POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 21 ພຶດສະພາ 2026

ສອງອົງງານຈັດຕັ້ງມະຫາຊົນ ວິທະຍາຄານພະລາທິການກອງທັບ ຈັດຕັ້ງແຂ່ງຂັນສິລະປະສະໝັກຫຼິ້ນ
ເວລາອອກຂ່າວ: 2026-05-04 09:59:52 | ຜູ້ຂຽນ : admin2 | ຈຳນວນຄົນເຂົ້າຊົມ: 562 | ຄວາມນິຍົມ:

ວັນທີ 29 ເມສາ 2026, ຢູ່ທີ່ສະໂມສອນວິທະຍາຄານພະລາທິການກອງທັບ, ສອງອົງງານຈັດຕັ້ງມະຫາຊົນ ວິທະຍາຄານພະລາທິການກອງທັບ ໄດ້ຈັດຕັ້ງແຂ່ງຂັນສິລະປະສະໝັກຫຼິ້ນ, ໂດຍການ ເປັນປະທານ ຂອງສະຫາຍ ພົນຈັດຕະວາ ສອນທັນ ສຸວົງໄຊ ອໍານວຍການ ຫົວໜ້າການເມືອງ ວິທະຍາຄານພະລາທິການກອງທັບ, ມີຄະນະພັກ-ຄະນະອໍານວຍການ, ຄະນະນໍາ-ຄະນະບັນຊາ 6 ຫ້ອງ, 2 ກອງພັນ, ພະນັກງານ, ຄູ-ອາຈານ, ນັກຮົບ ແລະ ນັກຮຽນ-ນັກສຶກສາເຂົ້າຮ່ວມຊົມ. ເພື່ອຂໍ່ານັບຮັບຕ້ອນ, ຂໍ່ານັບຊົມເຊີຍ ບັນດາວັນປະຫວັດສາດທີ່ສໍາຄັນຕ່າງໆ ເວົ້າລວມ, ເວົ້າສະເພາະ ເພື່ອຂໍ່ານັບຮັບຕ້ອນ ວັນແມ່ຍິງສາກົນ ຄົບຮອບ 116 ປີ, ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 71 ປີ ທີ່ຜ່ານມາ, ທັງເປັນການສ້າງຂະບວນການເພື່ອຂໍ່ານັບຮັບຕ້ອນວັນສ້າງຕັ້ງ ວິທະຍາຄານພະລາທິການກອງທັບ ຄົບຮອບ 30 ປີ ທີ່ຈະໄດ້ໝູນວຽນມາເຖິງໃນມໍ່ໆນີ້ອີກດ້ວຍ. ດັ່ງນັ້ນ, ສອງອົງການຈັດຕັ້ງມະຫາຊົນ: ຊາວໜຸ່ມ ແລະ ແມ່ຍິງວິທະຍາຄານພະລາທິການກອງທັບ ຈຶ່ງໄດ້ຈັດງານແຂ່ງຂັນສິລະປະສະໝັກຫຼີ້ນຂຶ້ນມາ. ນອກຈາກເປັນການຂໍ່ານັບຮັບຕ້ອນວັນສໍາຄັນຕ່າງໆຂອງຊາດ, ຂອງພັກ, ຂອງກອງທັບແລ້ວ ຍັງຖືເປັນການຊອກຄົ້ນ ເພື່ອຄັດເລືອກເອົາຜູ້ທີ່ມີພອນສະຫວັນ, ຄວາມສາມາດ, ມັກ, ຮັກທາງດ້ານການຮ້ອງເພັງ, ຂັບ, ລໍາ, ຟ້ອນ ຢູ່ບັນດາຫົວໜ່ວຍ-ກົມກອງ, ເພື່ອກະກຽມເຂົ້າຮ່ວມງານແຂ່ງຂັນສິລະປະສະ ໝັກຫຼີ້ນ ທົ່ວກອງທັບ ທີ່ກະຊວງປ້ອງກັນປະເທດຈະໄດ້ຈັດຂຶ້ນໃນຕໍ່ໜ້າ, ສໍາລັບການແຂ່ງຂັນຄັ້ງນີ້, ປະກອບມີ 