POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ທະຫານແຂວງອັດຕະປື ແຕ່ງຕັ້ງພະນັກງານ-ນັກຮົບ ໄປຊ່ວຍສອນໃນເຂດຫ່າງໄກສອກຫຼີກ
ເວລາອອກຂ່າວ: 2026-04-20 09:07:27 | ຜູ້ຂຽນ : admin1 | ຈຳນວນຄົນເຂົ້າຊົມ: 90 | ຄວາມນິຍົມ:

ວັນທີ 19 ມີນາ 2026 ນີ້, ກອງບັນຊາການທະຫານແຂວງອັດຕະປື ໄດ້ຈັດພິທີປະກາດແຕ່ງຕັ້ງພະນັກງານ-ນັກຮົບ ທີ່ໄດ້ເຝິກອົບຮົມວິຊາຄູ ໄປຊ່ວຍສອນໃນເຂດຫ່າງໄກສອກຫຼີກ ຢູ່ເມືອງພູ ແລະ ເມືອງສະໜາມໄຊ, ໂດຍການເປັນປະທານຂອງ ສະຫາຍ ພັນເອກ ສີສົມໃຈ ມະໂນລາ ຫົວໜ້າການເມືອງ ກອງບັນຊາການທະຫານແຂວງອັດຕະປື, ມີ ສະຫາຍ ສຸກສະໄຫວ ຄ່ຽມພະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງອັດຕະປື, ມີຫ້ອງການສຶກສາທິການ ແລະ ກິລາເມືອງພູວົງ ແລະ ເມືອງສະໜາມໄຊ, ຕາງໜ້າຫ້ອງ, ພະແນກການທີ່ກ່ຽວຂ້ອງ ຕະຫຼອດຮອດພະນັກງານ-ນັກຮົບ ທີ່ໄດ້ຮັບການແຕ່ງຕັ້ງໄປຊ່ວຍສອນເຂົ້າຮ່ວມ. ສະຫາຍ ພັນໂທ ດອກທອງ ສີລາເພັດ ຫົວໜ້າພະແນກພະນັກງານ ຫ້ອງການເມືອງ ກອງບັນຊາການທະຫານແຂວງອັດຕະປື ໄດ້ຜ່ານຂໍ້ຕົກລົງຂອງກອງ ບັນຊາການທະຫານແຂວງອັດຕະປື ວ່າດ້ວຍການປະກາດແຕ່ງຕັ້ງພະນັກງານ-ນັກຮົບ ທີ່ໄດ້ຜ່ານການເຝິກອົບຮົມວິຊາຄູ ໄປຊ່ວຍສອນໃນເຂດຫ່າງໄກສອກ ຫຼີກ ຢູ່ເມືອງພູ ແລະ ເມືອງສະໜາມໄຊ. ອີງຕາມ ມະຕິຕົກລົງຂອງລັດຖະບານ, ວ່າດ້ວຍ ນະໂຍບາຍ, ການຂາດ ແຄນຄູສອນ ແລະ ແຈ້ງການ ຂອງຫ້ອງວ່າ ການສຳນັກງານນາຍົກລັດຖະມົນຕີ, ອີງຕາມ ກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ. ເຊິ່ງໃນນັ້ນ, ກອງບັນຊາການທະຫານແຂວງ ໄດ້ຕົກລົງແຕ່ງຕັ້ງ ພະນັກງານ-ນັກຮົບ ທີ່ໄດ້ຮັບການເຝິກອົບຮົມວິຊາຄູ ໃຫ້ໄປເປັນຄູສອນ ແລະ ຄູຊ່ວຍສອນ ມີທັງໝົດ 16 ສະຫາຍ. ຖືກແຕ່ງຕັ້ງໄປສອນຢູ່ເມືອງພູວົງ 9 ສະຫາຍ, ເຊິ່ງຈະໄດ້ລົງສິດ ສອນ ຢູ່ແຕ່ລະໂຮງຮຽນດັ່ງນີ້: ໂຮງຮຽນປະຖົມ ບ້ານພູຍາງ, ໂຮງຮຽນປະຖົມ ບ້ານນ້ຳຊວນ, ໂຮງຮຽນປະຖົມ ບ້ານລະມອງ, ໂຮງຮຽນປະຖົມ ບ້ານວຽງໄຊ, ໂຮງຮຽນປະຖົມ ບ້ານວົງລະຄອນ, ໂຮງຮຽນປະຖົມ ບ້ານພູເກືອ, ໂຮງຮຽນປະຖົມ ຫ້ວຍແກ້ວ ແລະ ໂຮງຮຽນປະຖົມ ບ້ານອີຕຸມ. ນອກຈາກນັ້ນ, ຍັງມີພາກສ່ວນທີ່ຖືກລົງໄປສິດສອນຢູ່ເມືອງສະໜາມໄຊ ອີກ 7 ສະຫາຍ ເຊິ່ງ ຈະໄດ້ລົງສິດສອນຢູ່ແຕ່ລະໂຮງຮຽນດັ່ງນີ້ຄື: ຢູ່ໂຮງຮຽນປະຖົມ ບ້ານໜອງມ່ວງ, ໂຮງຮຽນປະຖົມ ບ້ານໄຊດອນໂຂງ, ໂຮງຮຽນປະຖົມ ບ້ານມັດກາ, ໂຮງຮຽນປະ ຖົມ ຄຸ້ມຫ້ວຍຂົມ, ໂຮງຮຽນປະຖົມ ບ້ານຫາດອຸດົມໄຊ ແລະ ຢູ່ໂຮງຮຽນປະຖົມ ບ້ານແບ່ງວິໄລ. ໂດຍ: ສຸກສະໄໝ ນວນມະລິນ

news to day and hot news