POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 05 ທັນວາ 2025

ຮັບປະກັນວັດຖຸອຸປະໂພກ-ບໍລິໂພກ ໃຫ້ແກ່ກອງທັບ
ເວລາອອກຂ່າວ: 2025-11-05 08:59:51 | ຜູ້ຂຽນ : admin1 | ຈຳນວນຄົນເຂົ້າຊົມ: 493 | ຄວາມນິຍົມ:

ກົມອຸປະໂພກ-ບໍລິໂພກ ແມ່ນກົມໜຶ່ງທີ່ຂຶ້ນກັບກົມໃຫຍ່ພະລາທິການກອງທັບ ແລະ ກະຊວງປ້ອງກັນປະເທດ, ເປັນເສນາທິການຊ່ວຍວຽກໃຫ້ກົມໃຫຍ່ພະລາທິການກອງທັບ ກໍຄື ກະຊວງປ້ອງກັນປະເທດ ກ່ຽວກັບວຽກງານຮັບປະກັນລ້ຽງດູທັບ ທາງດ້ານການກິນຢູ່, ນຸ່ງຖື, ເປັນອົງກອນສູງສຸດຂອງເຫຼົ່າຮົບວິຊາສະເພາະ ອຸປະໂພກ-ບໍລິໂພກໃນທົ່ວກອງທັບ, ມີບົດບາດຈັດຕັ້ງຮັບປະກັນການກິນຢູ່, ນຸ່ງຖື ແລະ ວັດຖຸອຸປະໂພກ-ບໍລິໂພກຕາມລະບອບອັດຕາໃຫ້ກອງທັບໃນທຸກກໍລະນີ, ປະກອບສ່ວນໃນການຮັກສາສຸຂະພາບ, ປຸກລະດົມນໍ້າໃຈສູ້ຮົບ, ນໍ້າໃຈຟົດຟື້ນປະຕິ ວັດ, ຮັກສາລະບຽບວິໄນຂອງນາຍ ແລະ ພົນທະຫານໃນກອງ ທັບ, ປະກອບສ່ວນເຂົ້າໃນການກໍ່ສ້າງກອງທັບ ເປັນກອງທັບປະຕິວັດ ມີແບບແຜນ ແລະ ທັນສະໄໝເທື່ອລະກ້າວ. ສະຫາຍ ພົນຈັດຕະວາ ສອນໄຊ ວົງພະຈັນ ຫົວໜ້າກົມອຸປະໂພກ-ບໍລິໂພກ ກົມໃຫຍ່ພະລາທິການກອງທັບ ໃຫ້ສຳພາດວ່າ: ໃນໄລຍະຜ່ານມາ ກົມອຸປະໂພກ-ບໍລິໂພກ ຍັງໄດ້ປັບປຸງບັນດາຫົວໜ່ວຍໂຮງຈັກ-ໂຮງງານທີ່ຂຶ້ນກັບ ຄື: ໂຮງງານຕັດຫຍິບ ເລກ 1 ກອງທັບ, ໂຮງງານເກີບທັນວາ, ໂຮງງານຕໍ່າແຜ່ນ ແລະ ຍ້ອມສີ ລາວ-ຫວຽດນາມ, ໂຮງສີເຂົ້າກອງທັບ, ໂຮງງານຜະລິດເຂົ້າແຫ້ງ, ໂຮງງານເສັ້ນດ້າຍ ແລະ ເກີບໜັງ, ສາງອຸປະໂພກ-ບໍລິໂພກ, ບໍລິສັດປະສົມຮ່ວມທຸ ລະກິດ 20 ມັງກອນ, ຈັດຕັ້ງຮັບ ປະກັນວັດຖຸອຸປະໂພກ-ບໍລິໂພກໃຫ້ແກ່ກອງທັບ ເພື່ອເຮັດໜ້າທີ່ ເຝິກແອບຮໍ່າຮຽນ, ກໍ່ສ້າງກຳລັງ, ອອກແຮງງານຜະລິດ, ກໍ່ສ້າງເສດຖະກິດ, ກຽມພ້ອມສູ້ຮົບ ແລະ ເຄື່ອນໄຫວສູ້ຮົບມີໄຊ, ຈັດຕັ້ງຄົ້ນຄວ້າຊອກແຫຼ່ງສະໜອງ, ຊີ້ນຳການຜະລິດ ແລະ ຈັດຊື້ເຄື່ອງ ອຸປະໂພກ-ບໍລິໂພກ ຈາກພາຍໃນ ແລະ ຕ່າງປະເທດ ມາຮັບໃຊ້ກອງທັບ, ຈັດຕັ້ງຊີ້ນຳວຽກງານລ້ຽງດູທັບ ຮັບປະກັນການກິນຢູ່ປະຈຳວັນວຽກງານເຮືອນຄົວ-ເຮືອນກິນໃນກົມກອງທະຫານ, ຊີ້ນຳວຽກງານຄຸ້ມຄອງ, ນຳໃຊ້ປົກປັກຮັກສາວັດຖຸອຸປະໂພກ-ບໍລິໂພກໃນກອງທັບ ແລະ ຊີ້ນຳສະສົມສຳຮອງວັດຖຸອຸປະໂພກ-ບໍລິໂພກຢູ່ແຕ່ລະຂັ້ນ ເພື່ອຕອບສະໜອງສະພາບສຸກເສີນທີ່ອາດ ຈະເກີດຂຶ້ນໃຫ້ທັນເວລາ, ຄົ້ນ ຄວ້າວິທະຍາສາດການກິນຢູ່, ນຸ່ງຖືໃຫ້ແທດເໝາະກັບສະພາບ ການຂະຫຍາຍຕົວຂອງກອງທັບໃນແຕ່ລະໄລຍະ, ກຳແໜ້ນ ແລະ ຄຸ້ມຄອງພະນັກງານ-ນັກຮົບວິຊາສະເພາະ ໃນຂະແໜງອຸປະໂພກ-ບໍລິໂພກໃນທົ່ວກອງທັບ, ເພື່ອເປັນທິດກໍ່ສ້າງ, ບຳລຸງ, ປະກອບໜ້າທີ່ໃຫ້ແທດເໝາະຕາມຄວາມຮຽກຮ້ອງຕ້ອງການ, ປະຕິບັດໜ້າທີ່ສາກົນ ພົວພັນຮ່ວມມືທາງ ດ້ານວຽກງານອຸປະໂພກ-ບໍລິ ໂພກ. ໄປຄຽງຄູ່ກັນນັ້ນ, ຍັງໄດ້ຊີ້ນຳບັນດາຂະແໜງອຸປະໂພກ-ບໍລິໂພກ ຢູ່ແຕ່ລະກົມກອງ-ທ້ອງຖິ່ນ ຮັບປະກັນອຸປະໂພກ-ບໍລິໂພກຢູ່ກົມກອງຂອງຕົນ ເປັນ ຕົ້ນດ້ານຊີວິດການເປັນຢູ່ຂອງນາຍ ແລະ ພົນທະຫານໃຫ້ນັບມື້ນັບດີຂຶ້ນ. ໃນນີ້ ອັນພົ້ນເດັ່ນ ໄດ້ຈັດຕັ້ງບັນດາພະແນກການລົງຮາກຖານບັນດາກົມກອງ-ທ້ອງຖິ່ນ ເພື່ອເກັບກຳສະພາບການໃນວຽກງານຮັບປະກັນອຸ ປະໂພກ-ບໍລິໂພກ, ໃນປັດຈຸບັນ ກຳລັງເປີດກອງປະຊຸມສ່ອງແສງລາຍງານ ແລະ ຖອດຖອນບົດຮຽນ ຂົງເຂດວຽກງານຮັບ ປະກັນອຸປະໂພກ-ບໍລິໂພກ, ໄດ້ ຈັດຊື້ໂຮງສີທັນສະໄໝຈາກ ສປ ຈີນ ຈຳນວນ 1 ເຄື່ອງ, ປັດຈຸ ບັນກຳລັງຕິດຕັ້ງຄາດກະເດືອນ 12 ປີ 2025 ຈະສຳເລັດ, ໄດ້ຊີ້ນຳບັນດາກົມກອງທີ່ຂຶ້ນກັບ ແລະ ໂຮງງານຕ່າງໆ ໃຫ້ເອົາ ໃຈໃສ່ປົກປັກຮັກສາວັດຖຸອຸປະ ໂພກ-ບໍລິໂພກ ກໍຄື ການຜະລິດເຄື່ອງນຸ່ງຫົ່ມ ໃຫ້ມີຄຸນນະພາບດີ ແລະ ທັນລະດູການ ເບີກຈ່າຍແຕ່ລະປີ. ສ່ວນທິດທາງແຜນການໃນ ຕໍ່ໜ້າ, ກົມອຸປະໂພກ-ບໍລິໂພກ ໄດ້ວາງແຜນການ, ຄາດໝາຍສູ້ຊົນສືບຕໍ່ສຸມໃສ່ນຳພາຈັດຕັ້ງປະຕິບັດ ເລັ່ງໃສ່ບັນດາໜ້າວຽກ ດັ່ງນີ້: ດ້ານສະບຽງອາຫານໄດ້ສ້າງແຜນການຄວາມຕ້ອງການເຂົ້າກິນໃນທົ່ວກຳລັງຫຼວງ ເພື່ອລາຍງານກົມໃຫຍ່ພະລາທິການກອງທັບ ແລະ ກະຊວງປ້ອງກັນປະເທດ ພ້ອມທັງແຈ້ງລາຄາເຂົ້າກິນປີ 2026 ໃຫ້ບັນດາກົມກອງ-ທ້ອງຖິ່ນ ເພື່ອເກັບຊື້ໃຫ້ໄດ້ຕາມແຜນການຂອງກົມກອງ, ດ້ານເຄື່ອງນຸ່ງຫົ່ມ ເລັ່ງປັບປຸງຂໍ້ກຳນົດອັດຕາ ແລະ ການປະກອບເຄື່ອງນຸ່ງຫົ່ມໃຫ້ແກ່ນາຍ ແລະ ພົນທະຫານໃຫ້ສຳເລັດໂດຍໄວ, ພ້ອມນີ້ ຍັງໄດ້ຊຸກຍູ້ບັນດາຄູ່ສັນ ຍາໃນປີ 2025 ໃຫ້ຈັດສົ່ງເຄື່ອງເຂົ້າສາງໄດ້ຕາມກຳນົດເວລາລະບຸໄວ້ໃນສັນຍາ ເພື່ອພຽງພໍໃນການເບີກຈ່າຍ ແລະ ສູ້ຊົນແກ້ໄຂຈຳນວນເຄື່ອງນຸ່ງຫົ່ມທີ່ຍັງຄ້າງຈ່າຍກັບກົມກອງໃຫ້ໝົດໄປ, ລົງສຳຫຼວດເຮືອນຄົວ-ເຮືອນກິນ ຂອງບັນດາກົມກອງທີ່ຕັ້ງໃໝ່ ແລະ ກົມກອງທີ່ຮອດອາຍຸນຳ ໃຊ້ ເພື່ອຕິດຕັ້ງເຕົາອາຍນໍ້າ ແລະ ປະກອບເຄື່ອງເຮືອນຄົວ-ເຮືອນກິນໃຫ້ພຽງພໍກັບຄວາມຕ້ອງການຂອງກົມກອງ, ຊີ້ນຳບັນດາກົມກອງທີ່ຂຶ້ນກັບ ປົກປັກຮັກສາວັດຖຸອຸປະໂພກ-ບໍລິໂພກ ໃຫ້ມີຄວາມປອດໄພ 100%. ເນື່ອງໃນໂອກາດວັນສະຖາ ປະນາ ສປປ ລາວ ຄົບຮອບ 50 ປີ ແລະ ວັນເກີດ ປະທານໄກສອນ ພົມວິຫານ ຄົບຮອບ 105 ປີ ທີ່ຈະມາເຖິງນີ້, ສະຫາຍ ພົນຈັດຕະວາ ສອນໄຊ ວົງພະຈັນ ໄດ້ສະແດງຄຳອວຍພອນມາຍັງການນຳພັກ-ລັດ, ຄະນະນຳກະຊວງປ້ອງກັນປະເທດ ຈົ່ງມີພາລະນາໄມສົມບູນ ສືບຕໍ່ຊີ້ນຳ-ນຳພາກອງທັບໃຫ້ມີລະບຽບແບບແຜນທັນສະໄໝຂຶ້ນຢ່າງບໍ່ຢຸດຢັ້ງ, ອວຍພອນມາຍັງນາຍ ແລະ ພົນທະຫານທຸກຖ້ວນໜ້າ ຈົ່ງມີສຸຂະພາບເຂັ້ມແຂງ ພ້ອມກັນສືບຕໍ່ເຮັດສຳເລັດໜ້າທີ່ການເມືອງຂອງຕົນ ທີ່ຂັ້ນເທິງມອບໝາຍໃຫ້.

news to day and hot news