ວັນຈັນ, ວັນທີ 18 ພຶດສະພາ 2026
ມອບເຄື່ອງອຸປະໂພກ-ບໍລິໂພກ ໃຫ້ກົມກອງເຂດຫ່າງໄກສອກຫຼີກ
ເວລາອອກຂ່າວ: 2026-05-05 09:14:42 | ຜູ້ຂຽນ : admin1 | ຈຳນວນຄົນເຂົ້າຊົມ: 129 | ຄວາມນິຍົມ: 
ໃນບໍ່ດົນຜ່ານມານີ້, ສະຫາຍ ພັນເອກ ວຽງແກ້ວ ມະຫາໄຊ ຫົວໜ້າຫ້ອງການເມືອງ ກອງພົນທີ 5 ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ ແລະ ນຳເອົາ ເຄື່ອງອຸປະໂພກ-ບໍລິໂພກ ທີ່ໄດ້ຮັບຈາກຫ້ອງການສະຫະພັນແມ່ ຍິງກອງທັບ ນຳໄປມອບຕໍ່ໃຫ້ແກ່ພະນັກງານ-ນັກຮົບທີ່ປະຈຳການ ແລະ ປະຕິບັດໜ້າທີ່ ຢູ່ເຂດຫ່າງໄກສອກຫຼີກທຸລະກັນດານ ໃນນັ້ນ, ມີກອງປະຕິບັດງານ 218, ກອງພັນ 13 ແລະ ກອງພັນ 23. ເຄື່ອງອຸປະໂພກ-ບໍລິໂພກ ທີ່ນຳ ໄປມອບປະກອບມີ: ອາຫານແຫ້ງ, ນ້ຳປາ, ໝີ່ສຳເລັດຮູບ, ຢາສະຜົມ, ເຄື່ອງໃຊ້ຈຳເປັນອື່ນໆ ແລະ ວັດຖຸປັດໄຈອີກຈຳນວນໜຶ່ງ ລວມມູນຄ່າທັງໝົດ 177.092.000 ກີບ. ທັງນີ້, ກໍເພື່ອເປັນການສະແດງເຖິງຄວາມເປັນຫ່ວງເປັນໃຍ ຢ່າງໃກ້ຊິດຂອງຄະນະພັກ-ຄະ ນະບັນຊາ ກອງພົນທີ 5 ກໍຄື ຫ້ອງການສະຫະພັນແມ່ຍິງກອງ ທັບ ທີ່ມີຕໍ່ພະນັກງານ-ນັກຮົບ ທີ່ກຳລັງປະຈຳການ ແລະ ປະຕິບັດໜ້າທີ່ ຢູ່ເຂດຫ່າງໄກສອກຫຼີກ ທຸລະກັນດານ ໂດຍສະເພາະໃນ ເຂດທີ່ມີສະພາບການດຳລົງຊີ ວິດຫຍຸ້ງຍາກ, ການເຂົ້າເຖິງສິ່ງ ອຳນວຍຄວາມສະດວກຍັງຈຳ ກັດ.
ສະຫາຍ ພັນເອກ ວຽງແກ້ວ ມະຫາໄຊ ໄດ້ຍ້ອງຍໍຊົມເຊີຍ ຕໍ່ພະນັກງານ-ນັກຮົບ ທີ່ມີນ້ຳໃຈຮັກຊາດ, ຮັກປະຊາຊົນ, ຮັກໃນໜ້າທີ່ ພ້ອມທັງປະຕິບັດລະບຽບວິໄນຂອງກອງທັບ ໄດ້ຢ່າງເຂັ້ມງວດ, ສູ້ຊົນປະຕິບັດທຸກພາລະກິດ ໃຫ້ສຳເລັດ.
ໂອກາດນີ້, ຄະນະພັກ-ຄະນະບັນຊາແຕ່ລະກົມກອງ ໄດ້ສະ ແດງຄວາມຂອບໃຈ ຕໍ່ຄະນະພັກ- ຄະນະບັນຊາກອງພົນທີ 5 ກໍຄືຫ້ອງການສະຫະພັນແມ່ຍິງກອງທັບ ທີ່ມີຄວາມເປັນຫວ່ງເປັນໃຍຕໍ່ພະນັກງານ-ນັກຮົບພວກເຮົາ ການມາຊຸກຍູ້ຄັ້ງນີ້ ບໍ່ພຽງແຕ່ເປັນການຕອບສະໜອງເຄື່ອງຂອງສິ່ງຈຳເປັນເທົ່ານັ້ນ ແຕ່ຍັງເປັນການສ້າງຂວັນກຳລັງໃຈ ແລະ ສ້າງສາຍສຳພັນອັນແໜ້ນແຟ້ນ ລະຫວ່າງຄະນະພັກ-ຄະນະບັນຊາ ກັບພະນັກງານ-ພະນັກງານ-ນັກຮົບ ຢູ່ບັນດາກົມກອງ ໃຫ້ແໜ້ນແຟ້ນຂຶ້ນຕື່ມອີກ.
ໂດຍ: ໄຊຍະຄານ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
