ວັນເສົາ, ວັນທີ 18 ເມສາ 2026
ສະເຫຼີມສະຫຼອງວັນສ້າງຕັ້ງ ຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ
ເວລາອອກຂ່າວ: 2026-04-08 09:26:01 | ຜູ້ຂຽນ : admin1 | ຈຳນວນຄົນເຂົ້າຊົມ: 305 | ຄວາມນິຍົມ: 
ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຈັດກິດຈະກຳ ຍ່າງເພື່ອສຸຂະພາບສະເຫຼີມສະຫຼອງ ວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ
(ຄຊປປລ) ຄົບຮອບ 71 ປີ (14 ເມສາ 1955 - 14 ເມສາ 2026)
ພາຍໃຕ້ຫົວຂໍ້ “ຊາວໜຸ່ມຍຸກໃໝ່ຍົກສູງນ້ຳໃຈບຸກທະລຸ ສົ່ງເສີມການຜະລິດເປັນສິນຄ້າ ສ້າງເສດຖະກິດຄອບຄົວໃຫ້ເຂັ້ມແຂງ ແລະ ຍືນຍົງ” ຂຶ້ນໃນວັນທີ 3 ເມສາ 2026, ທີ່ເຂດເສດຖະກິດພິເສດບຶງທາດຫຼວງ, ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ ປະທານສູນກາງແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ; ມີ ທ່ານ ທອງລີ ສີສຸລິດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີ ລັດຖະມົນຕີ, ຮອງລັດຖະມົນຕີ, ຄະນະບໍລິຫານງານ ສຊປລ, ກະຊວງ, ບັນດາຊາວໜຸ່ມ, ເຍົາວະຊົນ ແລະ ພາກສ່ວນຕ່າງໆ ເຂົ້າຮ່ວມ.
ທ່ານ ທອງລີ ສີສຸລິດ ກ່າວວ່າ: ຕະຫຼອດໄລຍະ 71 ປີແຫ່ງການເຕີບ ໃຫຍ່ຂະຫຍາຍຕົວຂອງ ຄຊປປ ລາວ ໄດ້ຢືນຢັນເຖິງບົດບາດຂອງຊາວໜຸ່ມ ຍາມໃດກໍເປັນກຳລັງແຮງທີ່ໄວ້ເນື້ອເຊື່ອໃຈ ແລະ ເປັນແຂນຂວາທີ່ເຂັ້ມແຂງຂອງພັກ, ການຈັດຂະບວນການຍ່າງຄັ້ງນີ້, ເປັນການສະແດງໃຫ້ເຫັນເຖິງພະລັງແຫ່ງຄວາມສາມັກຄີທີ່ເປັນປຶກແຜ່ນ ແລະ ເປັນການຫວນຄືນມູນ ເຊື້ອແຫ່ງການຕໍ່ສູ້,
ການເສຍສະຫຼະ ຂອງຊາວໜຸ່ມຮຸ່ນກ່ອນ ແລະ ການ ເຕີບໃຫຍ່ຂະຫຍາຍຕົວຂອງຊາວໜຸ່ມ ໃນການເປັນກຳລັງແຮງ ປະກອບສ່ວນ ເຂົ້າໃນພາລະກິດລວມຂອງຊາດ, ຂອງ ພັກ ນັບແຕ່ອະດີດຈົນເຖິງປັດຈຸບັນ.
ການຈັດງານໃນຄັ້ງນີ້ ມີຫຼາກຫຼາຍກິດຈະກຳ ເປັນຕົ້ນ ກິດຈະກຳ ຖາມ-ຕອບຄວາມຮູ້ຮອບຕົວກ່ຽວ ກັບປະຫວັດມູນເຊື້ອຂອງຊາວໜຸ່ມ, ການວາງ
ສະແດງ ແລະ ຈຳໜ່າຍຜະ ລິດຕະພັນທ້ອງຖິ່ນ ແນໃສ່ຊຸກຍູ້ ຫົວໜ່ວຍທຸລະກິດຂະໜາດນ້ອຍ ແລະ ກາງ, ການສະແດງສິລະປະ, ວັນນະຄະດີ ແລະ ອື່ນໆ. ຮຽກຮ້ອງ ໃຫ້ຊາວໜຸ່ມ, ເຍົາວະຊົນລາວບັນດາເຜົ່າ ຈົ່ງພ້ອມກັນນຳເອົາມູນ ເຊື້ອອັນດີງາມຂອງຄົນຮຸ່ນກ່ອນ ມາເປັນແຮງຜັກດັນ ບໍ່ວ່າໂລກຈະປ່ຽນແປງແນວໃດ ຄຳຂວັນທີ່ວ່າ “ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ບ່ອນໃດຊາດຕ້ອງການຊາວໜຸ່ມ ຂານອາສາ” ໃຫ້ຝັງຢູ່ໃນຈິດວິນຍານ ຂອງພວກເຮົາ
ສະເໝີ, ຈົ່ງຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ກາຍເປັນພົນລະເມືອງທີ່ດີ, ມີຄຸນສົມບັດສິນທຳປະຕິວັດ, ຕັ້ງໜ້າພັດທະນາຕົນເອງທາງດ້ານຄວາມຮູ້, ຄວາມສາມາດ, ວິທະຍາສາດ, ເຕັກໂນໂລຊີທີ່ທັນສະໄໝ ສົ່ງເສີມການຜະລິດທຸລະກິດໃຫ້ມີຄວາມເຂັ້ມແຂງ ປະກອບສ່ວນຢ່າງ ແຂງແຮງເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດ ຊາດໃຫ້ຮຸ່ງເຮືອງສີວິໄລ.
ຂ່າວ-ພາບ: ບຸນອູ້ມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
