ວັນຈັນ, ວັນທີ 18 ພຶດສະພາ 2026
ລົດແກ້ວ ອິນທະກຸມມານ ນັກແລ່ນທີມຊາດລາວ ທຳລາຍສະຖິຕິປະເທດລາວ ແລ່ນທົນ 21,1 ກິໂລແມັດຍິງ ຄວ້າລາງວັນຊະນະເລີດເປັນລາຍການທີ 5 ໃນປີ 2026 ນີ້
ເວລາອອກຂ່າວ: 2026-03-16 09:53:44 | ຜູ້ຂຽນ : admin1 | ຈຳນວນຄົນເຂົ້າຊົມ: 178 | ຄວາມນິຍົມ: 
ລົດແກ້ວ ທຳລາຍສະຖິຕິປະເທດລາວ ແລ່ນທົນ 21,1 ກິໂລແມັດຍິງ ຫຼື ຫຼື ຮາຟ ມາຣາທອນ (Half Marathon) ລາຍການ ວຽງຈັນ ຮາຟ ມາຣາທອນ ນາໆຊາດ 2026 ໃນວັນແມ່ຍິງ ທີ 8 ມີນາຜ່ານມາ ດ້ວຍເວລາ 1 ຊົ່ວໂມງ 26 ນາທີ 6 ວິນາທີ ທຸບສະຖິຕິເກົ່າຂອງຕົນເອງ ທີ່ເຮັດໄດ້ໃນປີຜ່ານມາ 1 ຊົ່ວໂມງ 26 ນາທີ 29 ວິນາທີ. ລົດແກ້ວ ປ້ອງກັນແຊັມໄດ້ສຳເລັດ ຮັບຂັນແຊັມ, ຫຼຽນລາງວັນ ແລະ ເງິນລາງວັນ 8 ລ້ານກີບ ພ້ອມເງິນໂບນັສ ອີກ 4 ລ້ານກີບ ທີ່ສາມາດທຳລາຍສະຖິຕິປະເທດລາວ.
ກ່ອນໜ້ານີ້ ໜຶ່ງອາທິດ ເມື່ອວັນທີ 1 ມີນາ 2026 ລົດແກ້ວ ກໍຊະນະເລີດ ແລ່ນ ຮາຟ ມາຣາທອນ ລາຍການ ວັງວຽງ ຮາຟ ມາຣາທອນ 2026, ລາຍການ Synesis Vientiane Half Marathon ຊິນເນສິສ ວຽງຈັນ ແລ່ນ ເພື່ອສຸຂະພາບ ວັນທີ 28 ກຸມພາ 2026 ແລະ ງານແລ່ນ ມິນິ ມາຣາທອນ Run Together Save the Power ວັນທີ 14 ກຸມພາ 2026 ໄລຍະທາງ 10 ກິໂລແມັດ ແລະ ໃນທ້າຍປີຜ່ານມາ ຕໍ່ມາຫາຕົ້ນປີນີ້ ລົດແກ້ວ ກໍ່ຄວ້າແຊັມ ແລ່ນມິນິມາຣາທອນ ເພື່ອສະເຫຼີມສະຫຼອງ ການດຳເນີນກິດຈະການທາງດ່ວນ ລາວ-ຈີນ ນະຄອນຫຼວງວຽງຈັນ ຫາ ວັງວຽງ ຄົບຮອບ 5 ປີ ເຊົ້າວັນທີ 20 ທັນວາ 2025, ປ້ອງກັນແຊັມ ແລ່ນນາໆຊາດ ບູຣີຣຳ ມາຣາທອນ ທີ່ຈັງຫວັດບູຣີຣຳ ປະເທດໄທ ແລະ ຂ່ອນແກ່ນ ມາຣາທອນ ນາໆຊາດ (Khon Kaen International Marathon 2026) ໃນວັນທີ 11 ມັງກອນຜ່ານມາ ທີ່ຂອນແກ່ນ ປະເທດໄທ ໂດຍ ລົດແກ້ວ ລົງແລ່ນ 21.1 ກິໂລແມັດ.
ລາຍການຕໍ່ໄປ ນ້ອງ ລົດແກ້ວ ຈະລົງແຂ່ງຂັນລາຍການ ແລ່ນ ເພື່ອສຸຂະພາບ, ມິດຕະພາບ ແລະ ການກຸສົນ 2026 ໂຮງແຮມແດນສະຫວັນ ນ້ຳງື່ມ ຣີສອດ ໄລຍະທາງ 7 ກິໂລແມັດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
