ວັນພະຫັດ, ວັນທີ 17 ກັນຍາ 2026
ມອບນ້ຳດື່ມ ໃຫ້ນັກກິລາ ກອງບັນຊາການທະຫານແຂວງໄຊຍະບູລີ
ເວລາອອກຂ່າວ: 2025-09-05 09:42:51 | ຜູ້ຂຽນ : admin1 | ຈຳນວນຄົນເຂົ້າຊົມ: 1002 | ຄວາມນິຍົມ: 
ທ້າຍເດືອນສິງຫາຜ່ານມານີ້, ຄອບຄົວ ທ່ານ ນາງ ບົວວອນ ແກ້ວອຸດົມ ໄດ້ນຳເອົານ້ຳດື່ມຈຳ ນວນ 40 ແພັກ ລວມມູນຄ່າ 2.000.000 ກີບ ມາມອບຊຸກຍູ້ທີມນັກກິລາບານເຕະ ກອງບັນຊາການທະຫານແຂວງໄຊຍະບູລີ ເພື່ອນຳໃຊ້ເຂົ້າໃນການເຝິກຊ້ອມ ແລະ ແຂ່ງຂັນກິລາ ຕ້ອນຮັບກອງປະຊຸມໃຫຍ່ ອົງຄະນະພັກແຂວງໄຊຍະບູລີ ຄັ້ງທີ VIII, ກ່າວຮັບ ໂດຍ ສະຫາຍ ຮ້ອຍເອກ ອຸນເຮືອນ ວິໄລສັກ ຄູເຝິກນັກກິລາກອງບັນຊາການທະຫານແຂວງ, ມີສະຫາຍ ພົນຈັດຕະວາ ບຸນຍອງ ດວງດີ ຫົວໜ້າການທະຫານກອງ ບັນຊາການທະຫານແຂວງໄຊ ຍະບູລີ ເຂົ້າຮ່ວມ.
ສະຫາຍ ຮ້ອຍເອກ ອຸນເຮືອນ ວິໄລສັກ ໄດ້ກ່າວສະແດງຄວາມຂອບໃຈ ມາຍັງຄອບຄົບ ທ່ານ ນາງ ບົວວອນ ແກ້ວອຸດົມ ທີ່ໄດ້ໃຫ້ການສະໜັບສະໜູນນ້ຳດື່ມ ໃຫ້ນັກກິລາກອງບັນຊາການທະ ຫານແຂວງ ໃນຄັ້ງນີ້ ເຊິ່ງເປັນການປະກອບສ່ວນອັນສຳຄັນໃນການຊຸກຍູ້ກຳລັງໃຈ ທີມນັກກິລາບານເຕະ ກອງບັນຊາການທະຫານແຂວງໄຊຍະບູລີ ເພື່ອເຂົ້າຮ່ວມແຂ່ງຂັນກິລາຕ້ອນຮັບກອງປະຊຸມໃຫຍ່ ອົງຄະນະພັກແຂວງໄຊຍະບູລີ ຄັ້ງທີ VIII ໃຫ້ໄດ້ຮັບຜົນສຳເລັດຕາມລະດັບຄາດໝາຍ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