03 ປະເພດແຂ່ງຂັນຄື: ຮ້ອງເພງ, ຂັບລໍາທ້ອງຖິ່ນ, ຟ້ອນລວມໝູ່, ເຊິ່ງມີນັກແຂ່ງຂັນທັງໝົດ 08 ທີມ, ຈາກ 08 ກົມກອງທົ່ວ ວິທະຍາຄານພະລາທິການກອງທັບ, ການແຂ່ງຂັນດໍາເນີນໄປດ້ວຍບັນຍາກາດເບີກບານມ່ວນຊື່ນ, ບັນດາຜູ້ເຂົ້າຮ່ວມແຂ່ງຂັນຕ່າງກໍສະແດງຄວາມສາມາດທາງດ້ານສິລະປະ-ວັນນະຄະດີ ທີ່ອ່ອນຊ້ອຍນິ້ມນວນອ່ອນຫວານ ທີ່ເປັນເອກກະລັກສະເພາະຕົວແຕກຕ່າງກັນ, ຈົນສ້າງຄວາມໜັກໃຈໃຫ້ຄະນະກໍາມະການໃນການຕັດສິນ. ຜົນຂອງການແຂ່ງ ປະເພດຮ້ອງເພງ ລາງວັນທີ 1 ໄດ້ແກ່ ຮ້ອຍໂທ ນາງ ໂມເມ ວົງພະຈັນ ຈາກຫ້ອງອົບຮົມ, ທີ 2 ໄດ້ແກ່ ຮ້ອຍເອກ ວຽງອາຄົມ ຈາກກອງພັນທີ 1 ແລະ ລາງວັນທີ 3 ໄດ້ແກ່ ຊັ້ນ2 ສຸລິວັນ ແກ້ວນາລີ ຈາກຫ້ອງການ; ປະເພດຂັບລໍາທ້ອງຖິ່ນ ລາງວັນທີ 1 ໄດ້ແກ່ ສິບເອກ ສີພັນ ກຸສົນ ຈາກກອງພັນທີ 2, ທີ 2 ໄດ້ແກ່ ຮ້ອຍໂທ ນາງ ໂຈມຄໍາ ພັນລະດາ ຈາກຫ້ອງການເມືອງ ແລະ ລາງວັນທີ 3 ໄດ້ແກ່ ຮ້ອຍໂທ ນາງ ດໍາດີ ໄຊຍະວົງ ຈາກກອງພັນທີ 1; ປະເພດຟ້ອນລວມໝູ່ ລາງວັນທີ 1 ໄດ້ແກ່ ຫ້ອງອົບຮົມ, ທີ 2 ໄດ້ແກ່ ຫ້ອງການເມືອງ ແລະ ລາງວັນທີ 3 ແມ່ນ ກອງພັນທີ 2, ໂອກາດນີ້ ຄະນະພັກ-ຄະນະອໍານວຍການ ກໍໄດ້ຜັດປ່ຽນກັນຂຶ້ນມອບລາງວັນມອບລາງວັນໃຫ້ຜູ້ເຂົ້າແຂ່ງຂັນຢ່າງສົມກຽດ. ໃນຕອນທ້າຍ ສະຫາຍປະທານ ກໍໄດ້ສະແດງຄວາມຍ້ອງຍໍຊົມເຊີຍຕໍ່ທຸກພາກສ່ວນກ່ຽວຂ້ອງ, ທີ່ໄດ້ຮ່ວມແຮງຮ່ວມໃຈຈັດງານແຂ່ງຂັນອັນເປັນການສ້າງສີສັນບັນຍາກາດຄວາມເບີກບານມ່ວນຊື່ນໃຫ້ແກ່ກົມກອງ, ຕະຫຼອດຮອດບັນດາທີມນັກແຂ່ງຂັນສິລະປະວັນນະຄະດີ, ພ້ອມທັງໄດ້ຮ້ຽກຮ້ອງໃຫ້ທຸກພາກສ່ວນສືບຕໍ່ ແລະ ເສີມຂະຫຍາຍມູນເຊື້ອອັນດີງາມນີ້ໃວ້ໃຫ້ຄຽງຄູ່ກັບ ວິທະຍາຄານພະລາທິການກອງທັບຕະຫຼອດໄປ, ພ້ອມໄດ້ກ່າວປິດການແຂ່ງຂັນຢ່າງເປັນທາງການ. ໂດຍ: ແກ້ວອຸດອນ ລັດສະໝີ

news to day and hot news