POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກຸມພາ 2026

ຫ້ອງການຊາວໜຸ່ມກອງທັບ ລົງເຄື່ອນໄຫວຊຸກຍູ້ຂະບວນການວຽກງານຊາວໜຸ່ມ ແລະ ເຜີຍແຜ່ຜົນສຳເລັດກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX
ເວລາອອກຂ່າວ: 2025-10-02 15:43:56 | ຜູ້ຂຽນ : admin2 | ຈຳນວນຄົນເຂົ້າຊົມ: 1290 | ຄວາມນິຍົມ:

ໃນລະຫວ່າງ ວັນທີ 21-26 ກັນຍາ 2025 ຜ່ານມານີ້, ຫ້ອງການຊາວໜຸ່ມກອງທັບ ໄດ້ລົງຊຸກຍູ້ຂະບວນການວຽກງານຊາວໜຸ່ມ ແລະ ເຜີຍແຜ່ຜົນສຳເລັດກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX ຢູ່ແຂວງ ພາກກາງຄື: ກອງພົນທີ 4, ກອງພັນໃຫຍ່ປືນໃຫຍ່ໜ້າດິນ 619, ກອງພັນໃຫຍ່ປ້ອງກັນອາກາດ 644, ກອງບັນຊາການທະຫານ ແຂວງສະຫວັນນະເຂດ ແລະ ກອງບັນຊາການທະຫານ ແຂວງຄຳມ່ວນ ພາຍໃຕ້ການເປັນປະທານຂອງ ສະຫາຍ ພັນໂທ ສຸລິບັນ ສໍພາບປັນຍາ ກໍາມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ຮອງຫົວໜ້າຫ້ອງການຊາວໜຸ່ມກອງທັບ, ມີພະນັກງານຈາກຫ້ອງການຊາວໜຸ່ມ, ຄະນະພັກ-ຄະນະບັນຊາ, ພະແນກຊາວໜຸ່ມ, ຂະແໜງຊາວໜຸ່ມ ແລະ ພະນັກງານ ສະມາຊິກຊາວໜຸ່ມ ຢູ່ບັນດາກົມກອງ ເຂົ້າຮ່ວມ. ພິທີດັ່ງກ່າວໄດ້ຮັບຟັງການເຜີຍແຜ່ຜົນສໍາເລັດກອງປະຊຸມຜູ້ແທນຊາວໜຸ່ມທົ່ວກອງທັບ ໂດຍສະເພາະ ແມ່ນຄຳສັ່ງແນະນຳຂອງກົມໃຫຍ່ການເມືອງກອງທັບ ແລະ ແຈ້ງການແນະນໍາຂອງຫ້ອງການຊາວໜຸ່ມກອງທັບ ກ່ຽວກັບການຈັດຕັ້ງເຊື່ອມຊືມເຜີຍແຜ່ຜົນສຳເລັດກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX, ຮ່າງລາຍງານການເມືອງ, ຄຳຂວັນຂະບວນການຊາວໜຸ່ມສະໄໝທີ IX, ບົດໂອ້ລົມຂອງປະທານກອງປະຊຸມ ແລະ ມະຕິິກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX. ສະຫາຍ ພັນໂທ ສຸລິບັນ ສໍພາບປັນຍາ ໄດ້ຍົກໃຫ້ເຫັນບັນດາຜົນງານຂອງຊາວໜຸ່ມກອງທັບທີ່ຍາດມາໄດ້ໃນໄລຍະຜ່ານມາ ແລະ ເນັ້ນໜັກໃຫ້ຜູ້ຮັບຜິດຊອບວຽກງານຊາວໜຸ່ມພາຍໃນກົມກອງໃຫ້ເອົາໃຈໃສ່ສຶກສາອົບຮົມ ການເມືອງ-ແນວຄິດ, ປັບປຸງການຈັດຕັ້ງຊາວໜຸ່ມພາຍໃນກົມກອງຕົນ ໃຫ້ເປັນປົກກະຕິ ແລະ ຕໍ່ເນື່ອງ, ຄຽງຄູ່ກັບການຈັດຕັ້ງຜັນຂະຫຍາຍມະຕິກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX ແລະ ສືບຕໍ່ເອົາໃຈໃສ່ປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ ໃຫ້ປະກົດຜົນເປັນຈິງ ແລະ ຖືກຕາມບົດແນະນຳ ຂອງສູນກາງຊາວໜຸ່ມປະຊາຊົນປະຕິວັດລາວ ແລະ ຄໍາສັ່ງແນະນໍາຂອງກົມໃຫຍ່ການເມືອງກອງທັບ; ເປັນກໍາລັງແຮງປະຈັນບານຂອງຊາວໜຸ່ມເຂົ້າຮ່ວມຂະບວນການດ້ານຕ່າງໆຂອງຂັ້ນເທິງ ກໍຄືຂອງກົມກອງເພື່ອຂໍ່ານັບຮັບຕ້ອນ 3 ວັນ ປະຫວັດສາດທີ່ສຳຄັນຕ່າງໆ ຂອງຊາດ, ຂອງພັກ, ຂອງກອງທັບ ໂດຍສະເພາະແມ່ນຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 50 ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 105 ປີ, ໃຫ້ເປັນຂະບວນການ ຟົດຟື້ນ-ຕໍ່ເນື່ອງ, ອອກແຮງປຸກລະດົມ, ຊຸກຍູ້ຂະບວນການຊາວໜຸ່ມກົມກອງຂັ້ນຕົນເຂົ້າຮ່ວມຕອບຕ້ານປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນຢູ່ຖັນແຖວສະມາຊິກຊາວໜຸ່ມໃນກອງທັບ, ມີສະຕິລະວັງຕົວໃນການນໍາໃຊ້ສື່ສັງຄົມອອນລາຍໃຫ້ຖືກຕ້ອງເໝາະສົມ ແລະ ຕ້ານການແຜ່ລະບາດພະຍາດທີ່ຈະເກີດໃນລະດູຝົນ, ກະກຽມກໍາລັງແຮງຊາວໜຸ່ມ ໃນກົມກອງເພື່ອຕອບສະໜອງຕາມຄວາມຮຽກຮ້ອງຕ້ອງການຂອງຂັ້ນເທິງ ເພື່ອຊ່ວຍເຫຼືອປະຊາຊົນທີ່ຖືກນ້ຳຖ້ວມ ແລະ ໄພພິບັດທາງທຳມະຊາດທີ່ຈະເກີດຂຶ້ນ. ໃຫ້ສົມກັບຄຳຂັວນທີ່ວ່າ “ບ່ອນໃດຍາກ ຊາວໜຸ່ມບຸກ ບ່ອນໃດທຸກ ຊາວໜຸ່ມຜ່ານຜ່າ ເມື່ອໃດຊາດຕ້ອງການ ຊາວໜຸ່ມຂານອາສາ”ສູ້ຊົນປະຕິບັດຄຳຂວັນຂະບວນການຊາວໜຸ່ມສະໄໝ ທີ IX ຊາວໜຸ່ມກອງທັບ “ເດັດດ່ຽວ, ອາດຫານ, ນຳໜ້າ, ສາມັກຄີ, ມີວິໄນ ແລະ ປະດິດສ້າງ” ໃນໂອກາດດັ່ງກ່າວ ໄດ້ຕາງໜ້າ ສູນກາງຊາວໜຸ່ມປະຊາຊົນປະຕິວັດລາວ ມອບຫຼຽນຊາວໜຸ່ມ ຕະລຸມບອນຂອງຄະນະຊາວໜຸ່ມປະຊາຊົນປະຕິວັດລາວ ໃຫ້ບັນດາ ອະດີດ ແລະ ຜູ້ທີ່ຮັບຜິດຊອບວຽກງານຊາວໜຸ່ມ ຢູ່ກົມກອງ ແລະ ໄດ້ເຄື່ອນໄຫວລົງຢ້ຽມກົມກອງຕົວແບບ ກົມກອງຮາກຖານອີກດ້ວຍ. ໂດຍ: ຄຳຫຼ້າ ອິນທະລາ

news to day and hot news