ວັນພະຫັດ, ວັນທີ 13 ພະຈິກ 2025
ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ຈັດຕັ້ງເຊື່ອມຊຶມ ຂໍ້ກຳນົດ, ກົດລະບຽບ ໃຫ້ນັກຮຽນຊັ້ນ ມ7 ສົກຮຽນ 2025-2026
ເວລາອອກຂ່າວ: 2025-10-03 09:10:52 | ຜູ້ຂຽນ : admin3 | ຈຳນວນຄົນເຂົ້າຊົມ: 636 | ຄວາມນິຍົມ: 
ວັນທີ 17 ກັນຍາ 2025 ຜ່ານມານີ້, ຢູ່ສະໂມສອນໂຮງຮຽນກໍ່ສ້າງນາຍສິບທະຫານຮາບ ເລກ 2 ວຽງໄຊໄດ້ຈັດຕັ້ງເຊື່ອມຊຶມ ຂໍ້ກຳນົດ, ກົດລະບຽບ ໃຫ້ນັກຮຽນຊັ້ນ ມ7 ສົກຮຽນ 2025-2026, ໂດຍການເປັນປະທານຂອງ ສະຫາຍ ພັນໂທ ຄຳຫຼ້າ ວົງສົມພູ ຮອງຫົວໜ້າການທະຫານໂຮງຮຽນ, ມີຄະນະພັກ-ຄະນະບັນກອງພັນ, ກອງຮ້ອຍພ້ອມດ້ວຍນັກຮຽນ ມ7 ເຂົ້າຮ່ວມ.
ສະຫາຍ ພັນໂທ ຄຳຫຼ້າວົງສົມພູ ໄດ້ຜ່ານຂໍ້ກຳນົດ, ກົດລະບຽບ ວ່າດ້ວຍນັກຮຽນທະຫານ ຢູ່ໂຮງຮຽນກໍ່ສ້າງນາຍສິບ ເລກ 2 ວຽງໄຊ, ອີງຕາມຂໍ້ກຳນົດຂອງກະຊວງປ້ອງກັນປະເທດ ກຽ່ວກັບວຽກງານໂຮງຮຽນໃນກອງທັບປະຊາຊົນລາວ, ອີງຕາມ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການຄຸ້ມຄອງນັກຮຽນທະຫານລະບົບກໍ່ສ້າງ ແລະ ບຳລຸງທີ່ກຳລັງສຶກສາຮໍ່າຮຽນຢູ່ບັນດາໂຮງຮຽນ, ສະຖາບັນຕ່າງໆໃນ ແລະ ນອກກອງທັບ, ອີງຕາມກົດໝາຍ
ວ່າດ້ວຍການສຶກສາ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ຄຳສັ່ງແນະນຳຂອງກົມໃຫຍ່ເສນາທິການກອງທັບກຽ່ວກັບມາດຕະຖານເງື່ອນໄຂຂອງນັກຮຽນ ທີ່ເຂົ້າມາສຶກສາຮໍ່າຮຽນຢູ່ໂຮງຮຽນກໍ່ສ້າງນາຍສິບເລກ 2 ວຽງໄຊ,
ອີງຕາມຄວາມຮຽກຮ້ອງຕ້ອງການໃນການຄຸ້ມຄອງການຮຽນ-ການສອນ, ອົບຮົມ-ຫັດແອບ ແລະ ການຄຸ້ມຄອງນັກຮຽນທະຫານ, ໃນນີ້ ໂຮງຮຽນກໍ່ສ້າງນາຍ
ສິບເລກ 2 ວຽງໄຊອອກກົດລະບຽບປະກອບມີ 10 ໝວດຄື : ໝວດ ວ່າດ້ວຍຂໍ້ກຳນົດລວມ, ໝວດ ວ່າດ້ວຍລະບົບການຈັດຕັ້ງ, ການນຳພາ-ບັນຊາ ຂອງນັກຮຽນທະຫານ, ວ່າດ້ວຍພາລະບົດບາດ, ສິດ-ໜ້າທີ່, ວ່າດ້ວຍການພັນທະ, ວ່າດ້ວຍການກຳນົດ ເຂົ້າ-ອອກຄ້າຍ, ວ່າດ້ວຍລະບຽບການຮຽນ, ການສິ້ນສຸດເປັນ
ນັກຮຽນ ແລະ ບັນດາຂໍ້ຫ້າມຕ່າງໆ, ວ່າດ້ວຍຮູບການກ່າວເຕືອນ ແລະ ມາດຕະການລົງວິໄນ, ວ່າດ້ວຍວຽກງານນະໂຍບາຍ ແລະ ຂໍ້ກຳນົດມ້ວນທ້າຍ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
