POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ນາຊາ ສ້າງຍານອະວະກາດ "Dragonfly" ທີ່ໃຊ້ພະລັງງານນິວເຄລຍ ຂະໜາດເທົ່າລົດ ກຽມສຳຫຼວດດາວເຄາະໄທຕັນໃນປີ 2028
ເວລາອອກຂ່າວ: 2026-04-03 09:53:47 | ຜູ້ຂຽນ : admin3 | ຈຳນວນຄົນເຂົ້າຊົມ: 147 | ຄວາມນິຍົມ:

ນັກວິສະວະກອນຈາກຫ້ອງທົດລອງຟີຊິກ APL ໃນລັດ ແມຣີແລນ ປະເທດ ສະຫະລັດ ອາເມລິກາ ໄດ້ເລີ່ມຕົ້ນສ້າງ ແລະ ທົດລອງ Dragonfly ຢ່າງເປັນທາງການ, ເຊິ່ງເປັນຍານ ໂຣເຕີຄາຟ ທີ່ໃຊ້ພະລັງງານນິວເຄລຍ Dragonfly ມີກຳນົດປ່ອຍຂຶ້ນສູ່ອະວະກາດ ເພື່ອເດີນທາງໄປຍັງດາວເຄາະໄທຕັນ ເຊິ່ງເປັນດາວເຄາະບໍລິວານທີ່ມີຂະໜາດໃຫຍ່ທີ່ສຸດຂອງດາວເສົາ. ທ່ານ ເອລິຊາເບດ ເທີໂທ ຫົວໜ້າຄົ້ນຄວ້າຊັ້ນນຳສຳລັບພາລະກິດ Dragonfly ທີ່ APL ໄດ້ອະທິບາຍເຖິງຜົນສຳເລັດນີ້ວ່າເປັນ "ບ່ອນເກີດຂອງລະບົບການບິນຂອງພວກເຮົາຢ່າງແທ້ຈິງ." ຍານອະວະກາດ Dragonfly ມີຂະໜາດປະມານລົດ ແລະ ຈະສ້າງປະຫວັດສາດເປັນຍານ rotor ທີສອງ ທີ່ບິນຢູ່ເທິງດາວເຄາະອື່ນນອກຈາກໂລກ, ຫຼັງຈາກເຮລິຄອບເຕີທີ່ໃຊ້ພະລັງງານແສງຕາເວັນ Ingenuity ທີ່ເຄີຍສຳຫຼວດຢູ່ເທິງດາວອັງຄານມາແລ້ວ. ຢ່າງໃດກໍຕາມ, Dragonfly ຈະໃຊ້ພະລັງງານນິວເຄລຍເພື່ອການຂັບເຄື່ອນ ແລະ ນີ້ແມ່ນພາລະກິດຂະໜາດໃຫຍ່ທີ່ມີງົບປະມານສູງເຖິງ 3,35 ຕື້ໂດລາ ສະຫະລັດ, ຫຼື 120,6 ເປົ້າໝາຍຕົ້ນຕໍຂອງພາລະກິດແມ່ນເພື່ອຄົ້ນຫາຄວາມລັບຂອງ Titan, ເຊິ່ງນັກວິທະຍາສາດເຊື່ອວ່າອຸດົມສົມບູນໄປດ້ວຍໂມເລກຸນຕັ້ງຕົ້ນຂອງສິ່ງທີ່ມີຊີວິດ. ຫຼັງຈາກລົງຈອດເທິງ Titan, ຍານສຳຫຼວດ Dragonfly ຈະສຳຫຼວດພື້ນທີ່ ທີ່ຫຼາກຫຼາຍເພື່ອສຶກສາເຄມີ, ທໍລະນີສາດ ແລະ ບັນຍາກາດ ເພື່ອນຳເອົາຂໍ້ມູນດັ່ງກ່າວມາສຶກສາ ແລະ ວິໄຈກ່ຽວກັບຕົ້ນກຳເນີດທາງເຄມີຂອງສີ່ງທີ່ມີຊີວິດ. ປັດຈຸບັນ ຍານສຳຫຼວດ Dragonfly ກຳລັງຢູ່ໃນຂັ້ນຕອນການທົດລອງໂມດູນເອເລັກໂຕຣນິກປະສົມປະສານຂອງຍານອະວະກາດ, ເບິ່ງແຍງລະບົບການນຳທາງ ແລະ ການຈັດການຂໍ້ມູນ ໂດຍການທົດລອງໜ່ວຍສະຫຼັບພະລັງງານ, ເຊັ່ນດຽວກັນກັບການທົດລອງເກາະປ້ອງກັນສຳລັບການເດີນທາງໃນອະວະກາດ ແລະ ການປ້ອງກັນຄວາມຮ້ອນເພື່ອປ້ອງກັນບໍ່ໃຫ້ຍານອະວະກາດແຂງຕົວໃນບັນຍາກາດທີ່ໜາວເຢັນຂອງ Titan. ການທົດສອບ ແລະ ການປະກອບຍານອະວະກາດຈະສືບຕໍ່ໄປ ຈົນຮອດຕົ້ນປີ 2027 ກ່ອນທີ່ຈະຖືກສົ່ງໄປທົດລະບົບທີ່ Lockheed Martin Space ໃນ Colorado. ຫຼັງຈາກນັ້ນ ຍານສຳຫຼວດຈະຖືກສົ່ງໄປທີ່ສູນອະວະກາດ Kennedy ຂອງ NASA ເພື່ອກະກຽມສຳລັບການເປີດຕົວດ້ວຍຈະຫຼວດ Falcon Heavy ຂອງ SpaceX, ເຊິ່ງອາດຈະເກີດຂຶ້ນໃນຕົ້ນລະດູໃບໄມ້ປົ່ງປີ 2028.

news to day and hot news