POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ພາຍໃຕ້ການຊີ້ນຳ-ນຳພາຂອງພັກ 50 ປີຜ່ານມາ ປະເທດຊາດມີການພັດທະນາດ້ວຍບາດກ້າວອັນໜັກແໜ້ນ
ເວລາອອກຂ່າວ: 2025-11-28 10:16:10 | ຜູ້ຂຽນ : admin3 | ຈຳນວນຄົນເຂົ້າຊົມ: 751 | ຄວາມນິຍົມ:

ຊາວລາວເຮົາ ໄດ້ມີປະ ຫວັດສາດອັນອົງອາດກ້າຫານມາຫຼາຍພັນປີ ໃນການຕໍ່ສູ້ຕ້ານການຮຸກຮານຂອງສັດຕູພາຍນອກ ແລະ ມີການສ້າງສາພັດ ທະນາຕະຫຼອດມາ, ຈາກມູນເຊື້ອດັ່ງກ່າວ ປະຊາຊົນບັນດາເຜົ່າ ພາຍໃຕ້ການນຳພາຂອງພັກປະ ຊາຊົນປະຕິວັດລາວ ສາມາດຕໍ່ສູ້ຢ່າງພິລະອາດຫານ ຕ້ານການຮຸກຮານ ແລະ ການຄອບຄອງຂອງພວກຈັກກະພັດລ່າເມືອງຂຶ້ນແບບເກົ່າ ແລະ ໃໝ່ ສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສ້າງຕັ້ງສາທາລະນະລັດປະ ຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ໂດຍສ້າງລັດທີ່ມາຈາກປະຊາຊົນ ແລະ ແມ່ນລັດແຫ່ງອຳນາດປະຊາຊົນ ເພື່ອປະຊາຊົນ, ແມ່ນວັນແຫ່ງການກ້າວສູ່ຍຸກສະໄໝໃໝ່ແຫ່ງການສ້າງ ສປປ ລາວ ແລະ ປະທານ ໄກສອນ ພົມວິຫານ ໄດ້ຕີລາຄາ ໃນວັນທີ 2 ທັນວາ 1975 ວ່າ: ບໍ່ທັນມີເວລາໃດທີ່ປະຊາຊົນເຮົາ ເຊິ່ງເປັນຜູ້ສ້າງປະຫວັດສາດຂອງຊາດ ໄດ້ຍາດເອົາໄຊຊະນະສົມບູນ, ເຖິງຖ່ອງ ແລະ ບໍລິບູນໄດ້ຢ່າງສະຫງ່າລາສີຄືແນວນີ້ຈັກເທື່ອ. ໄຊຊະນະນັ້ນ ບໍ່ສະເພາະແຕ່ໄດ້ຟື້ນຟູຄວາມເປັນເອກະລາດຂອງປະເທດເຮົາ, ຫາກຍັງເປັນຄັ້ງທຳອິດ ທີ່ປະຊາຊົນບັນດາຊົນຊາດເຮົາ ຜູ້ເຄີຍດຳລົງຊີວິດເປັນທາດ ໄດ້ກາຍມາເປັນເຈົ້າຂອງຢ່າງແທ້ຈິງຂອງຊາດໜຶ່ງ ທີ່ມີເອກະລາດ, ມີອິດສະຫຼະພາບຢ່າງສົມບູນ ແລະ ພວມກ້າວຂຶ້ນສູ່ສັງຄົມນິຍົມ, ເຮັດໃຫ້ ຄວາມມຸ້ງຫວັງອັນແຮງກ້າຂອງປວງຊົນລາວ ກໍຄືຂອງມວນມະນຸດ ປະ ກົດເປັນຈິງຢູ່ບົນຜືນແຜ່ນດິນອັນແສນຮັກຂອງພວກເຮົາ. ເນື່ອງໃນໂອກາດ ວັນປະຫວັດ ສາດສຳຄັນຕ່າງໆ ປີ 2025 ນີ້, ເວົ້າສະເພາະແມ່ນ ວັນຊາດທີ 2 ທັນວາ ຄົບຮອບ 50 ປີ ແລະ ວັນ ຄ້າຍວັນເກີດຂອງ ປະທານ ໄກ ສອນ ພົມວິຫານ ຄົບຮອບ 105 ປີ ທີ່ຈະມາເຖິງນີ້, ສະຫາຍ ພັນເອກ ຄິດສະຫງວນ ທິບພະວົງ ຮອງອຳນວຍການ ລັດວິສາຫະກິດ ລາວ-ເອເຊຍ ໂທລະຄົມ ໄດ້ໃຫ້ທັດສະນະຕໍ່ວັນສຳຄັນດັ່ງກ່າວວ່າ: ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນແລ້ວ ຕະຫຼອດ 50 ປີ ແຫ່ງການປະ ຕິບັດສອງໜ້າທີ່ຍຸດທະສາດ ປົກປັກຮັກສາ ແລະ ສ້າງສາປະເທດຊາດ, ພັກ-ລັດ ໄດ້ນຳພາປະເທດຊາດ ຮັບປະກັນ ແລະ ຮັກສາໄດ້ ສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ຢ່າງໜັກແໜ້ນ, ມີຄວາມເປັນເອກະລາດ, ອຳນາດອະທິປະໄຕ ແລະ ມີຜືນແຜ່ນດິນອັນຄົບຖ້ວນ ເຊິ່ງໝາກຜົນຂອງການປະຕິວັດ ແລະ ບົດບາດການ ນຳພາຂອງພັກ ນັບມື້ນັບໜັກແໜ້ນ, ເຂັ້ມແຂງ ໃນນັ້ນ, ແນວທາງ ແລະ ໜ້າທີ່ ປກຊ-ປກສ ທົ່ວປວງຊົນຮອບດ້ານ ກໍໄດ້ຮັບ ການຈັດຕັ້ງປະຕິບັດຕິດພັນກັບ ການກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ແລະ ລົບລ້າງຄວາມທຸກ ຍາກຕາມ 4 ເນື້ອໃນ 4 ຄາດໝາຍ, ຂົງເຂດພັດທະນາເສດຖະກິດ-ສັງຄົມ ໄດ້ຮັບການພັດທະນາເຮັດໃຫ້ເສດຖະກິດເຕີບໂຕ ແລະ ມີທ່າຂະ ຫຍາຍຕົວ ດີຂຶ້ນຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງ ແລະ ຍົກລະດັບດີຂຶ້ນເປັນກ້າວໆມາ. ສະຫາຍ ພັນເອກ ຄິດສະຫງວນ ທິບພະວົງ ໃຫ້ຮູ້ຕື່ມອີກວ່າ: ສຳ ລັບລັດວິສາຫະກິດ ລາວ-ເອເຊຍ ໂທລະຄົມໂດຍໄດ້ຮັບການມອບ ໝາຍຈາກ ພັກ-ລັດ, ໂດຍສະເພາະ ກະຊວງປ້ອງກັນປະເທດ ໃນການດຳເນີນທຸລະກິດໂທລະຄົມ ມະນາຄົມ ເປັນສ່ວນໜຶ່ງສຳຄັນແກ່ການພັດທະນາເສດຖະກິດ-ສັງຄົມ ແລະ ຮັບປະກັນໃຫ້ແກ່ ວຽກງານ ປກຊ-ປກສ ໃນໄລຍະ ຜ່ານມາ ເຫັນວ່າປະສົບຜົນສຳ ເລັດ ແລະ ສ້າງລາຍຮັບໃນລະດັບອັນແນ່ນອນ ຫຼາຍສົມຄວນ. ປັດ ຈຸບັນ, ລັດວິສາຫະກິດ ລາວ-ເອເຊຍ ໂທລະຄົມ ໄດ້ຮັບຄວາມໄວ້ ວາງໃຈຈາກ ພັກ-ລັດ, ຕາງໜ້າ ລັດຖະບານ ເຂົ້າໄປຖືຮຸ້ນຢູ່ບໍລິ ສັດຮຸ້ນສ່ວນທ່າເຮືອສາກົນ ລາວ- ຫວຽດນາມໃນການເຂົ້າຮ່ວມ ພັດທະນາທ່າທຽບເຮືອຫວຸ້ງອ່າງ ຢູ່ແຂວງຮ່າຕິ່ງ ສສ ຫວຽດນາມ, ເຊິ່ງໃນທ້າຍປີ 2025 ນີ້, ລັດວິສາຫະກິດຂອງພວກເຮົາ ຈະຕາງໜ້າໃຫ້ລັດຖະບານ ສປປ ລາວ ຖືຮຸ້ນໃຫຍ່ 