ວັນຈັນ, ວັນທີ 18 ພຶດສະພາ 2026
ນັກສະນຸກເກີ ທີມຊາດລາວ ຜ່ານຮອບທຳອິດ ລາຍການ ສະນຸກເກີ 6 ແດງ ໂອເຟັນ 2026 ທີ່ນະຄອນຣາຊະສີມາ ປະເທດໄທ
ເວລາອອກຂ່າວ: 2026-03-26 09:16:06 | ຜູ້ຂຽນ : admin1 | ຈຳນວນຄົນເຂົ້າຊົມ: 131 | ຄວາມນິຍົມ: 
ພອນສະຫວັນ ຊາພັກດີ ຫຼື ຄອນຫວັນ ອັດຕະປື ອອກຄິວສົມລາຄາ ຫຼຽນເງິນ ປະເພດທີມ ຊີເກມ ຄັ້ງທີ 33 ທີ່ປະເທດໄທ ອອກຄິວໄດ້ຢ່າງແມ້ນຢຳ ເອົາຊະນະ ແຂກ ສະລະບູລີ ນັກກິລາມືດີ ຈາກເຈົ້າພາບ ໄທ 4:0 ເຟຣມ ພ້ອມທັງຮັບລາງວັນພິເສດເຂົ້າເບຣກສູງສຸດ ໝົດໂຕະ ຮັບເງິນລາງວັນ 2.000 ບາດ.
ທາງດ້ານ ອານຸລຸດ ຂຸນປັນຍາ ເອົາຊະນະ ເມນ All in 4:0 ເຟຣມ. ຂະນະທີ່ ປັງປອນ ຕີເລັກ ຊະນະ ບິກ ບວນມົງຄົນ 4:2 ເຟຣມ, ສ່ວນ ສຸລິຍາ ມີນາລາວົງ ຫາກໍຫາຍປ່ວຍກັບມາ ເສຍໃຫ້ ບອນ ກຸບກິບ 3:4 ເຟຣມ ຕົກຮອບຢ່າງໜ້າເສຍດາຍ, ບີໂລ ສປປ ລາວ ເສຍໃຫ້ ກ໋ອດ ພິດລັກ ມທສ 0:4 ເຟຣມ.
ທ່ານ ລິຄິດ ອິນທະວົງ ຮັກສາການປະທານສະຫະພັນກິລາບີນລຽດ-ສະນຸກເກີ ແຫ່ງຊາດລາວ ໃຫ້ສຳພາດວ່າ: ຈຸດປະສົງການເຂົ້າຮ່ວມແຂ່ງຂັນ ເພື່ອໃຫ້ນັກກິລາໄດ້ທົດສອບສີມືຢ່າງຕໍ່ເນື່ອງ ເພື່ອກຽມຄວາມພ້ອມຮັບໃຊ້ຊາດງານແຂ່ງຂັນລະດັບຕ່າງໆ ໂດຍສະເພາະ ເອຊຽນອິນດໍເກມ ໃນທ້າຍປີນີ້ ແລະ ຊີເກມ ຄັ້ງທີ 34 ທີ່ປະເທດມາເລເຊຍໃນປີໜ້າ, ຕັ້ງຄວາມຫວັງຕ້ອງຍາດຫຼຽນຄຳມາໃຫ້ໄດ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
