ວັນຈັນ, ວັນທີ 20 ເມສາ 2026
ສຳເລັດການເຄື່ອນໄຫວກວດກາລາດຕະເວນຮ່ວມກັນ 2 ຝ່າຍ ລາວ-ຫວຽດນາມ
ເວລາອອກຂ່າວ: 2026-04-09 09:20:42 | ຜູ້ຂຽນ : admin1 | ຈຳນວນຄົນເຂົ້າຊົມ: 448 | ຄວາມນິຍົມ: 
ເພື່ອຮັບປະກັນເຮັດໃຫ້ຂອບເຂດຄວາມຮັບຜິດຊອບວຽກງານຊາຍແດນຂອງສອງປະເທດລາວ-ຫວຽດນາມ, ຫວຽດນາມ-ລາວ ໃຫ້ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ໃນວັນທີ 4 ເມສາ 2026 ນີ້, ກອງຮ້ອຍທະຫານຊາຍແດນ 119 ກອງບັນຊາການທະຫານແຂວງຜົ້ງສາລີ ແຫ່ງ ສປປ ລາວ ແລະ ຄ້າຍທະຫານຊາຍແດນ 425 ປາເທີມ ກອງບັນຊາການທະຫານແຂວງດ້ຽນບຽນ ສສ ຫວຽດນາມ, ສອງຝ່າຍໄດ້ຮ່ວມກັນຈາລຶກບາດກ້າວ
ແຫ່ງປະຫວັດສາດດ້ວຍການເຄື່ອນໄຫວກວດກາລາດຕະເວນຮ່ວມສອງຝ່າຍຂຶ້ນ. ຝ່າຍຫວຽດນາມ ນຳໂດຍສະຫາຍ ພັນຕີ ຫງວຽນຊວນແອງຮອງ ຫົວໜ້າການທະຫານ ຄ້າຍທະຫານຊາຍແດນ 425 ປາເທີມ, ຝ່າຍລາວ ນຳໂດຍ ສະຫາຍ ຮ້ອຍເອກ ພອນໄຊ ຈັນສຸລິພອນ ຮອງຫົວໜ້າການທະຫານກອງຮ້ອຍ 119 ພ້ອມດ້ວຍຄະນະທັງສອງຝ່າຍເຂົ້າຮ່ວມ.
ໃນການເຄື່ອນໄຫວລາດຕະເວນຄັ້ງນີ້ ສອງຝ່າຍໄດ້ຮ່ວມກັນ ດຳເນີນການກວດກາລະບົບຊາຍແດນ, ຫຼັກໝາຍຊາຍແດນ ແລະ ເສັ້ນຊາຍແດນ ໃນພາລະກິດປົກປັກຮັກສາຜືນແຜ່ນດິນໄວ້ໃຫ້ໝັ້ນຄົງຕະຫຼອດໄປ, ການເຄື່ອນໄຫວໃນຄັ້ງນີ້ ບໍ່ແມ່ນພຽງແຕ່ການປະຕິບັດໜ້າທີ່ຕາມລະບຽບການເທົ່ານັ້ນ ແຕ່ມັນຄືການຢືນຢັນເຖິງ "ສາຍພົວພັນມິດຕະພາບອັນຍິ່ງໃຫຍ່ ແລະ ຄວາມສາມັກຄີຮັກແພງແບບພິເສດ, ເພື່ອກວດກາລະບົບຫຼັກໝາຍຊາຍແດນໃຫ້ມີຄວາມໝັ້ນ
ຄົງ. ຜ່ານການກວດກາເຫັນວ່າ ທຸກຫຼັກໝາຍຍັງຄົງຢູ່ໃນສະພາບເດີມ, ບໍ່ມີຄວາມສ່ຽງທີ່ຈະເກີດດິນເຈື່ອນ ແລະ ບໍ່ພົບຮ່ອງຮອຍຂອງການລະເມີດອຳນາດອະທິປະໄຕລະຫວ່າງຂໍ້ຕົກລົງກ່ຽວກັບລະບອບຊາຍແດນ ເຊິ່ງສ່ອງແສງໃຫ້ເຫັນເຖິງຄວາມສັກສິດຂອງກົດໝາຍ ແລະ ຄວາມໄວ້ເນື້ອເຊື່ອໃຈຢ່າງສູງຈາກພັກ-ລັດຂອງສອງປະເທດ; ທິດທາງແຜນການໃນຕໍ່ໜ້າສອງຝ່າຍທັງສອງຝ່າຍໄດ້ເຫັນດີໃນການເພີ່ມທະວີກຳລັງເພື່ອດຳເນີນການລາດຕະເວັນຝ່າຍດຽວ ແລະ ສອງຝ່າຍ ໃນຂອບເຂດຊາຍແດນເພື່ອໃຫ້ມີຄວາມເຂັ້ມງວດ ແລະ ເພື່ອປ້ອງກັນການລ້ຽງສັດຂ້າມຊາຍແດນ, ເຂົ້າ-ອອກ ທີ່ຜິດກົດໝາຍ, ການລ່າສັດ, ເຮັດໄຮ່ ຢູ່ບໍລິເວນຊາຍແດນ ແລະ ການລ້ຽງສັດໃກ້ຊາຍແດນ, ເພີ່ມທະວີການເຄື່ອນໄຫວແລກປ່ຽນຂໍ້ມູນຂ່າວສານກ່ຽວພັນເຖິງການເຄື່ອນໄຫວຂອງບັນດາອາ
ຊະຍາກຳ ແລະ ເຫດການທີ່ເກີດຂຶ້ນຢູ່ຊາຍແດນ ເພື່ອແກ້ໄຂບັນຫາເຫຼົ່ານີ້ຮ່ວມກັນໃຫ້ທັນເວລາ.
ໂອກາດດຽວກັນນີ້, ທັງສອງຝ່າຍກໍໄດ້ຈັບມືກັນຢ່າງແໜ້ນແຟ້ນອີກຄັ້ງ ພ້ອມທັງເອກະພາບກັນວ່າ ໃນຕໍ່ໜ້າຈະເພີ່ມທະວີການແລກປ່ຽນຂໍ້ມູນຂ່າວສານ ແລະ ຈະຜັດປ່ຽນກັນເປັນເຈົ້າພາບໃນການລາດຕະເວນຄັ້ງຕໍ່ໄປ, ເພື່ອໃຫ້ວຽກງານຊາຍແດນຜົ້ງສາລີ-ດ້ຽນບຽນ ເປັນສັນຍະລັກແຫ່ງສັນຕິພາບ ແລະ ມິດ
ຕະພາບຕະຫຼອດກາລະນານ.
ໂດຍ: ນາງ ສຸນາລີ ອຸ່ນວີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
