ່າງໃຫ້ເປັນປະໂຫຍດ ໂດຍຖືເອົາການອອກແຮງງານ ເພີ່ມພູນຜະລິດຜົນປູກຝັງ-ລ້ຽງສັດ ເພື່ອແກ້ໄຂຊີວິດການເປັນຢູ່ຂອງຄອບຄົວ ໃຫ້ນັບມື້ດີຂຶ້ນເທື່ອລະກ້າວ. ຄືດັ່ງຄອບຄົວ ສະຫາຍ ພັນໂທ ສົມເພັງ ອ້ວນວິໄລ ຮອງຫົວໜ້າຫ້ອງພະລາທິການກອງບັນຊາການທະຫານແຂວງຈຳປາສັກ ແມ່ນຄອບຄົວໜື່ງທີ່ ມີຄວາມບຸກບືນ, ຫ້າວຫັນ, ໃນການເພີ່ມພູນຜະລິດຜົນ ປູກຝັງ-ລ້ຽງສັດ ສ້າງລາຍຮັບເພີ່ມໃຫ້ແກ່ຄອບຄົວ ໄດ້ມີຢູ່ມີກິນ ແລະ ເປັນແບບຢ່າງທີ່ດີ ໃຫ້ແກ່ຄອບຄົວ ນາຍ ແລະ ພົນທະຫານ ຢູ່ກອງບັນຊາການທະຫານແຂວງຈຳປາສັກ ຈຶ່ງໄດ້ຮັບການຍ້ອງຍໍຊົມເຊີຍ ຈາກຄະນະພັກ-ຄະນະບັນຊາກອງບັນ ຊາການທະຫານແຂວງຂັ້ນ ແລະ ອົງການຈັດຕັ້ງ, ໝູ່ເພື່ອນຕະຫຼອດມາ. ສະຫາຍ ພັນໂທ ສົມເພັງ ອ້ວນວິໄລ ມີຖີ່ນກຳເນີດ ຢູ່ບ້ານ ຝັ່ງແດງ ເມືອງໄຊເສດຖາ ແຂວງ ອັດຕະປື ຍ້ອນມີຄວາມຮັກຊາດ, ຮັກບ້ານເກີດເມືອງນອນ ແລະ ຢາກປະກອບສວ່ນຮັບໃຊ້ຊາດໃນຖັນແຖວຂອງກອງທັບປະຊາ ຊົນລາວ. ສະຫາຍ ຈື່ງໄດ້ສະໝັກ ໃຈເຂົ້າເປັນທະຫານໃນປີ 1979 ແລະ ໄດ້ສຶກສາຮ່ຳຮຽນຢູ່ໂຮງ ຮຽນວັດທະນະທຳວຽງໄຊ ມາຮອດປີ 1984 ໄດ້ໄປສຶກສາຮຽນຕໍ່ຢູ່ໂຮງຮຽນ ຈິນາຍໂມ້ ຮອດປີ 1986 ໄດ້ຖືກຊັບຊ້ອນໄປປະຈຳການຢູ່ກົມການເງິນກົມໃຫຍ່ພະລາທິການກອງທັບ ມາຮອດປີ 1988 ໄດ້ສ້າງຄອບຄົວ ກັບ ນາງ ວຽງຕາວັນ. ປັດຈຸບັນ ຢູ່ບ້ານໜອງແວງ ເມືອງປະທຸມພອນ ແຂວງຈຳປາສັກ ແລະ ໄດ້ມີບຸດຮ່ວມກັນ 2 ຄົນ, ຕົກມາ ຮອດປີ 1989 ໄດ້ຍົກຍ້າຍມາ ຈຳການຢູ່ກອງບັນຊາການທະ ຫານແຂວງຈຳປາສັກ. ຍ້ອນຄວາມດຸໝັ່ນຂະຫຍັນພຽນຂອງສະຫາຍ ຈຶ່ງໄດ້ຍາດເວລາຫວ່າງໃຫ້ເປັນປະໂຫຍດ ນຳພາຄອບຄົວສ້າງເສດຖະກິດ ແກ້ໄຂຊີວິດການເປັນຢູ່ ໂດຍຖືເອົາການປູກຝັງ-ລ້ຽງສັດເປັນເງື່ອນໄຂທ່າແຮງໂດຍປະຕິບັດຕາມທິດນຳເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງ ດ້ວຍຕົນເອງ ກໍຄື 4 ປູກ 4 ລ້ຽງທີ່ກົມໃຫຍ່ພະ ລາທິການວາງອອກ, ມາຮອດປີ 2010 ຄອບຄົວຈຶ່ງໄດ້ປືກສາ ຫາລືກັນ ຊອກຫາວິທີໃນການສ້າງ ລາຍຮັບເພີ່ມໃຫ້ແກ່ຄອບຄົວໄດ້ມີຢູ່ມີກິນດີຂຶ້ນກວ່າເກົ່າ. ດັ່ງ ນັ້ນ, ຈຶ່ງໄດ້ນຳເອົາເງິນສະສົມຈຳນວນໜຶ່ງໃນຄອບຄົວ ມາລົງ ທືນຊື້ໝູມາລ້ຽງ ເປັນໝູແມ່ພັນ ຈຳນວນ 10 ໂຕ ແລະ ໝູແມ່ຂຸນ ຈຳນວນ 50-60 ໂຕ, ຕໍ່ມາ ໄດ້ມີການຂະຫຍາຍໝູແມ່ພັນ ຈຳນວນ 18 ໂຕ, ໝູ່ພໍ່ພັນ ຈຳນວນ 2 ໂຕ ແລະ ໝູແມ່ຂຸນ ຈຳນວນ 180-200 ໂຕ ຕໍ່ງວດ; ນອກຈາກນັ້ນ ແລ້ວ ຄອບຄົວຂອງສະຫາຍ ຍັງໄດ້ລ້ຽງເປັດ-ໄກ່ ແລະ ປູກຕົ້ນໄມ້ກິນໝາກ ໃນນັ້ນ ມີຕົ້ນໝາກຖົ່ວລຽນ, ໝາກເງາະ, ໝາກພ້າວ, ໝາກມວງ ແລະ ໝາກໄມ້ຊະນິດອື່ນໆ ອີກຈຳນວນໜື່ງ ດ້ວຍຄວາມດຸໝັ່ນຂະຫຍາຍພຽນຂອງສະຫາຍ ແລະ ຄອບຄົວ ຈຶ່ງສາ ມາດສ້າງລາຍຮັບເພີ່ມໃຫ້ແກ່ຄອບຄົວ ຈາກການຂາຍໝູ ໄດ້ຈຳນວນ 100-200 ລ້ານກີບຕໍ່ປີ ແລະ ລາຍໄດ້ຈາກການຂາຍເປັດ-ໄກ່, ໝາກໄມ້ ອີກຈຳນວນໜຶ່ງ. ສະຫາຍ ພັນໂທ ສົມເພັງ ອ້ວນວິໄລ ໄດ້ໃຫ້ຮູ້ຕື່ມອີກວ່າ: ສຳລັບທິດທາງໃນຕໍ່ໜ້າແມ່ນຈະ ສືບຕໍ່ສຸມໃສ່ການບົວລະບັດຮັກ ສາຕົ້ນໄມ້ກິນໝາກຊະນິດຕ່າງໆ ແລະ ສັດລ້ຽງທີ່ມີແລ້ວ ໃຫ້ຂະ ຫຍາຍພັນຫຼາຍຂຶ້ນກວ່າເກົ່າ, ພ້ອມທັງຈະສຸມໃສ່ຂະຫຍາຍການປູກຜືດຜັກໄລຍະສັ້ນ, ຕົ້ນໄມ້ກິນໝາກ ແລະ ຂະຫຍາຍໜອງປາ ດ້ວຍກາຍຂຸດຄອງໃສ້ໄກ່ເພື່ອເຮັດໃຫ້ຄອບຄົວມີລາຍຮັບເພີ່ມຂຶ້ນ. ບົດ: ດາວົງ ບຸດຕະວົງ ພາບ: ນາງ ສີລິຄານ ສີດາວົງ

news to day and hot news