ວັນອາທິດ, ວັນທີ 01 ທັນວາ 2024
ຫົວໜ່າກົມອົບຮົມກົມໃຫຍ່ເສນາທິການໂອ້ລົມຄະນະນັກກີລາທີ່ກຽມຈະເດີນທາງໄປແຂ່ງຂັນກີລາມິດຕະພາບຢູ່ ສສ ມຽນມາ
ເວລາອອກຂ່າວ: 2019-10-02 08:24:33 | ຜູ້ຂຽນ : admin2 | ຈຳນວນຄົນເຂົ້າຊົມ: 379584520 | ຄວາມນິຍົມ: 
ວັນທີ 30 ກັນຍາ ນີ້, ສະຫາຍ
ພົນຈັດຕະວາ ພັນແສງ ບຸນພັນ ຫົວໜ້າກົມອົບຮົມກົມໃຫຍ່ເສນາ
ທິການກອງທັບ ໄດ້ໂອ້ລົມຄະ ນະນັກກີລາຜູ້ທີ່ຈະເດີນທາງ ເຂົ້າຮ່ວມການແຂ່ງຂັນກີລາມິດ ຕະພາບຢູ່ ສສ ມຽນມາ ໃນລະ ຫວ່າງວັນທີ 7-11 ຕຸລານີ້ ເຊິ່ງ ກ່ອນອື່ນສະຫາຍໄດ້ໃຫ້ທິດ ຊີ້ນຳຕໍ່ຄູເຝິກ-ນັກກີລາໃຫ້ເອົາ ໃຈໃສ່ປະຕິບັດຕໍ່ລະບຽບກະຕິ ກາໃນການແຂ່ງຂັນເພື່ອຍາດ ເອົາໄຊຊະນະທີ່ສໍາຄັນຕ້ອງມີ ນໍ້າໃຈນັກກີລາຮູ້ເສຍຮູ້ຊະນະ, ພ້ອມທັງເນັ້ນໜັກໃຫ້ຄູເຝິກຫົວ ໜ້າທີມເປັນແບບຢ່າງໃນທຸກຂົງ
ເຂດວຽກງານ ແລະ ພ້ອມກັບການຕິດຕາມຜົນງານບຸກຄົນ ເພື່ອຄັດເລືອກເອົານັກກີລາ ທີ່ມີຄຸນນະພາບ ແນໃສ່ຮັບ
ປະກັນກະກຽມຄວາມພ້ອມໃນ ການເຂົ້າຮ່ວມງານມະຫະກໍາ ກີລາແຫ່ງຊາດຄັ້ງທີ 11 ທີ່ຈະຈັດ
ຂຶ້ນຢູ່ແຂວງຊຽງຂວາງໃນຕົ້ນ
ປີ 2020. ພ້ອມທັງໄດ້ອວຍ ພອນໃຫ້ບັນດານັກກີລາ, ຄູເຝິກ ແລະ ຫົວໜ້າທີມເດີນທາງ ດ້ວຍ
ຄວາມສະຫວັດດີພາບກັບມາ ພ້ອມຜົນງານທີ່ໂດດເດັ່ນຕາມ ຄາດໝາຍທີ່ວາງໄວ້.
ໂອກາດນີ້ສະຫາຍ ພັນໂທ ຖາວອນ ຫຼວງຈັນດາວົງ ຫົວໜ້າ
ການທະຫານກອງກີລາກອງທັບ, ຜູ້ຈັດການທີມກີລາບານສົ່ງໃນຮົ່ມ ແລະ ຫາດຊາຍ ຊາຍ-ຍິງ ແລະ ນັກກີລາແລ່ນລານ ຊາຍ-ຍິງໄດ້ ຂຶ້ນລາຍງານຄວາມຄືບໜ້າກະ
ກຽມ¬ທີມນັກກີລາກອງທັບທີ່ ກະກຽມຈະເດີນທາງເຂົ້າຮ່ວມ ການແຂ່ງຂັນໃນຄັ້ງນີ້ ພ້ອມທັງ
ຂຶ້ນຜ່ານຂໍ້ຕົກລົງ ວ່າດ້ວຍການ ແຕ່ງຕັ້ງຄະນະນັກກີລາກອງທັບ
ປະຊາຊົນລາວທີ່ຈະເດີນທາງໄປ
ແຂ່ງຂັນກີລາມິດຕະ ພາບດັງກ່າວ
ແລະ ໄດ້ມີການປຶກສາຫາລືກັນ ໃນບັນຫາຕ່າງໆກ່ຽວກັບການ ເຝິກຊ້ອມນັກກີລາ ໂດຍສະເພາະ ການເດີນທາງເຂົ້າຮ່ວມແຂ່ງຂັນ ໃນນັ້ນຄະນະຮັບຜິດຊອບນັກກີ ລາກອງທັບປະຊາຊົນລາວ ໄດ້ ຕົກລົງກຳນົດຈະສົ່ງນັກກີລາເຂົ້າ
ຮ່ວມແຂ່ງຂັນ 2 ປະເພດຄື: ກີລາ
ບານເຕະຊາຍ ແລະ ກີລາກະ ຕໍ້ຊາຍ.
ໂດຍ: ຄຳສະຫວັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
