POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ຄະນະຜູ້ແທນກອງບັນຊາການທະຫານຊາຍແດນ ແຂວງກວາງຈິ ສສ ຫວຽດນາມ ອວຍພອນ ກອງບັນຊາການທະຫານແຂວງຄຳມ່ວນ
ເວລາອອກຂ່າວ: 2025-12-10 09:41:28 | ຜູ້ຂຽນ : admin1 | ຈຳນວນຄົນເຂົ້າຊົມ: 266 | ຄວາມນິຍົມ:

ວັນທີ 5 ທັນວາ 2025 ທີ່ຜ່ານມານີ້, ຄະນະຜູ້ແທນ ກອງບັນຊາການທະຫານຊາຍແດນ ແຂວງກວາງຈິ ສສ ຫວຽດນາມ ນຳໂດຍ ສະຫາຍ ພັນເອກ ຈິ່ງແທັງ ບິ່ງ ກຳມະການພັກແຂວງ ຫົວໜ້າການທະຫານ ກອງບັນຊາການທະຫານຊາຍແດນ ແຂວງ ກວາງຈິ ພ້ອມດ້ວຍຄະນະ ໄດ້ເດີນທາງມາພົບປະຢ້ຽມຢາມ ແລະ ອວຍພອນ ຄະນະພັກ-ຄະນະບັນຊາ ກອງບັນຊາການທະ ຫານແຂວງຄຳມ່ວນ ໂດຍໃຫ້ການຕ້ອນຮັບຢ່າງອົບອຸ່ນຈາກ ສະຫາຍ ພັນເອກ ສີສົມພູ ແກ້ວບຸນລ້ອມ ຫົວໜ້າການເມືອງ ກອງບັນຊາການທະຫານແຂວງຄຳມ່ວນ ແລະ ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການາທະຫານແຂວງຄໍາມ່ວນ ພ້ອມດ້ວຍຄະນະພັກ-ຄະນະບັນຊາ ອົງການ 5 ຫ້ອງແລະ ພະແນກການທີ່ກ່ຽວຂ້ອງເຂົ້າຮ່ວມ. ໂອກາດດັ່ງກ່າວ ສະຫາຍ ພັນເອກ ຈິ່ງ ແທັງ ບິ່ງ ກຳມະການພັກແຂວງ ຫົວໜ້າການທະຫານ ກອງບັນຊາການທະຫານຊາຍແດນ ແຂວງກວາງຈິ ກໍໄດ້ຕາງໜ້າໃຫ້ຄະນະພັກ-ຄະນະບັນຊາ ພະນັກງານ-ນັກຮົບ ຂອງຕົນກ່າວ ສະແດງຄວາມຢ້ຽມຢາມຖາມຂ່າວມາຍັງຄະນະພັກ-ຄະນະບັນຊາ ພະນັກງານ-ນັກຮົບທະຫານແຂວງຄຳມ່ວນ ດ້ວຍຄວາມສະໜິດສະໜົມ ແລະ ຄວາມສາມັກຄີ ຮັກແພງແບບພິເສດ ຈາກນັ້ນ ສະຫາຍ ກໍໄດ້ຍົກໃຫ້ເຫັນສະພາບການໃນການຈັດຕັ້ງປະຕິບັດໜ້າທີ່ວຽກງານຂອງກົມກອງໃນໄລຍະຜ່ານມາ ເປັນຕົ້ນແມ່ນສະພາບການທາງດ້ານເສດຖະກິດ-ສັງຄົມ, ສະພາບການຈັດຕັ້ງປະຕິບັດ ໜ້າທີ່ວຽກງານເຮັດໃຫ້ສະພາບມີຄວາມສະຫງົບຕາມບໍລິເວນຊາຍແດນຂອງທັງສອງແຂວງ ກວາງຈິ-ຄຳມ່ວນ ລວມເຖິງການຮ່ວມມືຮອບດ້ານຂອງສອງກຳລັງ ແລະ ປະຊາຊົນທັງສອງຝ່າຍຕາມບໍລິເວນຊາຍແດນ ໃນການປະສານສົມທົບແໜ້ນ ຄວາມສາມັກຄີຮັກແພງຊ່ວຍເຫຼືອເຊິ່ງກັນຕະຫຼອດມາ ພ້ອມທັງກ່າວອວຍພອນໄຊອັນປະເສີດມາຍັງ ຄະນະພັກ-ຄະນະບັນຊາ, ພະນັກງານ-ນັກຮົບ ທະຫານແຂວງຄຳມ່ວນ ຈົ່ງມີສຸຂະພາບແຂງແຮງ, ມີຜົນສຳ ເລັດໃນໜ້າທີ່ວຽກງານທີ່ພັກ-ລັດມອບໝາຍໃຫ້, ໂອກາດດຽວກັນ ສະຫາຍ ພັນເອກ ສີສົມພູ ແກ້ວບຸນລ້ອມ ຫົວໜ້າການເມືອງ ກອງບັນຊາການທະຫານແຂວງຄຳມ່ວນ ກໍ່ໄດ້ຕາງໜ້າໃຫ້ຄະນະພັກ-ຄະນະບັນຊາ, ພະນັກງານ-ນັກຮົບໃນທົ່ວກອງບັນຊາການທະຫານແຂວງ ກໍໄດ້ຕີລາຄາສູງຕໍ່ສະຫາຍ ພັນເອກ ຈິ່ງ ແທັງ ບິ່ງ ຫົວໜ້າການທະຫານ ກອງບັນຊາການທະຫານແຂວງ ກວາງຈິ ສສ ຫວຽດນາມ ພ້ອມດ້ວຍຄະນະ ທີ່ໄດ້ເດີນທາງມາພົບປະຢ້ຽມຢາມ ແລະ ອວຍພອນໃນຄັ້ງນີ້ ເຊິ່ງເປັນການປະກອບສ່ວນອັນສຳຄັນໃນການເພີ່ມພູນຄູນສ້າງສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານ, ຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ລະຫວ່າງສອງກຳລັງ ແລະ ປະຊາຊົນສອງຊາດ ລາວ-ຫວຽດນາມ ຫວຽດນາມ-ລາວ ໃຫ້ນັບມື້ຈະເລີນງອກງາມຂຶ້ນໄປເລື້ອຍໆ ຈາກນັ້ນ ຄະນະຜູ້ແທນທັງສອງຝ່າຍ ກໍໄດ້ມອບຂອງຂວັນ ເພື່ອເປັນທີ່ລະນຶກເຊິ່ງກັນ ແລະ ກັນຕື່ມອີກ. ໂດຍ: ລາກີ ພົມມີສິດ

news to day and hot news