POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 18 ເມສາ 2026

ໂຮງຮຽນກໍ່ສ້າງນາຍສິບ ເລກ 2 ວຽງໄຊ ເອົາໃຈໃສ່ເຮັດວຽກງານກໍ່ສ້າງຮາກຖານ
ເວລາອອກຂ່າວ: 2026-03-05 09:54:10 | ຜູ້ຂຽນ : admin1 | ຈຳນວນຄົນເຂົ້າຊົມ: 277 | ຄວາມນິຍົມ:

ວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານແກ້ໄຂຄວາມທຸກຍາກ ແລະ ວຽກງານ 3 ສ້າງເປັນວຽກ ງານຍຸດທະສາດສຳຄັນ, ສູນກາງ ພັກ ໄດ້ຫັນເອົາແນວທາງນະໂຍ ບາຍລວມຂອງພັກ, ກວດກາ ແລະ ຊຸກຍູ້ທົ່ວລະບົບການເມືອງຢູ່ສູນກາງ ແລະ ທ້ອງຖິ່ນ ຫັນເປັນນິຕິກຳສະເພາະຂອງຕົນ. ສຳລັບຢູ່ໂຮງຮຽນກໍ່ສ້າງນາຍສິບເລກ 2 ວຽງໄຊ ໂດຍປະຕິບັດຕາມຄຳສັ່ງແນະນຳ ເລກທີ 03/ກມສພ ລົງວັນທີ 30 ພຶດສະພາ 2011 ວ່າດ້ວຍການສ້າງບ້ານ ເປັນຫົວ ໜ່ວຍພັດທະນາ, ສ້າງບ້ານໃຫຍ່ ໃຫ້ກາຍເປັນຕົວເມືອງນ້ອຍໃນຊົນນະບົດຕິດພັນກັບວຽກງານ 3 ສ້າງ, ອິງຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ແລະ ແຜນການເຄື່ອນໄຫວ ວຽກງານກໍ່ສ້າງຮາກຖານການເມືອງ ຂອງໂຮງຮຽນກໍ່ສ້າງນາຍສິບເລກ 2 ວຽງໄຊ, ໂຮງຮຽນແມ່ນໄດ້ຮັບ ຜິດຊອບກໍ່ສ້າງຮາກຖານການ ເມືອງຕົວຈິງ ຢູ່ 7 ບ້ານ ຂອງເມືອງບາຈຽງ ແຂວງຈຳສັກ. ສະຫາຍ ພັນໂທ ບຸນທະວີໄຊ ກຸລະວົງ ຫົວໜ້າພະແນກກໍ່ສ້າງຮາກຖານ ຫ້ອງການເມືອງໂຮງ ຮຽນກໍ່ສ້າງນາຍສິບ ເລກ 2 ວຽງ ໄຊ ໄດ້ໃຫ້ຮູ້ວ່າ: ປະຕິບັດຕາມ ທິດຊີ້ນຳ ຂອງຫົວໜ້າອຳນວຍການໂຮງຮຽນ ໄດ້ຫັນເອົາກຳລັງ ລົງກໍ່ສ້າງຮາກຖານຈຳນວນ 35 ສະຫາຍ ສົມທົບກັບກຳລັງປ້ອງ ກັນຂອງໂຮງຮຽນ ແລະ ກຳລັງ ປກຊ-ປກສ ຂອງ 7 ບ້ານຮາກຖານໃນໄລຍະທີ່ດຳເນີນການ ປ່ອນບັດເລືອກຕັ້ງສະມາຊິກສະ ພາແຫ່ງຊາດ ຊຸດທີ X ແລະ ສະ ພາປະຊາຊົນຂັ້ນແຂວງ ຊຸດທີ V ໂຮງຮຽນ ໄດ້ນຳເອົາກຳລັງໄປປ້ອງກັນການປ່ອນບັດເລືອກຕັ້ງ ຢູ່ເຂດເລືອກຕັ້ງທີ 15 ໃນ 7 ບ້ານທີ່ໂຮງຮຽນຮັບຜິດຊອບ, ໂດຍຍົກສູງສະຕິລະວັງຕົວ ຕໍ່ກົນອຸບາຍມ້າງເພທຳລາຍຂອງພວກຄົນບໍ່ດີເປັນຕົ້ນການໂຄສະນາແບ່ງແຍກພາຍໃນ, ການໃສ່ຮ້າຍປ້າຍສີຕໍ່ການເລືອກຕັ້ງ, ຕໍ່ການນຳພາຂອງພັກ ແລະ ການຄຸ້ມຄອງຂອງລັດ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນບັນ ດາເຜົ່າ ເຮັດໃຫ້ການເລືອກຕັ້ງຄັ້ງນີ້ ບັນລຸຜົນສຳເລັດຕາມຈຸດປະສົງຄາດໝາຍທີ່ວາງໄວ້ ຄື: ນຳພາຜູ້ມີສິດເລືອກຕັ້ງ ໄປປ່ອນບັດເລືອກຕັ້ງ ຄົບຖ້ວນ 100%, ນຳ ຜູ້ມີສິດເລືອກຕັ້ງ ໃຫ້ໃຊ້ສິດເລືອກ ຕັ້ງຖືກຕ້ອງຕາມລະບຽບການເລືອກຕັ້ງ 100%, ນຳພາວຽກງານ ປ້ອງກັນຊາດ-ປ້ອງກັນຄວາມສະ ຫງົບຮັບປະກັນໃຫ້ສະພາບມີຄວາມສະຫງົບ ແລະ ມີຄວາມປອດໄພ 100%, ນຳພາວຽກງານປ່ອນບັດເລືອກຕັ້ງໃຫ້ຮັບ ປະກັນຄວາມໂປ່ງໃສ ແລະ ສຳ ເລັດຕາມກຳນົດເວລາ 100%. ຜ່ານການຫັນເອົາກຳລັງປ້ອງກັນ ຜູ້ມີສິດປ່ອນບັດເລືອກຕັ້ງ ໃນ 7 ບ້ານ ເຫັນວ່າ ທຸກພາກ ສ່ວນ ໄດ້ເປັນເຈົ້າການເຮັດໜ້າທີ່ວຽກງານຂອງຕົນ ດ້ວຍຄວາມຮັບຜິດຊອບສູງສົມທົບແໜ້ນກັບອຳນາດການປົກຄອງບ້ານ ກໍຄື ປະຊາຊົນ ໄດ້ຢ່າງເລິກເຊິ່ງ, ສ້າງ ໃຫ້ຂອບເຂດບ້ານມີຄວາມສະ ຫງົບປອດໄພ, ບ້ານກັບກົມກອງປະຕິບັດ ໄດ້ 4 ຮ່ວມ ຄື: ຮ່ວມຢູ່, ຮ່ວມກິນ, ຮ່ວມປຶກສາຫາລື ແລະ ຮ່ວມເຮັດວຽກງານ ດັ່ງຄຳຂວັນທີ່ວ່າ: ກອງທັບກັບປະຊາຊົນປຽບເໝືອນປາກັບນ້ຳ. ໂດຍ: ສາຍໄຈປະຕິວັດ

news to day and hot news