ວັນຈັນ, ວັນທີ 18 ພຶດສະພາ 2026
ໂຮງຮຽນກໍ່ສ້າງນາຍສິບ ເລກ 2 ວຽງໄຊ ປະກາດການເລື່ອນຊັ້ນ ແລະ ເລື່ອນທຽບຊັ້ນ ໃຫ້ນາຍທະຫານຂອງຕົນ
ເວລາອອກຂ່າວ: 2026-04-03 10:08:47 | ຜູ້ຂຽນ : admin3 | ຈຳນວນຄົນເຂົ້າຊົມ: 186 | ຄວາມນິຍົມ: 
ວັນທີ 1 ເມສາ 2026 ນີ້, ຢູ່ສະໂມສອນໂຮງຮຽນກໍ່ສ້າງນາຍສິບ ເລກ 2 ວຽງໄຊ ໄດ້ຈັດຕັ້ງພິທີປະກາດຊັ້ນໃຫ້ນາຍທະຫານຂອງຕົນ, ໂດຍການເປັນປະທານຂອງ ສະຫາຍ ພັນເອກ ສຳລີ ຈັນທະວົງ ຫົວໜ້າການເມືອງໂຮງຮຽນກໍ່ສ້າງນາຍສິບ ເລກ 2 ວຽງ, ມີຄະນະພັກ-ຄະນະບັນຊາ, ຫ້ອງການ, ກອງພັນ, ພະແນກການທີ່ກ່ຽວຂ້ອງ ຕະຫຼອດຮອດ ພະນັກງານທີ່ໄດ້ຮັບການເລື່ອນຊັ້ນ, ເລື່ອນທຽບ ແລະ ຍົກຂັ້ນເງິນເດືອນເຂົ້າຮ່ວມ.
ສະຫາຍ ພັນໂທ ສາລາສິນ ພັນວີຄຳ ຮອງຫົວໜ້າພະແນກພະນັກງານໂຮງຮຽນ ໄດ້ຂຶ້ນຜ່ານຂໍ້ຕົກລົງ ກະຊວງປ້ອງກັນປະເທດ ແລະ ຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຢູ່ໂຮງຮຽນກໍ່ສ້າງນາຍສິບ ເລກ 2 ວຽງໄຊ ໂດຍອີງຕາມ ກົດໝາຍນາຍທະຫານກອງທັບປະຊາຊົນລາວ ວ່າດ້ວຍການເລື່ອນທຽບຊັ້ນ ແລະ ເລື່ອນຊັ້ນ ໃຫ້ນາຍທະຫານຢູ່ໂຮງຮຽນກໍ່ສ້າງນາຍສິບ ເລກ 2 ວຽງໄຊ ຈຳນວນ 47 ສະຫາຍ ແລະ ຍົກຂັ້ນເງິນເດືອນ ຈຳນວນ 10 ສະຫາຍ, ໃນນີ້ ເລື່ອນຊັ້ນ ຮ້ອຍເອກ ຂຶ້ນຊັ້ນ ພັນຕີ 4 ສະຫາຍ, ເລື່ອນທຽບຊັ້ນຮ້ອຍເອກ ຂຶ້ນຊັ້ນພັນຕີ 19 ສະຫາຍ, ເລື່ອນຊັ້ນ ຮອ້ຍໂທ ຂຶ້ນຊັ້ນ ຮ້ອຍເອກ 6 ສະຫາຍ, ເລື່ອນທຽບຊັ້ນຮ້ອຍໂທ ຂຶ້ນຊັ້ນ ຮ້ອຍເອກ 12 ສະຫາຍ, ເລື່ອນທຽບຊັ້ນຮ້ອຍຕີ ຂຶ້ນຊັ້ນຮ້ອຍໂທ 3 ສະຫາຍ, ເລື່ອນຊັ້ນວາທີ ຂຶ້ນຊັ້ນ ຮ້ອຍຕີ 3 ສະຫາຍ ແລະ ຍົກຂັ້ນເງິນເດືອນ ຊັ້ນພັນໂທ ຂຶ້ນຮັບເງິນຊັ້ນພັນເອກ ຈຳນວນ 6 ສະຫາຍ, ພັນຕີ ຂຶ້ນຮັບເງິນຊັ້ນພັນໂທ 4 ສະຫາຍ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
