ວັນພຸດ, ວັນທີ 21 ມັງກອນ 2026
ຫົວໜ້າຫ້ອງການໂຍທາທິການ ແລະ ຂົນສົ່ງເມືອງຮຸນ ຢ້ຽມຢາມກອງພັນ 563 ກອງພົນທີ 3
ເວລາອອກຂ່າວ: 2025-12-04 09:07:37 | ຜູ້ຂຽນ : admin1 | ຈຳນວນຄົນເຂົ້າຊົມ: 533 | ຄວາມນິຍົມ: 
ໃນຕອນບ່າຍວັນທີ 27 ພະຈິກ 2025 ນີ້, ຢູ່ທີ່ຫ້ອງປະຊຸມກອງພັນ 563 ກອງພົນທີ 3 ໄດ້ຕ້ອນຮັບການລົງຢ້ຽມຢາມຂອງຫ້ອງການໂຍທາທິການ ແລະ ຂົນສົ່ງເມືອງຮຸນນຳໂດຍ ສະຫາຍຈັນເພັງ ມະນີວັນ ກຳມະການພັກເມືອງ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງຮຸນ ແຂວງອຸດົມໄຊ ພ້ອມຄະນະທິມງານ, ໂດຍການຕ້ອນຮັບຂອງ ສະຫາຍ ພັນໂທ ໜູພຽນ ສົມພູວິເສດ ເລຂາຄະ ນະພັກຮາກຖານຫົວໜ້າການ ເມືອງກອງພັນ 563 ພ້ອມດ້ວຍ ຄະນະພັກ-ຄະນະບັນຊາ, ການລົງຢ້ຽມຢາມໃນຄັ້ງນີ້ ສະຫາຍ ຈັນເພັງ ມະນີວັນ ກໍໄດ້ນຳເອົາ ກະຕ່າຂອງຂວັນ ພ້ອມດ້ວຍ ຄວາມຢື້ຢາມຖາມຂ່າວ ຄວາມສາມັກຄີຮັກແພງອັນອົບອຸ່ນ ແລະ ອວຍພອນໄຊອັນປະເສີດມາຍັງຄະນະພັກ-ຄະນະບັນຊາ, ພະນັກງານ-ນັກຮົບກອງພັນ 563 ຈົ່ງມີສຸຂະພາບແຂງແຮງ ເຮັດສຳເລັດໜ້າທີ່ອັນມີກຽດຂອງຕົນທີ່ປະເທດຊາດມອບໝາຍໃຫ້, ໃນພິທີທັງ 2 ກົມກອງກໍຍັງໄດ້ຜັດປ່ຽນກັນລາຍງານສະພາບການເຄື່ອນໄຫວໃນການຈັດຕັ້ງປະຕິບັດໜ້າທີ່ວຽກງານຂອງກົມກອງຕະຫຼອດໄລຍະ 1 ປີຜ່ານມາ, ເພື່ອແລກປ່ຽນຖອດຖອນບົດຮຽນເຊິ່ງກັນ ແລະ ກັນ ເຮັດໃຫ້ການພົວພັນວຽກລະຫວ່າງ 2 ກົມກອງມີຄວາມສະດວກຂຶ້ນກວ່າເກົ່າ.
ທັງນີ້ກໍເພື່ອເປັນການເສີມສ້າງສາຍພົວພັນຄວາມສາມັກຄີທີ່ດີລະຫວ່າງກອງພັນ 563 ກອງ ພົນທີ 3 ກັບຫ້ອງການໂຍທາທິການ ແລະ ຂົນສົ່ງເມືອງຮຸນ ແຂວງອຸດົມໄຊໃຫ້ນັບມື້ແໜ້ນແຟ້ນຂຶ້ນກວ່າເກົ່າ.
ໂດຍ: ອຳໄພ ສຸວັນນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
