ວັນສຸກ, ວັນທີ 05 ທັນວາ 2025
ທະຫານແຂວງຄຳມ່ວນ ດຳເນີນການສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V ປີ 2025
ເວລາອອກຂ່າວ: 2025-11-06 08:58:25 | ຜູ້ຂຽນ : admin1 | ຈຳນວນຄົນເຂົ້າຊົມ: 411 | ຄວາມນິຍົມ: 
ວັນທີ 3 ພະຈິກ 2025, ກອງບັນຊາການທະຫານແຂວງຄຳມ່ວນ ໄດ້ດຳເນີນການສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V ປີ 2025, ນຳພາໂດຍ ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານກອງບັນຊາການທະຫານແຂວງຄຳມ່ວນ, ມີວິຊາການນັກເດີນສຳຫຼວດທີ່ໄດ້ຮັບການແຕ່ງຕັ້ງຈາກອົງການ 5 ຫ້ອງ ກອງບັນຊາການທະຫານແຂວງຄຳມ່ວນ ເຂົ້າຮ່ວມ.
ການດຳເນີນການສຳຫຼວດພົນລະເມືອງ ແລະ ທີ່ຢູ່ອາໄສຂອງພະນັກງານ-ນັກຮົບ ໃນທົ່ວທະຫານແຂວງຄຳມ່ວນ ຄັ້ງນີ້ ປະກອບ ມີ 4 ຈຸ, ມີ 16 ສະ ຫາຍ, ເຊິ່ງການສຳຫຼວດພົນລະເມືອງຄັ້ງນີ້ ແມ່ນມີຄວາມສຳຄັນຫຼາຍເພາະຈະເປັນແຫຼ່ງຂໍ້ມູນຕົ້ນຕໍກ່ຽວກັບຂະໜາດ, ການແຈກຢາຍ ແລະ ອົງປະກອບຂອງພົນລະເມືອງ, ລວມທັງຄຸນລັກສະນະທາງດ້ານເສດຖະກິດ ແລະ ສັງຄົມອື່ນໆ, ຈຸດປະສົງ ກໍເພື່ອສະໜອງຂໍ້ມູນທີ່ໄດ້ຮັບການປັບປຸງໃໝ່ ເຊິ່ງມີຄວາມຈຳເປັນສຳລັບການວາງແຜນການພັດທະນາ, ຮັບໃຊ້ວຽກງານການບໍລິຫານ, ການຕັດສິນໃຈດ້ານນະໂຍບາຍ ແລະ ການຄົ້ນຄວ້າວິໄຈລົງເລິກຕ່າງໆ, ການສຳຫຼວດພົນລະ
ເມືອງລາວ ແລະ ທີ່ຢູ່ອາໄສ ປີ 2025 ແມ່ນເພື່ອເກັບກຳຂໍ້ມູນທີ່ສຳຄັນ, ຂະໜາດ, ຄຸນລັກສະນະ ແລະ ການແຈກຢາຍຂອງພົນລະເມືອງ, ລະດັບການສຶກສາຂອງພົນລະເມືອງ, ຂະໜາດ ແລະ ຄຸນລັກສະນະຂອງກຳລັງແຮງງານ, ອັດຕາຄວາມເປັນພິການຂອງພົນລະເມືອງ, ລະດັບການຈະເລີນພັນ, ການຕາຍ ແລະ ການຍົກຍ້າຍ, ອັດຕາ ແລະ ຮູບແບບການຫັນເປັນຕົວເມືອງ, ສະພາບທີ່ຢູ່ອາໄສ, ສິ່ງອຳນວຍຄວາມສະດວກ ແລະ ຊັບສິນຂອງຄົວເຮືອນ, ການມີສ່ວນຮ່ວມຂອງພົນລະເມືອງ ໃນການຜະລິດກະສິກຳ.
ສະຫາຍ ພັນເອກ ບຸນເລີດ ບຸບຜາວັນ ຍັງເນັ້ນໜັກໃຫ້ນັກເດີນສຳຫຼວດທີ່ຈະລົງເຮັດໜ້າທີ່ເດີນສຳຫຼວດຮັກສາຄວາມສາມັກຄີກັນ ເອົາໃຈໃສ່ຍົກສູງຄວາມ ຮັບຜິດຊອບຕໍ່ໜ້າທີ່ວຽກງານ, ຕ້ອງຮັບປະກັນການບັນທຶກຈົດກ່າຍໃຫ້ຖືກຕ້ອງຊັດເຈນ, ບັນລຸໄດ້ຕາມຄາດໝາຍທີ່ວາງໄວ້ ແລະ ໄດ້ຮັບຜົນສຳເລັດ.
ໂດຍ: ເກດມະນີ ສຸວັນນະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
