POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ທີມນັກກິລາເຮືອຊ່ວງ ທະຫານແຂວງສາລະວັນ ກະກຽມຄວາມພ້ອມຮອບດ້ານ ເພື່ອເຂົ້າຮ່ວມຊີງໄຊ ໃນງານບຸນຊ່ວງເຮືອ ປະຈຳປີ 2025
ເວລາອອກຂ່າວ: 2025-09-12 09:23:25 | ຜູ້ຂຽນ : admin1 | ຈຳນວນຄົນເຂົ້າຊົມ: 5607 | ຄວາມນິຍົມ:

ເພື່ອເປັນການຊຸກຍູ້ສົ່ງເສີມ ວຽກງານອົງການຈັດຕັ້ງມະຫາຊົນຊາວໜຸ່ມ ໃນທົ່ວກອງບັນຊາການທະຫານແຂວງສາລະວັນ ໃຫ້ມີຂະບວນການກວ້າງ ຂວາງ ເປັນຕົ້ນແມ່ນ ດ້ານວຽກງານກິລາມວນຊົນປະເພດຕ່າງໆ ໃຫ້ມີຄວາມຟົດຟື້ນ ແລະ ຕໍ່ເນື່ອງ, ສະຫາຍ ພັນໂທ ແສງເພັດ ຫຼວງສຸລິວັນ ຮອງຫົວໜ້າຫ້ອງການເມືອງ, ທັງເປັນຜູ້ຊີ້ນຳວຽກງານອົງການຈັດຕັ້ງມະຫາຊົນ ກອງບັນຊາການທະຫານແຂວງສາລະວັນ ໄດ້ໃຫ້ຮູ້ວ່າ: ໃນໄລຍະຜ່ານມາ ຄະນະພັກ-ຄະນະບັນຊາພວກເຮົາ ໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດໃຫ້ພະນັກງານ-ນັກຮົບ ທັງປຸກລະດົມດ້ານແນວຄິດຈິດໃຈໃຫ້ເຂົາເຈົ້າມີຄວາມຫ້າວຫັນ ເຂົ້າຮ່ວມຂະບວນການດ້ານຕ່າງໆ ທີ່ກົມກອງ ກໍຄື ຂອບເຂດແຂວງອ້ອມຂ້າງຈັດຂຶ້ນ ພ້ອມທັງໄດ້ສ້າງຂະບວນການດ້ານກິລາມວນຊົນສະໝັກຫຼິ້ນ ເພື່ອຕ້ອນຮັບວັນສຳຄັນຕ່າງໆ ຂອງພັກ, ຂອງຊາດ ຢ່າງເປັນປົກກະຕິ ແລະ ໄດ້ສ້າງກິດຈະກຳຮ່ວມກັບບັນດາອົງການຈັດຕັ້ງພາກລັດ ພາຍໃນແຂວງສາລະວັນ ຕາມເງື່ອນໄຂ ແລະ ຄວາມສະດວກ. ໃນນັ້ນ, ກິລາເຮືອຊ່ວງສະໝັກຫຼິ້ນ ກໍແມ່ນປະເພດກິລາຊະນິດໜຶ່ງທີ່ທາງຄະນະພັກ-ຄະນະບັນຊາ ກອງບັນຊາການທະຫານແຂວງສາລະວັນ ຂອງພວກເຮົາໄດ້ໃຫ້ຄວາມສຳຄັນ ໃນຊຸມປີທີ່ຜ່ານມາ, ກໍໄດ້ຈັດຕັ້ງນຳພານັກກິລາເຂົ້າຮ່ວມແຂ່ງຂັນ ຢ່າງເປັນປົກກະຕິ ແລະ ສາມາດຍາດໄດ້ຂັນລາງວັນມາຄອງຫຼາຍສະໄໝ. ສຳລັບງານບຸນຊ່ວງເຮືອແຂວງສາລະວັນໃນປີນີ້ ຄະນະພັກ-ຄະນະບັນຊາພວກເຮົາ ກໍໄດ້ຈັດຕັ້ງເຝິກຊ້ອມ ພ້ອມທັງໄດ້ແຕ່ງຕັ້ງຄະນະຮັບຜິດຊອບ, ຄູເຝິກ ແລະ ຄັດເລືອກນັກກິລາສີພາຍ ຜູ້ທີ່ມີຄວາມຊຳນິຊຳນານ ມາປະກອບໃສ່ໃຫ້ໄດ້ຄົບຕາມຈຳນວນສີພາຍຂອງແຕ່ລະປະເພດ ເພື່ອຈັດຕັ້ງລົງເຝິກຊ້ອມໃຫ້ທັນກັບກຳນົດເວລາ, ກຽມຄວາມພ້ອມ ເຂົ້າຮ່ວມການແຂ່ງຂັນ ໃນງານບຸນຊ່ວງເຮືອ ປະຈຳປີ 2025 ຂອງແຂວງສາລະວັນ ແລະ ຕ່າງແຂວງ ຕາມເງື່ອນໄຂ. ສະຫາຍ ພັນໂທ ເກດສະດາ ຫອມດວງພະຈັນ ຫົວໜ້າພະແນກບໍລິຫານ-ຫ້ອງການ ກອງບັນຊາການທະຫານແຂວງສາລະວັນ, ທັງເປັນຄະນະຮັບຜິດຊອບນັກກິລາເຮືອຊ່ວງສະໝັກຫຼິ້ນ ກອງບັນຊາການ ໄດ້ໃຫ້ຮູ້ວ່າ: ທີມນັກກິລາເຮືອຊ່ວງສະໝັກຫຼິ້ນ ກອງບັນຊາການພວກເຮົາ ແມ່ນໄດ້ເລີ່ມເກັບໂຕເຝິກຊ້ອມທີ່ທ່ານ້ຳບ້ານໂພນຕານ ເມືອງສາລະວັນ ແຂວງສາລະວັນ ນັບແຕ່ວັນທີ 10 ສິງຫາ 2025 ຈົນມາຮອດປັດຈຸບັນ ແມ່ນມີຄວາມຊຳນານໃນລະດັບທີ່ຄູເຝິກໄດ້ຕັ້ງເປົ້າໝາຍໄວ້, ນັກກິລາແຕ່ລະສະຫາຍ ມີນ້ຳໃຈມັກຮັກ ແລະ ມີຄວາມກະຕືລືລົ້ນໃນການມີສ່ວນຮ່ວມ ຕໍ່ກິລາເຮືອຊ່ວງ ພ້ອມທັງມີຄວາມໝັ້ນໃຈສູງ ແລະ ມີຄວາມສາມັກຄີພາຍໃນເປັນຢ່າງດີ ເຊິ່ງສະແດງອອກໃນການປະຕິບັດຂໍ້ກຳນົດ-ກົດລະບຽບໃນໄລຍະເກັບໂຕເຝິກຊ້ອມ ແລະ ປະຕິບັດໂມງເວລາໃນການລົງເຝິກຊ້ອມແຕ່ລະວັນໄດ້ຕາມກຳນົດ, ເຖິງຈະພົບກັບຂໍ້ຫຍຸ້ງຍາກ ດ້ານສະພາບດິນຟ້າອາກາດຈະບໍ່ເອື້ອອຳນວຍ ບາງວັນຝົນຕົກ, ບາງວັນແດດຮ້ອນ ແຕ່ກໍບໍ່ເປັນອຸປະສັກໃນການເຝິກຊ້ອມ, ສາມາດຮັບປະກັນດ້ານຈຳນວນພົນ, ດ້ານລະບົບອັດຕາກິນ ແມ່ນບໍ່ໃຫ້ຂາດຕົກບົກຜ່ອງ, ສ່ວນຄະນະຮັບຜິດຊອບພວກເຮົາ ແມ່ນໄດ້ປະສານສົມທົບກັບຄະນະພັກ-ຄະນະບັນຊາກອງບັນຊາການ ຢ່າງເປັນປົກກະຕິ ເພື່ອລາຍງານສະພາບການ ແລະ ຂໍທິດຊີ້ນຳ, ໃນໄລຍະຜ່ານມາເຫັນວ່າ: ຄະນະພັກແຕ່ລະຂັ້ນ, ອົງການຈັດຕັ້ງມະຫາຊົນ ກໍຄື ຄອບຄົວການນຳ ແມ່ນໄດ້ມອບວັດຖຸປັດໄຈເປັນເຄື່ອງອຸປະໂພກ-ບໍລິໂພກ ເພື່ອຊຸກຍູ້ໃຫ້ຄະນະຄູເຝິກ ແລະ ນັກກິລາ ໄດ້ມີກຳລັງແຮງກາຍ, ແຮງໃຈ ໃນການເຝິກຊ້ອມ ເພື່ອກຽມພ້ອມຮອບດ້ານ ໃນການເຂົ້າຮ່ວມຊີງໄຊ ໃນງານບຸນຊ່ວງເຮືອ ປະຈຳປີ 2025 ທີ່ແຂວງສາລະວັນຈັດຂຶ້ນ ຍາດເອົາໃຫ້ໄດ້ໄຊຊະນະ ສ້າງຊື່ສຽງໃຫ້ກັບກອງບັນຊາການທະຫານແຂວງສາລະວັນ ໃຫ້ພົ້ນເດັ່ນຍິ່ງຂຶ້ນ. ໂດຍ: ສຸກັນ ວົງສະຫວັດ

news to day and hot news