60%. ນອກຈາກນີ້, ລັດວິສາຫະກິດ ລາວ-ເອເຊຍ ໂທລະຄົມ ຍັງໄດ້ຄົ້ນຄວ້າດຳເນີນທຸລະກິດຂົງເຂດບໍລິການຄົບວົງຈອນ ຕາມທິດຊີ້ນຳຂອງກະຊວງປ້ອງກັນປະເທດ ເພື່ອຊອກທ່າ ແຮງແຫຼ່ງລາຍຮັບອື່ນ ເພື່ອສ້າງ ຄວາມ ເຂັ້ມແຂງ, ເພິ່ງຕົນເອງ, ເປັນເຈົ້າ ຕົນເອງ ເປັນຕົ້ນ ການດຳເນີນທຸລະກິດ,ໂຮງແຮມ, ລີສອດ, ສະໜາມກ໋ອບ, ຮ້ານອາ ຫານ ແລະ ຂົງເຂດອື່ນໆ. ພ້ອມນີ້, ໃນຕໍ່ໜ້າລັດວິສາຫະກິດ ລາວ-ເອເຊຍ ໂທລະຄົມ ຈະໄດ້ສຸມໃສ່ທຸກກຳລັງແຮງບົ່ມ ຊ້ອນໃນການຜັນຂະຫຍາຍຕາມ ເນື້ອໃນຈິດໃຈ ເສດຖະກິດເອກະລາດ ເປັນເຈົ້າຕົນເອງ, ທາງລັດວິສາຫະກິດ ລາວ-ເອເຊຍ ໂທລະຄົມ ຈະໄດ້ສຶກສາຄວາມເປັນໄປໄດ້ ທີ່ຈະມີການຮ່ວມມື ລະຫວ່າງ ຫົວໜ່ວຍລັດວິສາຫະກິດທີ່ຂຶ້ນກັບກອງທັບ ແລະ ບັນດາລັດວິສາຫະກິດ ຂອງບັນດາປະເທດເພື່ອນມິດຍຸດທະສາດ ຄົ້ນຄວ້າຄວາມເປັນໄປໄດ້ ໃນການຮ່ວມມືກັນສ້າງເຂດໂລກິດຕິກ, ການຂົນສົ່ງ ແລະ ຂົງເຂດອື່ນໆ ຕາມທິດຊີ້ນຳຂອງກະຊວງປ້ອງກັນປະເທດ. ເນື່ອງໃນໂອກາດ ວັນຊາດທີ 2 ທັນວາ ຄົບຮອບ 50 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 105 ປີ ທີ່ຈະມາເຖິງນີ້, ສະຫາຍ ພັນເອກ ຄິດສະຫງວນ ທິບພະວົງ ໄດ້ຕາງໜ້າໃຫ້ຄະນະອຳນວຍການລັດວິສາຫະກິດ ລາວ-ເອເຊຍ ໂທລະຄົມ, ພະນັກງານຫຼັກແຫຼ່ງ ແລະ ບຸກຄະລາກອນ ທົ່ວລັດວິສາຫະກິດ ລາວ-ເອເຊຍ ໂທລະຄົມ ສະແດງຄວາມຮູ້ບຸນຄຸນມາຍັງການນຳພັກ-ລັດ, ການນຳ ກະຊວງປ້ອງກັນປະເທດທີ່ໄດ້ຊີ້ນຳ-ນຳພາລັດວິສາຫະກິດລາວ-ເອເຊຍ ໂທລະຄົມເຕີບໃຫຍ່ຂະຫຍາຍຕົວເປັນກ້າວໆມາ, ພ້ອມທັງອວຍພອນໄຊອັນປະເສີດ ໃຫ້ການນຳພັກ-ລັດ, ການນຳກະຊວງປ້ອງກັນປະເທດ, ພະນັກງານປະຕິວັດອາວຸໂສບຳນານ, ຕະຫຼອດເຖິງປະຊາຊົນບັນດາເຜົ່າ ໃນທົ່ວປະເທດ, ນາຍ ແລະ ພົນທະຫານ ໃນທົ່ວກອງທັບ, ຈົ່ງມີ ສຸຂະພາບແຂງແຮງ ພ້ອມກັນສະເຫຼີມສະຫຼອງວັນຊາດທີ 2 ທັນວາ ຄົບຮອບ 50 ປີ ແລະ ວັນຄ້າຍວັນເກີດຂອງ ປະທານ ໄກສອນ ພົມວິຫານ ຄົບຮອບ 105 ປີ ໃຫ້ເປັນຂະບວນການຟົດຟື້ນກວ້າງຂວາງ. ໂດຍ: ບິກໄຊ (ວິທະຍຸກອງທັບ)

news to day and hot news