ວັນເສົາ, ວັນທີ 18 ເມສາ 2026
ໂຮງຮຽນທິດສະດີການເມືອງກອງທັບ ສະຫຼຸບຕີລາຄາການຈັດຕັ້ງ ກໍ່ສ້າງພັກ
ເວລາອອກຂ່າວ: 2025-09-05 09:41:19 | ຜູ້ຂຽນ : admin1 | ຈຳນວນຄົນເຂົ້າຊົມ: 955 | ຄວາມນິຍົມ: 
ວັນທີ 3 ກັນຍາ 2025 ນີ້, ໂຮງຮຽນທິດສະດີການເມືອງກອງທັບ ໄດ້ສະຫຼຸບຕີລາຄາການຈັດຕັ້ງ, ກໍ່ສ້າງພັກ ປະຈຳ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2025, ໂດຍການເປັນປະທານຂອງ ສະຫາຍ ພັນເອກ ປອ ທິມສາວ ດວງຈຳປາ ເລຂາຄະນະພັກ, ຫົວໜ້າການເມືອງ ໂຮງຮຽນທິດສະດີການເມືອງກອງທັບ, ມີສະຫາຍ ພົນຈັດຕະວາ ປອ ບຸນທັນ
ທັນທະລີມາ ຮອງເລຂາຄະນະພັກ, ຫົວໜ້າການທະຫານ ໂຮງຮຽນທິດສະດີການເມືອງກອງທັບ, ມີຄະນະພັກ-ຄະນະອຳນວຍການ, ຄະນະພັກຮາກຖານ, ຄະ
ນະໜ່ວຍພັກ ພ້ອມດ້ວຍພະນັກງານສະມາຊິກພັກທົ່ວໂຮງຮຽນເຂົ້າຮ່ວມ.
ສະຫາຍ ພັນໂທ ພູວັນ ທິບພະວົງ ກຳມະການຄະນະພັກ, ຮອງຫົວໜ້າການເມືອງ ໂຮງຮຽນທິດສະດີການເມືອງກອງທັບ ໄດ້ສະຫຼຸບຕີລາຄາຄືນການຈັດຕັ້ງກໍ່ສ້າງພັກໃນໄລຍະ 6 ເດືອນຜ່ານມາ ເຊິ່ງຄະນະພັກ ໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງ-ນຳພາແນວຄິດໃຫ້ສະມາຊິກພັກ, ພະນັກງານ ຄູ-ອາຈານ ດ້ວຍຫຼາຍຮູບການເປັນຕົ້ນແມ່ນການສຶກສາຮຽນຮູ້ທິດສະດີ
ມາກ-ເລນິນ, ແນວຄິດ ໄກສອນ ພົມວິຫານ, ນອກນັ້ນຍັງໄດ້ສຸມໃສ່ປັບປຸງພື້ນຖານໂຄງລ່າງ, ໂຄງການຫຼັກສູດການຮຽນ-ການສອນ ຂອງບັນດາຫົວບົດວິທະຍາສາດເຂົ້າສູ່ລະບົບ ສາມາດຮັບຮອງການຮຽນ-ການສອນທາງດ້ານ
ທິດສະດີການເມືອງ, ການທະຫານ, ເຫຼົ່າຮົບວິຊາສະເພາະ, ຄຽງຄູ່ກັນນັ້ນຫັນເອົາແນວທາງນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ກົດໝາຍຂອງລັດ, ສຶກສາອົບຮົມໃຫ້ເຫັນໄດ້ອຸດົມການທາງດ້ານການເມືອງ, ຈັດຕັ້ງພະນັກງານສະມາຊິກພັກເຂົ້າຮ່ວມຮັບຟັງປາຖະກະຖາມູນເຊື້ອວັນສຳຄັນຕ່າງໆ, ດຳ
ເນີນຊີວິດການເມືອງທີ່ສຳຄັນຂອງສະມາຊິກພັກ, ໜ່ວຍພັກ ເພື່ອຕີລາຄາຕຳນິຕິຊົມຕົນເອງ, ຕິຊົມເຊິ່ງກັນ ແລະ ກັນ ເພື່ອເສີມຂະຫຍາຍລະບອບປະຊາທິປະໄຕພາຍໃນພັກ ແລະ ທັງເປັນການປັບປຸງແກ້ໄຂຈຸດອ່ອນຂໍ້ຄົງຄ້າງ ແລະ ເສີມ
ຂະຫຍາຍຈຸດດີ ໃຫ້ໄດ້ພັກປອດໃສ ເຂັ້ມແຂງ ໜັກແໜ້ນ ພ້ອມກັນນັ້ນ ຍັງໄດ້ຈັດຕັ້ງອະນຸກຳມະການເຄື່ອນໄຫວຊຸກຍູ້ ແລະ ກວດກາຕີລາຄາແຕ່ລະໜ່ວຍພັກກ່ຽວກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຕິດພັນກັບກອງ 3 ປອດ, ກົມກອງວັດທະນະທຳ-ນັກຮົບວັດທະນະທຳ, ໜ່ວຍຊາວໜຸ່ມ 4 ບຸກ, ໜ່ວຍສະຫະພັນແມ່ຍິງ 3 ດີ, ທົ່ວຄະນະພັກ ໂຮງຮຽນທິດສະດີການເມືອງກອງທັບ ປັດຈຸບັນມີສະມາຊິກພັກ ທັງໝົດ 390 ສະຫາຍ, ຍິງ 58 ສະຫາຍ, ສຳຮອງ 20 ສະຫາຍ, ຮັບສະມາຊິກພັກຍົກຍ້າຍເຂົ້າມາໃໝ່ 3 ສະຫາຍ; ສະມາຊິກພັກຍົກຍ້າຍໄປກົມກອງໃໝ່ 12 ສະຫາຍ, ນັກສຶກສາຮຽນຈົບ ສົກຮຽນ 2024-2025 ມີ 104 ສະຫາຍ, ອອກອຸດໜູນບຳນານ 9 ສະຫາຍ ແລະ ອອກອຸດໜູນບຳເນັດ 1 ສະຫາຍ ລວມຍົກຍ້າຍອອກທັງໝົດ 126 ສະຫາຍ ຕີລາ
ຄາແບ່ງປະເພດສະມາຊິກພັກແຂງ 358 ສະຫາຍ, ກາງ 3 ສະຫາຍ,
ບໍ່ໄດ້ແບ່ງປະເພດ 27 ສະຫາຍ. ຈາກນັ້ນ ກໍໄດ້ມອບບັດສະມາຊິກພັກ ໃຫ້ສະມາຊິກພັກສົມບູນ ຊຸດທີ 3 ແລະ ຊຸດທີ 4 ທົ່ວຄະນະພັກໂຮງຮຽນທິດສະດີການເມືອງກອງທັບຈຳນວນ 93 ສະຫາຍ.
ໂດຍ: ອະວິໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
