ວັນຈັນ, ວັນທີ 18 ພຶດສະພາ 2026
ໂມຮາເໝັດ ຊາລ້າ ປະກາດອຳລາ ລີເວີພູລ ຫຼັງຈົບລະດູການນີ້ ປິດສາກ 9 ປີ ໃນຖິ່ນແອນຟິວ
ເວລາອອກຂ່າວ: 2026-03-30 09:37:08 | ຜູ້ຂຽນ : admin3 | ຈຳນວນຄົນເຂົ້າຊົມ: 96 | ຄວາມນິຍົມ: 
ໂມ ຊາລ້າ ຕັດສິນໃຈແຈ້ງຕໍ່ຕົ້ນສັງກັດ ແລະ ແຟນບານໂດຍໄວ ເພື່ອໃຫ້ສະໂມສອນ ມີເວລາໃນການຊອກຫາຕົວແທນ ກ່ອນຈະເລີ່ມລະດູການໃໝ່.
ຊາລ້າ ກ່າວວ່າ: “ ມັນຍາກທີ່ຈະອະທິບາຍເຖິງຄວາມຜູກພັນຢ່າງເລິກເຊິ່ງກັບສະໂມສອນແຫ່ງນີ້, ເມືອງແຫ່ງນີ້ ທຸກຄົນເປັນສ່ວນໜຶ່ງຂອງຊີວິດ ໂມຮາເໝັດ ຊາລ້າ ຍ້າຍຈາກ ໂຣມ້າ ມາຢູ່ກັບ ລີເວີພູລ ໃນປີ 2017 ສ້າງສະຖິຕິກັບທີມ ລວມທັງໃນລາຍການໃຫຍ່ລະດັບປະເທດ ແລະ ລະດັບທະວີບ ຮັບໃຊ້ທີມທັງໝົດ 435 ນັດ ຍິງ 255 ປະຕູ 122 ແອັສຊິສ, ຊ່ວຍທີມໄດ້ແຊັມພຣີເມຍລີກ 2 ສະໄໝ, ເອັຟເອຄັບ, ລີກຄັບ, FA Community Shield, ຢູຟາແຊັມປຽນລີກ, ຢູຟາ ຊຸບເປີຄັບ ແລະ ແຊັມສະໂມສອນໂລກ ຢ່າງລະໜຶ່ງສະໄໝ.
ນອກຈາກນີ້, ຍັງໄດ້ລາງວັນນັກເຕະດີເດັ່ນຂອງສະມາຄົມນັກເຕະບານອາຊີບອັງກິດ ຫຼື PFA 3 ລະດູການ, ດາວຍິງສູງສຸດຂອງ ພຣີເມຍລີກ 4 ລະດູການ ແລະ ລາງວັນອື່ນໆອີກຫຼາກຫຼາຍ ພ້ອມສ້າງສະຖິຕິເປັນນັກເຕະຈາກອາຟຣິກາທີ່ຍິງປະຕູຫຼາຍສຸດໃນ ຢູຟາແຊັມປຽນລີກ ລວມ 50 ປະຕູ ແລະ ຍິງຫຼາຍສຸດໃນ ພຣີເມຍລີກ ລວມ 191 ປະຕູ.
ສ່ວນສະໂມສອນຕໍ່ໄປທີ່ ຊາລ້າ ຈະໄປຮ່ວມທັບ ແມ່ນມີຫຼາຍຕົວເລືອກ ເມື່ອມີຫຼາຍທີມໃຫ້ຄວາມສົນໃຈ ທັງໃນ ຊາອຸດິອາຣາບີ, ເມເຈີລີກ ຊັອກເກີ ອາເມຣິກາ, ລວມທັງຫຼາຍທີມຊັ້ນນຳໃນເອີຣົບເຊັ່ນ: ປາຣີ ແຊັງແຊກແມັງ, ອິນເຕີ ມິລານ, ບາຣເຊໂລນ້າ ແລະ ທີມອື່ນໆ.
ສຳລັບ ຕົວແທນຂອງ ຊາລ້າ ທີ່ລີເວີພູລ ເລັງໄວ້ ປະກອບມີ: ໄມເຄິນ ໂອລີເຊ່ ປີກທີມຊາດຝຣັ່ງຂອງ ບາເຢິນ ມິວນິກ, ຈາຣັອດ ໂບເວັ້ນ ຂອງເວັສແຮມ ຢູໄນເຕສ, ເດຊີເຣ ດູເອ້ ຂອງປາຣີ ແຊັງແຊກແມັງ, ແອນໂທນີ້ ກໍດອນ ຂອງ ນິວຄາວເຊິນ, ຫຼື ອາດປັ້ນ ດາວເດັ່ນ ຣີໂອ ເອັນກູມີຮາ ມາແທນທີ່.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
