ວັນພຸດ, ວັນທີ 21 ມັງກອນ 2026
ບໍລິສັດ ຮ່ວມມືເສດຖະກິດ 385 ເຂົ້າອວຍພອນການນຳທະຫານເເຂວງອັດຕະປື
ເວລາອອກຂ່າວ: 2025-12-04 09:13:08 | ຜູ້ຂຽນ : admin1 | ຈຳນວນຄົນເຂົ້າຊົມ: 568 | ຄວາມນິຍົມ: 
ເນື່ອງໃນໂອກາດວັນຊາດທີ 2 ທັນວາ ຄົບຮອບ 50 ປີ (2 ທັນວາ 1975-2 ທັນວາ 2025) ສະຫາຍ ພັນໂທ ຫງວຽນ ເຕີ໋ດ ເຢີ່ນ ຮອງອຳນວຍການ ບໍລິສັດ ຮ່ວມມືເສດຖະກິດ 385 ປະຈຳແຂວງອັດຕະປື ພ້ອມຄະນະ, ໄດ້ນຳເອົາກະຕ່າຂອງຂວັນ ເຂົ້າອວຍພອນການນຳກອງບັນຊາການທະຫານເເຂວງອັດຕະປື, ໃນວັນທີ 1 ທັນວາ 2025 ນີ້, ໂດຍການຕ້ອນຮັບຂອງ ສະຫາຍ ພັນເອກ ບຸນຈັນ ສີຫາວົງ ຮອງປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງ ຫົວໜ້າການທະຫານ ກອງບັນຊາການທະຫານແຂວງອັດຕະປື, ພ້ອມດ້ວຍຄະນະ.
ສະຫາຍ ພັນໂທ ຫງວຽນ ເຕີ໋ດ ເຢີ່ນ ຮອງອຳນວຍການ ບໍລິສັດ ຮ່ວມມືເສດຖະກິດ 385 ໄດ້ກ່າວອວຍພອນໄຊອັນປະເສີດມາຍັງ ຄະນະພັກ-ຄະນະບັນຊາ ກອງບັນຊາການທະຫານເເຂວງອັດຕະປື, ຕະຫຼອດຮອດນາຍ ແລະ ພົນທະຫານ ຈົ່ງມີສຸຂະພາບເຂັ້ມແຂງ ພ້ອມກັນເຮັດສຳເລັດທຸກໜ້າທີ່ວຽກງານທີ່ພັກ-ລັດມອບໝາຍໃຫ້ ແລະ ພ້ອມກັນເອົາໃຈໃສ່ປັບປຸງກໍ່ສ້າງກົມກອງຂອງຕົນໃຫ້ເຕີບໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ.
ໂອກາດດຽວກັນນີ້ ສະຫາຍ ພັນເອກ ບຸນຈັນ ສີຫາວົງ ກໍໄດ້ຕາງໜ້າໃຫ້ຄະນະພັກ-ຄະນະບັນຊາ ພະນັກງານການນຳແຕ່ລະຂັ້ນ, ພະນັກງານ-ນັກຮົບທົ່ວກອງບັນຊາການທະຫານເເຂວງອັດຕະປື ສະແດງຄວາມຂອບໃຈມາຍັງສະຫາຍ ພັນໂທ ຫງວຽນ ເຕີ໋ດ ເຢີ່ນ ພ້ອມຄະນະ ທີ່ເຫັນໄດ້ຄວາມໝາຍຄວາມສຳຄັນຂອງວັນດັ່ງກ່າວ ພ້ອມທັງອວຍພອນໃຫ້ສະຫາຍ ຈົ່ງມີສຸຂະພາບແຂງ
ແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ສືບຕໍ່ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອຄວາມສາມັກຄີແບບພິເສດໃນການຮ່ວມມືຮອບດ້ານລະຫວ່າງສອງພັກ-ລັດ ກໍຄື ສອງກອງທັບທີ່ມີດົນນານແລ້ວນັ້ນໃຫ້ໝັ້ນຄົງທະນົງແກ່ນຕະຫຼອດໄປ.
ພາບ-ຂ່າວ: ສຸກສະໄໝ ນວນມະລິນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
