ວັນຈັນ, ວັນທີ 02 ທັນວາ 2024
ມອບ - ຮັບ ໜ້າທີ່ຫົວໜ້າຫ້ອງການກົມໃຫຍ່ການເມືອງກອງທັບ ລະຫວ່າງຜູ້ເກົ່າ ແລະ ຜູ້ໃໝ່
ເວລາອອກຂ່າວ: 2019-10-01 08:56:31 | ຜູ້ຂຽນ : admin3 | ຈຳນວນຄົນເຂົ້າຊົມ: 327 | ຄວາມນິຍົມ: 
ໃນວັນທີ 30 ກັນຍາ 2019 ນີ້, ຢູ່ຫ້ອງປະຊຸມກົມໃຫຍ່ການ ເມືອງກອງທັບ ໄດ້ຈັດພິທີມອບ-ຮັບໜ້າທີ່ລະຫວ່າງ ສະຫາຍ ພັນເອກ ອິນກອງ ວຽງດາວົງ ຫົວໜ້າຫ້ອງການ ກົມໃຫຍ່ການ ເມືອງກອງທັບ (ຜູ້ເກົ່າ) ທີ່ພັກການກຽມຮັບເບ້ຍບຳນານ ແລະ ສະຫາຍ ພັນເອກ ສົມພົງ ແພງ
ປັນຍາ ຫົວໜ້າຫ້ອງການກົມ ໃຫຍ່ການເມືອງ ກອງທັບ (ຜູ້ໃໝ່)
ໂດຍການເຂົ້າຮ່ວມເປັນສັກຂີພະ ຍານຂອງ ສະຫາຍ ພົນໂທ ປອ
ທອງລອຍ ສີລິວົງ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ,ຫົວໜ້າກົມໃຫຍ່ການເມືອງກອງທັບ,ມີບັນດາສະຫາຍຜູ້ຕາງໜ້າກົມ,ກອງ, ຫ້ອງການແລະ ພະນັກ
ງານທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ອິນກອງ ວຽງດາວົງ ໄດ້ສະຫຼຸບຄືນຜ່ານ ການນຳພາຈັດຕັ້ງເຄື່ອນໄຫວຕະຫຼອດໄລຍະຜ່ານມາ ເຊິ່ງຍົກໃຫ້ ເຫັນທີ່ຕັ້ງ, ພາລະບົດບາດໃນການ ເປັນເສນາທິການດ້ານວຽກງານ ພັກ-ວຽກງານການເມືອງໃຫ້ແກ່ ຄະນະພັກກົມໃຫຍ່ການເມືອງ ກອງທັບ ໂດຍສະເພາະແມ່ນວຽກງານການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ການໂຄສະ ນາເຜີຍແຜ່ວຽກງານດ້ານຕ່າງໆ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະ ຊວງປ້ອງກັນປະເທດວາງອອກ. ຫຼັງຈາກນັ້ນກໍໄດ້ເຊັນບົດບັນທຶກ
ມອບ-ຮັບໜ້າທີ່ຢ່າງເປັນທາງ ການ. ທັງນີ້ກໍເພື່ອຕອບສະໜອງ ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະ ໃໝ່ຂອງກອງທັບ ເວົ້າລວມ, ເວົ້າ ສະເພາະກໍແມ່ນຂອງກົມໃຫຍ່ ການເມືອງກອງທັບ.
ໂອກາດດັ່ງກ່າວ ສະຫາຍ ພົນໂທ ປອ ທອງລອຍ ສີລິວົງ ກໍໄດ້ໂອ້ລົມ ແລະ ເນັ້ນໜັກໃຫ້ ຫົວໜ້າຫ້ອງການຜູ້ໃໝ່ຈົ່ງເພີ່ມ ທະວີຄວາມຮັບຜິດຊອບການເມືອງ
ຕໍ່ໜ້າທີ່ວຽກງານທີ່ໄດ້ຮັບມອບ ໝາຍ, ເພີ່ມທະວີຄວາມສາມັກຄີ ພາຍໃນໃຫ້ເປັນປຶກແຜ່ນແໜ້ນ ໜາ, ປັບປຸງແບບແຜນວິທີເຮັດ ວຽກໃຫ້ສອດຄ່ອງ, ການເຮັດວຽກ
ຕ້ອງປະຕິບັດຕາມຫຼັກການລວມສູນປະຊາທິປະໄຕເຮັດວຽກເປັນ ໝູ່ຄະນະແບ່ງຄວາມຮັບຜິດຊອບ ໃຫ້ບຸກຄົນ, ສຸມໃສ່ແກ້ໄຂບັນຫາ ປະກົດການຫຍໍ້ທໍ້ໃຫ້ໝົດໄປເທື່ອລະກ້າວ ເພື່ອເຮັດສຳເລັດໜ້າທີ່ ການເມືອງຕາມທີ່ໄດ້ຮັບມອບ ໝາຍດ້ວຍໝາກຜົນສູງ, ສືບຕໍ່
ຮັບປະກັນໃນການເປັນເສນາທິ ການໃຫ້ແກ່ຄະນະພັກກົມໃຫຍ່ ການເມືອງກອງທັບໃຫ້ມີຄວາມ ວ່ອງໄວ ແລະ ມີຜົນສຳເລັດສູງ ຂຶ້ນເລື້ອຍໆ.
ໂດຍ: ເພັດ ສົມນໍວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
