ວັນຈັນ, ວັນທີ 18 ພຶດສະພາ 2026
ອັນດັບນັກສະນຸກເກີໂລກຫຼ້າສຸດ ແລະ 12 ນັກກິລາ ໄດ້ສິດເຂົ້າຮ່ວມ Tour Championship 2026
ເວລາອອກຂ່າວ: 2026-03-30 09:38:39 | ຜູ້ຂຽນ : admin3 | ຈຳນວນຄົນເຂົ້າຊົມ: 108 | ຄວາມນິຍົມ: 
ພາຍຫຼັງຈົບການແຂ່ງຂັນລາຍການໃຫຍ່ World Open 2026 ໃນທ້າຍອາທິດຜ່ານມາ, ເທບໄຊຍາ ອຸນໜູ ນັກສະນຸກເກີ ສີມືດີຈາກປະເທດໄທ ກາຍເປັນນັກສະນຸກເກີຄົນທຳອິດຂອງອາຊຽນ ໄດ້ແຊັມລາຍການນີ້ ດ້ວຍການຊະນະ ຣອນນີ້ ໂອຊຸນລີແວນ ແຊັມໂລກ 7 ສະໄໝ ອະດີດມື 1 ຂອງໂລກ ຈາກອັງກິດ 10-7 ເຟຣມ.
ຈາກຜົນງານດັ່ງກ່າວ ເຮັດໃຫ້ ເທບໄຊຍາ ອຸນໜູ ຫຼື ເອັຟ ນະຄອນນາຍຍົກ (F1) ຈາກໄທ ອັນດັບໂລກຫຍັບຂຶ້ນ 17 ອັນດັບ ມາຢູ່ທີ 22 ຂອງໂລກ ມີ 346.600 ຄະແນນ ແຕ່ຍັງບໍ່ແມ່ນອັນດັບດີສຸດຂອງ F1 ເພາະເຄີຍຂຶ້ນອັນດັບ 15 ຂອງໂລກ ໃນເດືອນຕຸລາ ປີ 2020. ເທບໄຊຍາ ຕິດອັນດັບ 9 ຂອງໂລກ ທີ່ສະສົມເງິນລາງວັນໄດ້ຫຼາຍສຸດໃນລະດູການນີ້ ຄວ້າສິດໄປແຂ່ງຂັນລາຍການ Tour Championship ປີນີ້.
ຂະນະທີ່ ຣອນນີ້ ໂອຊຸນລີແວນ ອັນດັບໂລກຫຍັບຂຶ້ນ 2 ອັນດັບ ມາຢູ່ທີ 10 ຂອງໂລກ ມີ 631.250 ຄະແນນ, ຣອນນີ້ ຕິດອັນດັບ 1-12 ຂອງໂລກ ທີ່ສະສົມເງິນລາງວັນສູງສຸດໃນລະດູການນີ້ ແຕ່ຂໍພັກຜ່ອນຖອນຕົວຮ່ວມລາຍການ Tour Championship 2026.
ສ່ວນ ອັນດັບ 1-8 ຂອງໂລກ ຍັງຄົງທີ່: ທີ 1 ຈັດທຣຳ ຈາກອັງກິດ ມີ ຄະແນນ, ທີ 2 ຄີແຣນ ວິວສັນ ເພື່ອນຮ່ວມຊາດ ມີ ຄະແນນ, ທີ 3 ນຽວ ໂຣເບີດສັນ ຈາກອົດສະຕຣາລີ ມີ ຄະແນນ, ທີ 4 ມາກ ວິນລ້ຽມສ໌ ຈາກເວວ, ທີ 5 ຈ້າວຊິນທົງ ຈາກຈີນ, ທີ 6 ຈອນ ຮິກກິ້ນ ຈາກສະກັອດແລນ, ທີ 7 ມາກ ເຊວບີ້ ຈາກອັງກິດ ແລະ ທີ 8 ຊອນ ເມີຟີ້ ຈາກອັງກິດ.
ສຳລັບ ນັກສະນຸກເກີທີ່ສະສົມເງິນລາງວັນຕິດອັນດັບ 1-12 ລະດູການນີ້ ປະກອບມີ: ນຽວ ໂຣເບີດສັນ, ຈ້າວຊິນທົງ, ມາກ ເຊວບີ້, ຊອນ ເມີຟີ້, ຈັດທຣຳ, ມາກ ວິນລ້ຽມສ໌, ຫວູອີ້ເຈີ, ແບຣີ້ ຮໍກິ້ນ, ເທບໄຊຍາ ອຸນໜູ, ຄຣິສ ວາເຄລິນ, ຈອນ ຮິກກິ້ນ ແລະ ມາກ ອາວເລນ ເຊິ່ງເຂົ້າມາແທນ ຣອນນີ້ ທີ່ຂໍຖອນຕົວ.
ສຳລັບ ສະນຸກເກີລະດັບໂລກ Tour Championship 2026 ຈະແຂ່ງຂັນລະຫວ່າງວັນທີ 30 ມີນາ-5 ເມສານີ້ ທີ່ເມືອງແມນເຊັສເຕີ ປະເທດອັງກິດ/ຊີງເງິນລາງວັນລວມ 500.000 ປອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
