ວັນອາທິດ, ວັນທີ 09 ສິງຫາ 2026
ກະກຽມກ້ອນກຳລັງສວນສະໜາມ ສະເຫຼີມສະຫຼອງວັນຊາດ ຄົບຮອບ 50 ປີ
ເວລາອອກຂ່າວ: 2025-09-05 09:45:50 | ຜູ້ຂຽນ : admin1 | ຈຳນວນຄົນເຂົ້າຊົມ: 1125 | ຄວາມນິຍົມ: 
ເພື່ອກະກຽມຄວາມພ້ອມ ແລະ ເປັນເອກະພາບ ທາງດ້ານເຕັກນິກ ຮັບປະກັນໃຫ້ແກ່ກ້ອນກຳລັງເດີນຂະບວນສວນສະໜາມສະຫຼອງວັນຊາດ ຄົບຮອບ 50 ປີ (2 ທັນວາ 1975-2 ທັນວາ 2025) ທີ່ຈະມາເຖິງນີ້ ໃຫ້ມີບັນ ຍາກາດຟົດຟື້ນ, ເຂັ້ມແຂງ, ຈົບງາມ.
ສະຫາຍ ພົນຈັດຕະວາ ກົງທອງ ສຸຂະວົງ ຮອງຫົວໜ້າກົມໃຫຍ່ເສນາທິການກອງທັບ, ຄະນະຊີ້ນຳກ້ອນກຳລັງສວນສະ ໜາມສະເຫຼີມສະຫຼອງວັນຊາດ ຄົບຮອບ 50 ປີ ໄດ້ໃຫ້ສຳພາດວ່າ: ກົມອົບຮົມ ກົມໃຫຍ່ເສນາທິການກອງທັບ ໄດ້ຮັບມອບໝາຍຮັບຜິດຊອບ ກໍໄດ້ສ້າງແຜນການເປີດຊຸດບຳລຸງຄູເຝິກເຕັກນິກຮູບແຖວ ການເດີນສວນສະໜາມສະ ເຫຼີມສະຫຼອງ ວັນຊາດ ທີ 2 ທັນ ວາ ຄົບຮອບ 50 ປີ. ທັງນີ້ກໍເພື່ອ ຮັບປະກັນແກ່ການຈັດຕັ້ງກະ ກຽມ-ຫັດແອບ ກຳລັງເດີນສວນ ສະໜາມຂອງກຳລັງປ້ອງກັນ ຊາດ ໃຫ້ໄດ້ຕາມຄາດໝາຍ ແລະ ແຜນການວາງອອກ ທັງເປັນ ການເອກະພາບຄືນວິຊາລະບຽບ ແກ່ຄູເຝິກແຕ່ລະກ້ອນສວນສະ ໜາມ ໃຫ້ມີຄວາມຮູ້ທາງດ້ານວິຊາສະເພາະ ແລະ ມີຄວາມສາ ມາດຈັດຕັ້ງສິດສອນໃຫ້ກົມກອງ ຕົນໄດ້. ໂດຍແນໃສ່ເນື້ອໃນເພື່ອເອກະພາບຄືນດ້ານເຕັກນິກ, ບັນ ດາຈັງຫວະຕ່າງໆ ເລີ່ມແຕ່ບຸກຄົນຈົນເຖິງລວມໝູ່, ລຳດັບບາດກ້າວໃນການເດີນສວນສະໜາມ ແລະ ລະບຽບທຳນຽມຄູ, ເພື່ອອົບຮົມໃຫ້ຄູເຝິກ ແລະ ພະນັກງານວິຊາສະເພາະໃນທົ່ວກອງທັບ, ກຳແໜ້ນດ້ານຫຼັກການ, ການເຄື່ອນເໜັງເຕັກນິກຈັງຫວະຕ່າງໆ ແລະ ຮູ້ສັງເກດແນະນຳໃນການຈັດຕັ້ງຫັດແອບຢ່າງຖືກຕ້ອງ ແລະ ຄົບຖ້ວນ ທັງເປັນລະບຽບຈົບງາມ.
ສຳລັບກ້ອນກຳລັງສວນສະ ໜາມ ຂອງກະຊວງປ້ອງກັນປະ ເທດ ລວມມີ 18 ກ້ອນ, ພິເສດແມ່ນມີກຳລັງປ້ອງກັນຄວາມສະຫງົບ ເຂົ້າເຝິກອົບຮົມນຳ, ພາຍຫຼັງການເຝິກອົບຮົມຄູເຝິກສຳເລັດແລ້ວ ຈະໄດ້ຈັດຕັ້ງຄູເຝິກເຂົ້າໃສ່ບັນດາ 3 ສູນໃຫຍ່ ຄື: ກອງພັນຍິງປືນ 199, ວິທະຍາຄານກົມມະດຳ, ວິທະຍາຄານປ້ອງກັນຊາດ ໄກສອນ ພົມວິຫານ ແລະ ຈັດຕັ້ງລົງບັນດາກົມກອງ ທີ່ໄດ້ອົບຮົມ-ຫັດແອບພາຍໃນກົມກອງຂອງຕົນ. ໃນໄລຍະເຝິກອົບຮົມ ຄູເຝິກ ແລະ ກ້ອນສວນສະໜາມ ຕ້ອງຄົ້ນຄວ້າກຳແໜ້ນພື້ນຖານທ່າຈັງຫວະ, ຕັ້ງໜ້າເອົາໃຈໃສ່ເຝິກ ແອບດ້ວຍຕົນເອງ, ອົດທົນຜ່ານຜ່າ, ແນໃສ່ໃຫ້ມີຄວາມຊຳນິຊຳ ນານ ສາມາດນຳໄປໝູນໃຊ້ເຂົ້າໃນການອົບຮົມໃຫ້ກົມກອງຕົນ ໄດ້ເປັນຢ່າງດີ.
ໂດຍ: ສຸກສາຄອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
