POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ຫຼາຍພາກສ່ວນ ມອບເຄື່ອງຊຸກຍູ້ກ້ອນສວນສະໜາມ ຂອງກຳລັງປ້ອງກັນຊາດ
ເວລາອອກຂ່າວ: 2025-12-04 09:19:12 | ຜູ້ຂຽນ : admin1 | ຈຳນວນຄົນເຂົ້າຊົມ: 545 | ຄວາມນິຍົມ:

ນັບແຕ່ກາງເດືອນພະຈິກເປັນຕົ້ນມາ, ໄດ້ມີຫຼາຍພາກສ່ວນ ນຳເອົາເຄື່ອງອຸປະໂພກ-ບໍລິໂພກ ມາມອບໃຫ້ບັນດາກ້ອນກຳລັງສວນສະໜາມຂອງກຳລັງປ້ອງ ກັນຊາດ ທີ່ພວມຫັດແອບເຝິກ ຊ້ອມເດີນສວນສະໜາມ ເພື່ອກະ ກຽມເຂົ້າຮ່ວມສະເຫຼີມສະຫຼອງວັນສະຖາປະນາ ສປປ ລາວ ຄົບ ຮອບ 50 ປີ. ໃນນີ້, ທ່ານ ປໍຢ່າງ ວື່ຈົ່ງຊື່ ຮອງປະທານຄະນະກຳມະການປົກຄອງເມືອງ ເມືອງທຸລະຄົມ ແຂວງວຽງຈັນ ພ້ອມດ້ວຍອຳ ນາດການປົກຄອງບ້ານນາຫວ້າ, ບ້ານນາແພງ, ກຸ່ມພັດທະນາ ກຸ່ມ III ບ້ານນາແພງ, ບັນດາຫ້າງຮ້ານ, ບໍລິສັດ, ໂຮງຮຽນບຸກຄົນ ແລະ ນິຕິບຸກຄົນ ໄດ້ນຳເອົາເຄື່ອງບໍລິໂພກປະກອບມີນໍ້າດື່ມ, ກາເຟ, ໝີ່, ເຂົ້າຈີ່ ແລະ ອາຫານແຫ້ງ ຈຳນວນໜຶ່ງ ລວມມູນຄ່າທັງໝົດ 3.250.000 ກີບ, ໄປມອບປະກອບສ່ວນຊຸກຍູ້ ແລະ ໃຫ້ກຳລັງໃຈ ພະນັກງານ-ນັກຮົບ ໃນກ້ອນກຳລັງຕີພິເສດຂອງກອງພັນໃຫຍ່ 497, ບໍລິສັດ ເຂື່ອນໄຟຟ້ານໍ້າງື່ມ 1 ແລະ ບໍລິ ສັດເຂື່ອນໄຟຟ້ານໍ້າທັງ 3 ໄດ້ມອບນ້ຳດື່ມ ແລະ ກາເຟ ລວມ ມູນຄ່າ 3.000.000 ລ້ານກີບ ໃຫ້ກອງພັນໃຫຍ່ 497 ເພື່ອນຳ ໄປມອບຕໍ່ໃຫ້ພະນັກງານ-ນັກຮົບ ໃນກ້ອນສວນສະໜາມກຳລັງຕີພິເສດ, ໂຮງສີເຂົ້າ ທ່ານ ຄຳໝັ້ນ ເມືອງຫານ ບ້ານຕານປ່ຽວ ມອບນໍ້າດື່ມ 50 ແພັກ ມູມຄ່າ 1.500.000 ກີບ ແລະ ໂຮງສີເຂົ້າ ທ່ານ ອຸໄລພອນ ມະໂນທຳ ບ້ານໄຮ່ຢອນ ມອບນໍ້າດື່ມ 50 ແພັກ ພ້ອມກາເຟ 1 ແກັດ ລວມມູນຄ່າ 2.340.000 ກີບ ໃຫ້ກ້ອນສວນສະໜາມ ກຳລັງຕີພິ ເສດ ເຊັ່ນດຽວກັນ. ສ່ວນທ່ານ ນາງ ຄອນສະຫວັນ ແກ້ວມະນີ ແລະ ນາງ ຄຳພັນ ສຸດາວັນ ໄດ້ມອບເຄື່ອງດື່ມຊູກຳ ລັງ ແລະ ເຂົ້າໜົມ ລວມມູນຄ່າທັງໝົດ 4.000.000 ກີບ, ຄອບ ຄົວຂອງ ສະຫາຍ ພັນໂທ ສີທົນ ມີໄຊຜົນ ມອບເຄື່ອງດື່ມຊູກຳລັງ, ເຂົ້າໜົມ 5 ປິດ ແລະ ເງິນສົດຈຳ ນວນ 2.000.000 ກີບ ລວມທັງໝົດ 2.500.000 ກີບ ແລະ ອົງການຈັດຕັ້ງມະຫາຊົນ ຊາວໜຸ່ມ-ແມ່ຍິງ ກອງພັນໃຫຍ່ 605 ມອບເຂົ້າຜັດ ແລະ ນໍ້າຫວານ ລວມມູນຄ່າ 2.550.000 ກີບ ໃຫ້ກ້ອນກຳລັງສວນສະໜາມ ກອງພັນໃຫຍ່ 605 ກໍຄື ກ້ອນກຳລັງທະຫານປືນໃຫຍ່ໜ້າດິນ. ທັງນີ້, ກໍເພື່ອເປັນການປະ ກອບສ່ວນຊຸກຍູ້ກຳລັງແຮງກາຍ, ກຳລັງແຮງໃຈ ພະນັກງານ-ນັກ ຮົບກ້ອນສວນສະໜາມຂອງກຳ ລັງປ້ອງກັນຊາດ ກໍຄື ກ້ອນທະ ຫານຕີພິເສດ ແລະ ກ້ອນທະ ຫານປືນໃຫຍ່ໜ້າດິນ ທີ່ພວມເຝິກຊ້ອມເດີນສວນສະໜາມໃຫ້ມີຄວາມກະຕືລືລົ້ນ, ມີນໍ້າໃຈບຸກບືນຫ້າວຫັນ, ອົດທົນຜ່ານຜ່າຄວາມຫຍຸ້ງຍາກ ຕະຫຼອດໄລຍະການຫັດແອບ ເພື່ອຮັບປະກັນໃຫ້ແກ່ການເຂົ້າຮ່ວມສວນສະໜາມ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ໃຫ້ໄດ້ຮັບໝາກຜົນສູງ.

news to day and hot news