POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ໂຮງຮຽນກໍ່ສ້າງນາຍສິບເລກ1 ສະເຫຼີມຫຼອງວັນສະຖາປະນາ ສປປ ລາວ ຄົບຮອບ 50 ປີ
ເວລາອອກຂ່າວ: 2025-12-04 09:58:57 | ຜູ້ຂຽນ : admin2 | ຈຳນວນຄົນເຂົ້າຊົມ: 740 | ຄວາມນິຍົມ:

ພິທີສະເຫຼີມຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ໄດ້ຈັດຂຶ້ນໃນວັນທີ 2 ທັນວາ 2025 ນີ້, ຢູ່ເດີນຜາມໄຊຂອງໂຮງຮຽນ ໂດຍການເປັນປະທານ ແລະ ກ່າວປາໄສຂອງສະຫາຍ ພົນຈັດຕະວາ ສີລາວົງ ບຸນມີໄຊ ຫົວໜ້າການເມືອງໂຮງຮຽນກໍ່ສ້າງນາຍສິບເລກ1, ມີຄະນະພັກ-ຄະນະອຳນວຍການ, ອົງການ, ກອງພັນ, ຕະຫຼອດຮອດນາຍ ແລະ ພົນທະຫານ ພ້ອມດ້ວຍນັກຮຽນເຂົ້າຮ່ວມ. ສະຫາຍ ພົນຈັດຕະວາ ສີລາວົງ ບຸນມີໄຊ ກໍ່ໄດ້ຍົກໃຫ້ເຫັນການກຳເນີດເຕີບໃຫ່ຍຂະຫຍາຍຕົວ, ຜົນງານໄຊຊະນະຕະຫຼອດໄລຍະແຫ່ງການຕໍ່ສູ້ກູ້ຊາດຂອງພັກ, ການເສຍສະຫຼະເລືອດເນື້ອຂອງກອງທັບ ແລະ ປະຊາຊົນລາວບັນດາເຜົ່າທີຖືກກົດຂີ່ຂູດຮີດ ມາເປັນເວລາຫຼາຍຮ້ອຍປີຜ່ານມາ,ໄດ້ລຸກຮື້ຂຶ້ນຕໍ່ສູ້ກັບສັກດີນາປະຕິການຈັກກະພັດຜູ້ຮຸກຮານທັງເກົ່າ ແລະ ໃໝ່. ຍ້ອນເງື່ອນໄຂທາງດ້ານປະຫວັດສາດກໍ່ຄືສະພາບແວດລ້ອມທາງສາກົນເວລານັ້ນບໍ່ທັນເອື້ອອຳນວຍ ຈິ່ງເຮັດໃຫ້ການຕໍ່ສູ້ຂອງປະຊາຊົນລາວບໍ່ໄດ້ຮັບໄຊຊະນະ. ແຕ່ເຖິງຢ່າງໃດກໍ່ຕາມ ຂະບວນການຕໍ່ສູ້ເຫຼົ່ານັ້ນໄດ້ສະແດງໃຫ້ເຫັນບາດກ້າວຂະຫຍາຍຕົວອັນໃໝ່ ໃນການເສີມຂະຫຍາຍມູນເຊື້ອຄວາມສາມັກຄີ ຕໍ່ສູ້ອັນອົງອາດກ້າຫານບໍ່ຍອມຈຳນົນໄດ້ເປັນແປວໄຟແຫ່ງຄວາມຮັກຊາດຂອງປະຊາຊົນລາວບັນດາເຜົ່າ ເປັນກະແສຟອງຂອງການປະຕິວັດຂະຫຍາຍຕົວໄປທຸກຫົນແຫ່ງ.ໃນຊຸມປີ 1930 ລັດທິມາກ-ເລນິນ ປະທານໂຮ່ຈີມິນໄດ້ນຳພາສ້າງຕັ້ງພັກກອມມູນນິດອິນດູຈີນຂຶ້ນ ແລະ ໄດ້ຮັບຮອງພາລະກຳປະຫວັດສາດການນຳພາຂອງຂະບວນການປະຕິວັດ 3 ຊາດ ລາວ, ຫວຽດນາມ, ກຳປູເຈຍ. ນັບແຕ່ນັ້ນມາດ້ວຍການເຊີດຊູຄັນທຸງປະຕິວັດພາຍໃຕ້ການນຳພາຂອງພັກກອມມູນນິດອິນດູຈີນ, ການຕໍ່ສູ້ຂອງປະຊາຊົນບັນດາເຜົ່າກໍ່ໄດ້ມີທິດທາງ, ມີແຜນການ, ມີຈຸດໝາຍອັນຈະແຈ້ງ ແລະ ມີວິທີການຕໍ່ສູ້ຢ່າງຖືກຕ້ອງ. ໂດຍສະເພາະນັບແຕ່ມື້ສ້າງຕັ້ງພັກປະຊາຊົນ ປະຕິວັດລາວຂຶ້ນ ໃນວັນທີ 22 ມີນາ 1955 ເປັນຕົ້ນມາ, ພັກໄດ້ນຳພາປວງຊົນລາວທັງຊາດດຳ ເນີນການຕໍ່ສູ້ປົດປ່ອຍຢ່າງອົງອາດກ້າຫານຜ່ານຜ່າພາຍຸລົມແດງ, ຄວາມຫຍຸ້ງຍາກ, ຄວາມເສຍສະຫຼະເລືອດເນື້ອຂອງປະຊາຊົນລາວບັນດາເຜົ່າ ແລະ ໄດ້ຮັບໄຊຊະນະເປັນຂັ້ນໆມາແຕ່ນ້ອຍຫາໃຫ່ຍ, ແຕ່ແຄບຫາກວ້າງ ແລະ ສາມາດປົດປອ່ຍປະເທດຊາດອອກຈາກແອກປົກຄອງຂອງຈັກກະພັດ ແລະ ສັກດີນາປະຕິການ, ຍຶດອຳນາດມາສູ່ປະຊາຊົນຢ່າງສົມບູນ ແລະ ໄດ້ປະກາດສ້າງຕັ້ງລະບອບສາທາລະນະລັດ ປະຊາທິປະໄຕ ປະຊາຊົນລາວຂຶ້ນ ໃນວັນ 2 ທັນວາ ປີ 1975 ອັນໄດ້ໄຂສັງກາດໃໝ່ຂອງການປະຕິວັດຢູ່ປະເທດເຮົາ.ຕະຫຼອດໄລຍະ 50 ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ພັກເຮົາກໍ່ໄດ້ປະເຊີນໜ້າກັບການໂຄສະນາປັ່ນປ່ວນໂຈມຕີຂອງກຸ່ມຄົນບໍ່ຫັວງດີ, ພວກເຂົາໄດ້ໂຄສະນາໃສ່ຮ້າຍປ້າຍສີຕໍ່ແນວທາງນະໂຍບາຍຂອງພັກເຮົາດ້ວຍຫຼາຍຮູບການ, ຫຼາຍວິທີການທາງດ້ານເສດຖະກິດ, ການເມືອງ, ການທະຫານ ແລະ ໄດ້ຮັບຜົນກະທົບທ້າທ້າຍທົດສອບຕ່າງໆຈາກສະພາບການສາກົນ ແລະ ພາກພື້ນ.ແຕ່ດ້ວຍຄວາມສະຫຼຽວສະຫຼາດອັນສ່ອງໃສຂອງພັກບວກກັບນ້ຳໃຈຮັກຊາດຂອງພະນັກງານທະຫານ,ຕຳຫຼວດ, ຕະຫຼອດຮອດປະຊາຊົນລາວບັນດາເຜົ່າທັງໄດ້ຮັບການເປີດກວ້າງການພົວພັນກັບເພື່ອນມິດສາກົນ, ພົວພັນສະໜິດແໜ້ນພິເສດກັບເພື່ອນມິດຍຸດທະສາດ ແລະ ເຮັດໃຫ້ປະເທດຊາດຂອງພວກເຮົາມີສະຖຽນລະພາບທາງດ້ານການເມືອງທີ່ດີ, ເສດຖະກິດ, ວັດທະນະທຳ-ສັງຄົມຂະຫຍາຍຕົວ, ດ້ານວຽກງານປ້ອງກັນຊາດ-ປ້ອງກັນຄວາມສະຫງົບກໍ່ໄດ້ຮັບການປັບປຸງດີຂຶ້ນກວ່າເກົ່າ. ພ້ອມນັ້ນສະຫາຍຍັງຍົກໃຫ້ເຫັນຜົນງານການເຄື່ອນໃຫວຂອງໂຮງຮຽນ ເຊິງເປັນໂຮງຮຽນໜຶ່ງທີ່ພັກ-ລັດໄດ້ສ້າງຕັ້ງຂຶ້ນ ແລະ ມີບົດບາດໜ້າທີ່ສຶກສາອົບຮົມກໍ່ສ້າງຊັບພະຍາກອນມະນຸດ, ສະໜອງໃຫ້ແກ່ກອງທັບ ແລະ ໄດ້ປະກອບສ່ວນສ້າງຜົນງານລວມຢ່າງຫຼວງຫຼາຍອັນພົ້ນເດັ່ນແມ່ນສ້າງນາຍທະຫານຊັ້ນກາງ, ຊັ້ນຕົ້ນ, ກໍ່ສ້າງນາຍສິບທະຫານຮາບ, ບຳລຸງການທະຫານຂັ້ນພື້ນຖານປະກອບໃຫ້ກຳລັງຫຼວງ ແລະ ກຳລັງທ້ອງຖິ່ນມາແລ້ວຫຼາຍຊຸດ ແລະ ຍັງໄດ້ປະສານສົມທົບແໜ້ນກັບອົງການປົກຄອງທ້ອງຖິ່ນບ້ານອອ້ມຂ້າງເພື່ອສືບຕໍ່ປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ, ຕັ້ງໜ້າປະກອບສ່ວນປັບປຸງກໍ່ສ້າງໂຮງຮຽນໃຫ້ມີຄວາມສີວິໄລຂຶ້ນເປັນກ້າວໆ. ຈາກນັ້ນ, ກໍ່ໄດ້ສ້າງຂະບວນການກິລາບານເຕະ ລະຫວ່າງ ທີມຄະນະພັກ-ຄະນະບັນຊາໂຮງຮຽນ ກັບ ທີມສະຫະພັນແມ່ຍິງໂຮງຮຽນ ຜົນຂອງການແຂ່ງຂັ້ນ ທີມຂອງຄະນະພັກ-ຄະນະບັນຊາ ເອົາຊະນະ ທີມສະຫະພັນແມ່ຍິງ 4 ປະຕູ ຕໍ່ 3. ໂດຍ: ຮ.ອ ນ້ອຍຈັນໄພ ແກ້ວວັນເຮືອງ

news to day and hot news