POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ເດັກນ້ອຍ ແລະ ຊາວໜຸ່ມ 273 ລ້ານຄົນ ໃນທົ່ວໂລກອອກຈາກລະບົບການສຶກສາ
ເວລາອອກຂ່າວ: 2026-04-01 09:52:12 | ຜູ້ຂຽນ : admin3 | ຈຳນວນຄົນເຂົ້າຊົມ: 88 | ຄວາມນິຍົມ:

ສຳນັກຂ່າວຫວຽດນາມລາຍງານວັນທີ 31 ມີນາວ່າ: ອີງຕາມບົດລາຍງານການຕິດຕາມການສຶກສາທົ່ວໂລກຂອງອົງການ ອຸຍເນັສໂກ ( UNESCO ) ປະຈຳປີ 2026 ຊີ້ໃຫ້ເຫັນວ່າ: ຈຳນວນເດັກນ້ອຍ ແລະ ຊາວໜຸ່ມ ທີ່ອອກຈາກລະບົບການສຶກສາທົ່ວໂລກເພີ່ມຂຶ້ນຢ່າງຕໍ່ເນື່ອງເປັນປີທີ 7 ຕິດຕໍ່ກັນ ເຊິ່ງມີເຖິງ 273 ລ້ານຄົນ. ພາລະກິດໃນການຮັກສາເດັກ ນ້ອຍໃຫ້ຢູ່ໃນລະບົບການສຶກສາໄດ້ຊ້າລົງໃນເກືອບທຸກພາກພື້ນທົ່ວໂລກ ນັບຕັ້ງແຕ່ປີ 2015. ທ່າອ່ຽງນີ້ແມ່ນເຫັນໄດ້ຢ່າງຊັດເຈນໃນພາກພື້ນອາຟາຣິກາໃຕ້ໂດຍສະເພາະໃນ ຊາຮາຣາ ເຊິ່ງສ່ວນໃຫຍ່ແມ່ນຍ້ອນຈຳນວນປະຊາກອນທີ່ເພີ່ມຂຶ້ນ, ວິກິດການ ແລະ ຂໍ້ຈຳກັດດ້ານງົບປະມານ. ຂໍ້ຂັດແຍ້ງທີ່ກາຍເປັນອຸປະສັກອັນໃຫຍ່ຫຼວງຕໍ່ຄວາມກ້າວໜ້າດ້ານການສຶກສາ, ເນື່ອງຈາກວ່າປັດຈຸບັນມີເດັກນ້ອຍຫຼາຍກວ່າໜຶ່ງໃນຫົກຄົນອາໄສໃນເຂດທີ່ຂັດແຍ້ງ ສົ່ງຜົນເຮັດໃຫ້ເດັກນ້ອຍຫຼຸດອອກຈາກລະບົບການສຶກສາເພີ່ມຂຶ້ນອີກຫຼາຍລ້ານຄົນ, ນອກເໜືອໄປຈາກໂຕເລກທີ່ໄດ້ບັນທຶກໄວ້. ສະຖານະການດັ່ງກ່າວໜ້າ ເປັນຫ່ວງ ໂດຍສະເພາະໃນຕາເວັນອອກກາງ ເຊິ່ງຄວາມເຄັ່ງຕຶງໃນພາກພື້ນທີ່ຍືດເຍື້ອໄດ້ບັງ ຄັບໃຫ້ໂຮງຮຽນຫຼາຍແຫ່ງຕ້ອງປິດການຮຽນ-ການສອນລົງ, ເຮັດໃຫ້ເດັກນ້ອຍຫຼາຍລ້ານຄົນຂາດໂອກາດທາງການສຶກສາ. ອັດຕາສ່ວນຂອງບັນດາປະ ເທດທີ່ນຳໃຊ້ກົນໄກງົບປະມານເພື່ອສະໜັບສະໜູນກຸ່ມຄົນທີ່ດ້ອຍໂອກາດໃນການສຶກສາຂັ້ນປະຖົມ ແລະ ມັດທະຍົມ ເພີ່ມຂຶ້ນຫຼາຍກວ່າ 4 ເທົ່າ ໃນ 25 ປີທີ່ຜ່ານມາ. ຕົວຢ່າງ: 76% ຂອງປະເທດ ຕ່າງໆທີ່ໄດ້ຈັດຕັ້ງປະຕິບັດນະໂຍ ບາຍເພື່ອຈັດສັນຊັບພະຍາກອນໃຫ້ແກ່ໂຮງຮຽນທີ່ດ້ອຍໂອກາດ. ຢ່າງໃດກໍຕາມ, ມີພຽງແຕ່ 8% ເທົ່ານັ້ນທີ່ນຳໃຊ້ກົນໄກເຫຼົ່ານີ້ຢ່າງມີປະສິດທິພາບ, ເພື່ອແຈກຢາຍຊັບພະຍາກອນດ້ານການສຶກສາໃຫ້ແກ່ກຸ່ມທີ່ດ້ອຍໂອກາດ ບົດລາຍງານເນັ້ນໜັກວ່າ: ບໍ່ມີນະໂຍບາຍໃດພຽງນະໂຍບາຍດຽວທີ່ສາມາດແກ້ໄຂບັນຫາການຖືກກີດກັນທາງການສຶກສາ ໄດ້ຢ່າງສິ້ນເຊີງ. ພ້ອມທັງຮຽກຮ້ອງໃຫ້ມີການອອກແບບ ນະໂຍບາຍທີ່ເໝາະສົມກັບສະພາບການ ແລະ ສິ່ງທ້າທາຍຂອງແຕ່ລະຂົງເຂດ. ໂດຍສຳລັບໃນບາງປະເທດ, ມີຫຼາຍມາດຕະການເຊັ່ນ: ການເຮັດໃຫ້ການສຶກສາເປັນພາກບັງຄັບແທນການໃຫ້ຮຽນໂດຍເສຍເງິນ, ການບັງຄັບໃຊ້ກົດໝາຍວ່າດ້ວຍແຮງງານເດັກ, ການຂະຫຍາຍການເຂົ້າເຖິງໄຟຟ້າ ແລະ ການສະໜອງໂຄງການອາຫານທ່ຽງໃນໂຮງຮຽນ, ລ້ວນແຕ່ໄດ້ປະກອບສ່ວນເຂົ້າໃນການເພີ່ມໄລຍະເວລາທີ່ເດັກນ້ອຍໄດ້ຢູ່ໃນລະບົບການສຶກສາ.

news to day and hot news