POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ວັນຊາດທີ 2 ທັນວາ ເປັນບາດລ້ຽວປະຫວັດສາດໜ້າໃໝ່ ຂອງຊາດລາວ, ຄົນລາວ
ເວລາອອກຂ່າວ: 2025-12-09 10:14:59 | ຜູ້ຂຽນ : admin3 | ຈຳນວນຄົນເຂົ້າຊົມ: 328 | ຄວາມນິຍົມ:

ເນື່ອງໃນໂອກາດວັນສະ ຖາປະນາ ສປປ ລາວ ຄົບຮອບ 50 ປີ ແລະ ວັນຄ້າຍເກີດປະທານ ໄກສອນ ພົມວິຫານ ຄົບຮອບ 105 ປີ, ສະຫາຍ ພັນເອກ ຫົງທອງ ສີຊານົນ ເລຂາທິການສູນກາງຊາວໜຸ່ມປະຊາຊົນປະຕິວັດລາວ, ຫົວໜ້າຫ້ອງການຊາວໜຸ່ມກອງທັບ ໄດ້ຕາງໜ້າໃຫ້ຫ້ອງການຊາວໜຸ່ມກອງທັບ ກໍຄືພະນັກງານ-ສະມາຊິກຊາວໜຸ່ມໃນທົ່ວກອງທັບ ສະແດງທັດ ສະນະ ແລະ ຄວາມຮູ້ສຶກຕໍ່ສອງວັນປະຫວັດສາດຂອງຊາດວ່າ: ວັນຊາດທີ 2 ທັນວາ ເປັນວັນທີ່ມີຄວາມໝາຍຄວາມສຳຄັນອັນໃຫຍ່ຫຼວງ ຂອງປວງຊົນລາວທັງຊາດ, ເປັນບາດລ້ຽວປະຫວັດສາດໜ້າໃໝ່ຂອງຊາດລາວ, ຄົນລາວ, ປະຊາຊົນລາວບັນດາເຜົ່າ ມີຄວາມເອກອ້າງທະນົງໃຈຕໍ່ຜົນງານ ແລະ ໄຊຊະນະອັນຍິ່ງໃຫຍ່ທີ່ຍາດມາໄດ້, ໄດ້ປົດປ່ອຍຕົນເອງ ແລະ ປະເທດຊາດ ຫຼຸດພົ້ນອອກຈາກແອກປົກຄອງຂອງຈັກກະພັດລ່າເມືອງຂຶ້ນ ທັງເກົ່າ ແລະ ໃໝ່. ເຊິ່ງຂະບວນວິວັດການຕໍ່ສູ້ທີ່ຜ່ານມານັ້ນ ແມ່ນລະອິດລະອ້ຽວ, ຍືດເຍື້ອຍາວນານ ເຕັມໄປດ້ວຍນ້ຳໃຈເສຍສະຫຼະ, ອົງອາດກ້າຫານ, ຕໍ່ສູ້ບໍ່ຍອມຈຳນົນຂອງພະນັກງານ-ນັກຮົບ ກອງທັບປະຊາຊົນລາວ ແລະ ປະຊາຊົນລາວບັນດາເຜົ່າ ເພື່ອກອບກູ້ເອົາເອກະລາດ ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ ພາຍໃຕ້ການນຳພາຢ່າງມີໄຫວພິກຂອງພັກປະຊາຊົນປະຕິວັດລາວ. ຕະຫຼອດໄລຍະ 50 ປີ ແຫ່ງ ການໄຂສັງກາດໃໝ່ ໃນການປົກ ປັກຮັກສາ ແລະ ພັດທະນາສ້າງ ສາປະເທດຊາດ ພາຍໃຕ້ການນຳ ພາອັນສະຫຼາດສ່ອງໃສ ແລະ ປະດິດສ້າງຂອງພັກປະຊາຊົນ ປະຕິວັດລາວ ປະເທດຊາດຂອງ ພວກເຮົາ ໄດ້ມີການພັດທະນາຂະຫຍາຍຕົວຢ່າງຕໍ່ເນື່ອງ, ມີຄວາມສະຫງົບທາງດ້ານການ ເມືອງຢ່າງໜັກແໜ້ນ; ຂົງເຂດວຽກງງານປ້ອງກັນຊາດ-ປ້ອງກັນຄວາມສະຫງົບ ໄດ້ຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດ ໄວ້ໄດ້ຢ່າງໝັ້ນຄົງ; ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ; ດ້ານເສດຖະກິດ, ວັດທະນະທຳ-ສັງ ຄົມ ໄດ້ຮັບການພັດທະນາຢ່າງຕໍ່ເນື່ອງ, ພື້ນຖານໂຄງລ່າງ ສືບຕໍ່ພັດທະນາດີຂຶ້ນເປັນກ້າວໆ; ວຽກງານພົວພັນຮ່ວມມືກັບບັນດາປະເທດໃນພາກພື້ນ ແລະ ສາກົນ ໄດ້ຮັບການເປີດກວ້າງ ແລະ ຂະ ຫຍາຍຕົວໃນທ່ວງທ່າກ້າວໃໝ່ ຢ່າງໜັກແໜ້ນ, ສະເພາະກອງທັບປະຊາຊົນລາວພວກເຮົາ ເວລາໃດ ກໍເປັນພາຫະນະອາວຸດອັນແຫຼມຄົມຂອງພັກ; ເປັນກຳລັງຫຼັກແຫຼ່ງໃນການປົກປັກຮັກສາ ແລະ ພັດທະນາສ້າງສາປະເທດຊາດໃຫ້ຮຸ່ງເຮືອງສີວິໄລ, ໄດ້ສືບຕໍ່ພັດທະນາປັບປຸງຕົນເອງໃຫ້ ກາຍເປັນກອງທັບປະຕິວັດທີ່ມີ ແບບແຜນ ແລະ ຫັນເປັນທັນສະໄໝເປັນກ້າວໆ, ເສີມຂະຫຍາຍໄດ້ທາດແທ້ ແລະ ມູນເຊື້ອອັນດີ ງາມຂອງຕົນ ໄດ້ຢ່າງສົມກຽດ ແລະ ເຮັດສຳເລັດທຸກໜ້າທີ່ທີ່ໄດ້ຮັບການມອບໝາຍ. ສຳລັບຫ້ອງການຊາວໜຸ່ມກອງທັບ ແລະ ການຈັດຕັ້ງຊາວໜຸ່ມໃນກອງທັບ ໃນຖະນະທີ່ເປັນອົງການຈັດຕັ້ງມະຊົນຂອງພັກໃນກອງທັບ, ໄດ້ຮັບການຊີ້ນຳ-ນຳພາໂດຍກົງຮອບດ້ານ ຈາກຄະນະພັກກະຊວງປ້ອງກັນປະເທດ, ກົມໃຫຍ່ການເມືອງກອງທັບ ແລະ ສູນກາງຊາວໜຸ່ມປະຊາຊົນປະຕິວັດລາວ; ເປັນເສ ນາທິການດ້ານວຽກງານຊາວ ໜຸ່ມ ໃຫ້ກະຊວງປ້ອງກັນປະເທດ ແລະ ສູນກາງຊາວໜຸ່ມປະຊາຊົນປະຕິວັດລາວ, ໂດຍຜ່ານການຊີ້ນຳຈາກກົມໃຫຍ່ການເມືອງກອງທັບ, ການຈັດຕັ້ງຊາວໜຸ່ມ ແຕ່ລະຂັ້ນໃນກອງທັບ ໄດ້ປະ ກອບສ່ວນຢ່າງຕັ້ງໜ້າໃນການເສີມຂະຫຍາຍທາດແທ້ ແລະ ມູນເຊື້ອອັນດີງາມຂອງກອງທັບ ເຂົ້າໃນຂະບວນການວຽກງານຊາວໜຸ່ມ ດ້ວຍການເອົາໃຈໃສ່ປະຕິບັດໜ້າທີ່ການເມືອງຂອງຕົນໃນການເຕົ້າໂຮມຄວາມສາມັກຄີ ກ້ອນກຳລັງຊາວໜຸ່ມ ໃຫ້ເປັນປຶກແຜ່ນແໜ້ນໜາ ແລະ ມີໜ້າທີ່ເຝິກຜົນຫຼໍ່ຫຼອມສະມາຊິກຊາວໜຸ່ມໃນກອງທັບ ໃຫ້ກາຍເປັນຜູ້ສືບທອດທີ່ດີຂອງພັກ, ເປັນກຳລັງແຮງປະຈັນບານຂອງກອງທັບ, ເປັນແຂນຂວາຂອງພັກ, ເປັນກະດູກສັນຫຼັງຂອງປະເທດຊາດ, ເປັນບໍ່ບຳເພັນໃຫ້ແກ່ພັກ. ພ້ອມກັນນັ້ນ, ກໍມີໜ້າທີ່ຕະລຸມບອນບຸກທະລຸ ເຮັດສຳເລັດໜ້າທີ່ທຸກວຽກງານທີ່ໄດ້ຮັບການມອບໝາຍຢ່າງສົມກຽດ ຕາມຄຳຂວັນຂອງຊາວໜຸ່ມທີ່ວ່າ "ບ່ອນໃດຍາກ ຊາວໜຸ່ມບຸກ, ບ່ອນໃດທຸກ ຊາວໜຸ່ມຜ່ານຜ່າ, ເມື່ອໃດຊາດຕ້ອງການ ຊາວໜຸ່ມຂານອາສາ". ສະຫາຍ ພັນເອກ ຫົງທອງ ສີຊານົນ ໃຫ້ຮູ້ຕື່ມອີກວ່າ: ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 50 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 105 ປີນີ້, ການຈັດຕັ້ງຊາວໜຸ່ມກອງທັບ ກໍໄດ້ປະກອບສ່ວນສ້າງຂະບວນການ ແລະ ມີຜົນງານພົ້ນເດັ່ນຫຼາຍດ້ານ ມາຂໍ່ານັບຮັບຕ້ອນ ແລະ ສະເຫຼີມສະຫຼອງວັນສຳຄັນດັ່ງກ່າວ ຢ່າງມີບັນຍາກາດຟົດຟື້ນກວ້າງຂວາງ, ສະຫາຍ ຍັງໄດ້ຕາງໜ້າໃຫ້ພະນັກ ງານ ແລະ ສະມາຊິກຊາວໜຸ່ມໃນ ທົ່ວກອງທັບ ສະແດງຄວາມຮູ້ ບຸນຄຸນ ແລະ ຈົດຈຳຜົນງານຂອງ ການນຳແຕ່ລະຮຸ້ນ, ພ້ອມທັງຈະຮ່ຳຮຽນເອົາປະສົບການ, ຄຸນ ສົມບັດສິນທຳປະຕິວັດ, ແບບ ແຜນວິທີເຮັດເຮັດວຽກຂອງພວກເພິ່ນ, ເພື່ອຈັດຕັ້ງຜັນຂະຫຍາຍເຂົ້າໃນໜ້າທີ່ວຽກວຽກຕົວຈິງ ໃຫ້ເກີດດອກອອກຜົນ, ອວຍພອນໄຊອັນປະເສີດມາຍັງການນຳພັກ-ລັດ, ຄະນະນຳກະຊວງປ້ອງກັນປະເທດ, ຄະນະນຳກົມໃຫຍ່ການເມືອງກອງທັບ ແລະ ຄະນະນຳສູນກາງຊາວໜຸ່ມປະຊາຊົນປະວັດລາວ ຈົ່ງມີສຸຂະພາບແຂງ, ນຳພາພັດທະນາປະເທດຊາດ ໃຫ້ຈະເລີນຮຸ່ງເຮືອງວັດທະນະຖາວອນ ກ້າວຂຶ້ນຕາມເສັ້ນທາງສັງຄົມນິຍົມ ຢ່າງບໍ່ຢຸດຢັ້ງ.

news to day and hot news