POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 18 ເມສາ 2026

ສະພາປະຊາຊົນແຂວງຫົວພັນ ຊຸດທີ V ໄຂກອງປະຊຸມຄັ້ງປະຖົມມະລຶກ
ເວລາອອກຂ່າວ: 2026-04-08 09:24:26 | ຜູ້ຂຽນ : admin1 | ຈຳນວນຄົນເຂົ້າຊົມ: 304 | ຄວາມນິຍົມ:

ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຫົວພັນ ຊຸດທີ V ໄດ້ໄຂຂຶ້ນຢ່າງເປັນທາງການ ໃນວັນທີ 6 ເມສາ 2026 ນີ້, ພາຍໃຕ້ການເປັນປະທານຂອງ ທ່ານ ຄອນປະພັນ ເລືອງສີຈັນທອງ ຮອງເລຂາພັກແຂວງ, ປະທານສະພາປະຊາຊົນແຂວງຫົວພັນ ຊຸດທີ IV, ໂດຍມີສະຫາຍ ພຸດພັນ ແກ້ວມີໄຊ ເລຂາຄະນະບໍລິຫານງານພັກແຂວງ, ມີຄະນະກຳມະການປົກຄອງແຂວງ, ພ້ອມດ້ວຍອະດີດການນຳແຂວງ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ຊຸດທີ IX, ຊຸດທີ X, ສະມາຊິກສະພາປະຊາຊົນແຂວງ ຊຸດທີ IV, ຊຸດທີ V, ຕາງໜ້າອົງການຈັດຕັ້ງທຽບເທົ່າ, ວິສາຫະກິດ ແລະ ແຂກຖືກເຊີນເຂົ້າຮ່ວມ. ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຫົວພັນ ຊຸດທີ V ຈະໄດ້ພິຈາລະນາ ແລະ ຮັບຮອງເອົາບັນຫາສຳຄັນພື້ນຖານຂອງແຂວງ ຄື: ຮັບຟັງການລາຍງານ ຂອງຄະນະກຳມະການເລືອກຕັ້ງຂັ້ນແຂວງ ກ່ຽວກັບຜົນສຳ ເລັດ ຂອງການເລືອກຕັ້ງ ແລະ ການຢັ້ງຢືນຄຸນລັກສະນະ ຂອງສະມາຊິກສະພາປະຊາຊົນແຂວງ ຊຸດທີ V; ເລືອກຕັ້ງປະທານສະພາປະຊາຊົນແຂວງ ຊຸດທີ V ຕາມການສະເໜີ ຂອງຄະນະປະຈຳສະພາປະຊາຊົນແຂວງ ຊຸດທີ IV; ເລືອກຕັ້ງ ຮອງປະທານສະພາປະຊາຊົນແຂວງ ຊຸດທີ V ແລະ ກຳມະການຄະນະປະຈຳ ສະພາປະຊາຊົນແຂວງຕາມການສະເໜີ ຂອງປະທານສະພາປະຊາຊົນແຂວງ ຊຸດທີ V; ພິຈາລະນາ, ຮັບຮອງເອົາໂຄງປະກອບກົງຈັກ ຂອງສະພາປະຊາຊົນແຂວງ, ການແຕ່ງຕັ້ງປະທານຄະນະກຳມະການ, ຮອງປະ ທານຄະນະກຳມະການ ແລະ ຫົວໜ້າຫ້ອງວ່າການ ສະພາປະຊາຊົນແຂວງ ຕາມການສະເໜີ ຂອງຄະນະປະຈຳສະພາປະຊາຊົນ ແຂວງຫົວພັນ ຊຸດທີ V; ພິຈາ ລະນາ, ຮັບຮອງເອົາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ 5 ປີ ຕາມການສະເໜີ ຂອງປະທານຄະນະກຳມະການປົກຄອງແຂວງ; ພິຈາລະນາ ແລະ ຮັບຮອງເອົາແຜນການ ເຄື່ອນໄຫວວຽກງານ 5 ປີ ຂອງອົງການກວດສອບປະຈຳພາກເໜືອ ແລະ ແຜນການເຄື່ອນໄຫວວຽກງານ 5 ປີ ຂອງອົງການກວດກາລັດແຂວງຫົວພັນ; ພິຈາລະນາ, ຮັບຮອງເອົາແຜນ ການເຄື່ອນໄຫວວຽກງານ 5 ປີຂອງອົງການໄອຍະການປະຊາຊົນ ແລະ ສານປະຊາຊົນ ແຂວງຫົວພັນ ແລະ ພິຈາລະນາ, ຮັບຮອງເອົາແຜນການເຄື່ອນໄຫວວຽກງານ 5 ປີ ຂອງສະພາປະຊາຊົນ ແຂວງຫົວພັນ ຊຸດທີ V. ໂດຍຈະໃຊ້ເວລາ 2 ວັນຈິ່ງຈະອັດລົງ. ໂອກາດນີ້, ທ່ານ ຄອນປະພັນ ເລືອງສີຈັນທອງ ຮອງເລຂາພັກແຂວງ, ປະທານສະພາປະຊາຊົນແຂວງຫົວພັນ ໄດ້ຮຽກຮ້ອງມາຍັງບັນດາທ່ານສະມາຊິກສະພາປະຊາຊົນແຂວງ ຊຸດທີ V ຈົ່ງໄດ້ຍົກສູງຄວາມຮັບຜິດຊອບການເມືອງ, ສຸມສະຕິປັນຍາ, ຄວາມຮູ້ຄວາມສາມາດຂອງຕົນເຂົ້າໃນການຄົ້ນຄວ້າ, ຈາລະນາ ແລະ ປະກອບຄວາມເຫັນຢ່າງເລິກເຊິ່ງ ແລະ ມີຈຸດສຸມ ເຂົ້າໃສ່ແຕ່ລະເນື້ອ ໃນທີ່ນຳມາພິຈາລະນາໃນຄັ້ງນີ້ໃຫ້ຮັບປະກັນຄວາມຖືກຕ້ອງສອດຄ່ອງກັບແນວທາງແຜນນະໂຍບາຍຂອງພັກ-ລັດ, ລັດຖະທຳມະນູນ ແລະ ກົດໝາຍ ກໍຄືສະ ພາບຄວາມເປັນຈິງຂອງແຂວງພວກເຮົາ, ແນໃສ່ຮັບປະກັນເຮັດໃຫ້ການດຳເນີນກອງປະຊຸມຄັ້ງນີ້ ບັນລຸຜົນສຳເລັດຕາມຄາດໝາຍທີ່ວາງໄວ້. ບັນດາທ່ານສາມາດປະກອບ ຄຳຄິດເຫັນໃສ່ກອງປະຊຸມຄັ້ງປະຖົມມະລຶກຂອງສະພາປະຊາ ຊົນແຂວງຫົວພັນ ຊຸດທີ V ຜ່ານໂທລະສັບສາຍດ່ວນ 064 156 ໃນໂມງລັດຖະການຕະຫຼອດ ວາລະກອງປະຊຸມ. ໂດຍ: ສົມເພັດ

news to day and hot news