ວັນຈັນ, ວັນທີ 02 ທັນວາ 2024
ສະຫາຍເລຂາທິການໃຫຍ່ ຕ້ອນຮັບຄະນະຜູ້ແທນສະພາແຫ່ງຊາດ ສສ ຫວຽດນາມ
ເວລາອອກຂ່າວ: 2019-09-30 09:38:55 | ຜູ້ຂຽນ : admin3 | ຈຳນວນຄົນເຂົ້າຊົມ: 490 | ຄວາມນິຍົມ: 
ໃນຕອນເຊົ້າຂອງວັນທີ 29 ກັນຍາ 2019 ນີ້, ຢູ່ທີ່ຫ້ອງວ່າ ການສຳນັກງານປະທານປະເທດ ນະຄອນຫຼວງວຽງຈັນ, ສະຫາຍ ບຸນຍັງ ວໍລະຈິດ ເລຂາທິການ ໃຫຍ່ຄະນະບໍລິຫານງານສູນກາງ
ພັກ, ປະທານປະເທດ ແຫ່ງ ສປປລາວ ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງຄະນະຜູ້ແທນຂັ້ນສູງ ສະພາແຫ່ງຊາດ ສສ ຫວຽດນາມ ນຳໂດຍ ສະຫາຍ ນາງ ຫງວຽນ ທິກິມເງິນ ກຳມະການ ກົມການ
ເມືອງສູນກາງພັກ, ປະທານສະ ພາ ແຫ່ງຊາດ ສສ ຫວຽດ ນາມ ພ້ອມດ້ວຍຄະນະ ໃນໂອກາດ ທີ່ສະຫາຍ ແລະ ຄະນະເດີນທາງ
ມາຢ້ຽມຢາມ ແລະ ເຮັດວຽກ ຢູ່ປະເທດເຮົາໃນລະຫວ່າງ ວັນທີ 26-29 ກັນຍານີ້.
ໂອກາດນີ້, ສະຫາຍເລຂາທິ ການໃຫຍ່ຄະນະບໍລິຫານງານ ສູນກາງພັກ ປະທານປະເທດເຮົາ ໄດ້ສະແດງຄວາມຊົມເຊີຍ, ຍິນດີ ຕ້ອນຮັບ ແລະ ຕີລາຄາສູງຕໍ່ສະ ຫາຍປະທານສະພາແຫ່ງຊາດ ສສ ຫວຽດນາມ ພ້ອມດ້ວຍຄະ ນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ເຊິ່ງຈະເປັນການປະກອບສ່ວນອັນສຳຄັນເຂົ້າໃນການເສີມສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກ ຄີພິເສດ ແລະ ການຮ່ວມມື ຮອບດ້ານລະຫວ່າງ ລາວ-ຫວຽດນາມ ໃຫ້ນັບມື້ແຕກດອກ ອອກຜົນ ແລະ ກ້າວເຂົ້າສູ່ລວງ ເລິກຍິ່ງໆຂຶ້ນ.
ໂອກາດດຽວກັນ, ສະຫາຍປະ ທານສະພາແຫ່ງຊາດ ສສ ຫວຽດນາມ ກໍໄດ້ສະແດງຄວາມ ຂອບອົກຂອບໃຈເປັນຢ່າງສູງຕໍ່ ການຕ້ອນຮັບອັນອົບອຸ່ນ ແລະ ສະໜິດສະໜົມເຕັມໄປດ້ວຍໄມຕີ ຈິດມິດຕະພາບຖານສະຫາຍ ອ້າຍ-ນ້ອງຂອງສະຫາຍເລຂາທິ ການໃຫຍ່ຄະນະບໍລິຫານງານ ສູນກາງພັກ, ປະທານປະເທດເຮົາ ພ້ອມດຽວກັນນີ້ສະຫາຍປະທານ ສະພາແຫ່ງຊາດ ສສ ຫວຽດ ນາມ ຍັງໄດ້ນຳເອົາຄວາມຢື້ ຢາມຖາມຂ່າວ ແລະ ຄວາມເປັນ
ຫ່ວງເປັນໄຍອັນສະໜິດສະໜົມ ເຕັມໄປດ້ວຍໄມຕີຈິດມິດຕະ ພາບຂອງສະຫາຍ ຫງວຽນ ຟູ ຈອງ ເລຂາທິການໃຫຍ່ຄະນະບໍ ລິຫານງານສູນກາງພັກຄອມມູ ນິດຫວຽດນາມ, ປະທານປະເທດ ສສ ຫວຽດນາມ ມາສູ່ສະຫາຍ ບຸນຍັງ ວໍລະຈິດ ປະທານປະເທດ ເຮົາ ແລະ ໄດ້ແຈ້ງຈຸດປະສົງ ຂອງການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ແລະ ຜົນຂອງການຮ່ວມພົບປະສອງຝ່າຍກັບສະຫາຍ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວໃຫ້ສະຫາຍເລຂາທິການໃຫຍ່ໄດ້ຮັບຊາບ ເຊິ່ງທັງສອງສະພາແຫ່ງຊາດ ເຫັນດີຈະສືບຕໍ່ຮັດແໜ້ນສາຍ ພົວພັນມິດຕະພາບ ແລະ ຊ່ວຍ ເຫຼືອເຊິ່ງກັນ ແລະ ກັນໃຫ້ແໜ້ນ ແຟ້ນຍິ່ງໆຂຶ້ນນັບແຕ່ຂັ້ນສູນກາງ ລົງຮອດທ້ອງຖິ່ນຮາກຖານ.
ໃນຕອນທ້າຍສະຫາຍເລຂາທິ ການໃຫຍ່, ປະທານປະເທດເຮົາ ໄດ້ຕາງໜ້າໃຫ້ພັກ-ລັດ ແລະ ປະ ຊາຊົນລາວບັນດາເຜົ່າອວຍພອນ ໃຫ້ຄະນະຜູ້ແທນຂັ້ນສູງສະພາ ແຫ່ງຊາດ ສສ ຫວຽດນາມ ຈົ່ງ ເດີນທາງກັບຄືນປະເທດດ້ວຍ ຄວາມສະຫວັດດີພາບ.
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
