POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກຸມພາ 2026

ຄະນະຜູ້ແທນ ກະຊວງປ້ອງກັນປະເທດ ສໍາເລັດການເຂົ້າຮ່ວມ ກອງປະຊຸມເຄືອຂ່າຍສະຖາບັນປ້ອງກັນຊາດ ແລະ ຄວາມໝັ້ນຄົງອາຊຽນ
ເວລາອອກຂ່າວ: 2025-09-03 14:17:38 | ຜູ້ຂຽນ : admin2 | ຈຳນວນຄົນເຂົ້າຊົມ: 1324 | ຄວາມນິຍົມ:

ໃນທ້າຍເດືອນສິງຫາ ຜ່ານມາ, ຄະນະຜູ້ແທນ ກະຊວງປ້ອງກັນປະເທດ ແຫ່ງ ສປປ ລາວ ນຳໂດຍ ສະຫາຍ ພົນຈັດຕະວາ ຂວັນມິ່ງ ບິດາສັກ ຫົວໜ້າກົມ ວິທະຍາສາດ-ປະຫວັດສາດ ການທະຫານ ໄດ້ເຂົ້າຮ່ວມກອງປະຊຸມເຄືອຂ່າຍສະຖາບັນປ້ອງກັນຊາດ ແລະ ຄວາມໝັ້ນຄົງອາຊຽນ (NADI) ເຊິ່ງຈັດຂຶ້ນທີ່ເມືອງພັດທະຍາ ແຂວງຊົນບູລີ ປະເທດໄທ. ໂດຍພາຍໃຕ້ການເປັນເຈົ້າພາບ ແລະ ເປັນປະທານ ຂອງສະຖາບັນຄົ້ນຄວ້າວຽກງານປ້ອງກັນຊາດ ແຫ່ງ ຣາຊະອານາຈັກໄທ ກອງປະຊຸມໄດ້ດໍາເນີນໃນລະຫວ່າງ ວັນທີ 27-28 ສິງຫາ 2025 ເຊິ່ງກອງປະຊຸມໄດ້ປຶກສາຫາລືກ່ຽວກັບ ການນຳໃຊ້ AI ເຂົ້າໃນວຽກງານປ້ອງກັນຊາດ: “ ສັກກະຍະພາບ ແລະ ສິ່ງທ້າທາຍ ສຳລັບການຮ່ວມມື ຂອງກອງປະຊຸມລັດຖະມົນຕີປ້ອງກັນປະເທດອາຊຽນ’’. ສະຫາຍ ພັນໂທ ສຸກສັນ ຄ້າຍພົມ ຫົວໜ້າຫ້ອງການ ກົມ ວິທະຍາສາດ-ປະຫວັດສາດ ການທະຫານ ຕາງໜ້າໃຫ້ແກ່ຄະນະຜູ້ແທນຝ່າຍລາວ ໄດ້ປະກອບຄຳເຫັນ ກ່ຽວກັບ ການນຳໃຊ້ AI ເອໄອ ເຂົ້າໃນວຽກງານປ້ອງກັນຊາດ: “ເພື່ອຄວາມໝັ້ນຄົງໃນພາກພື້ນ ແລະ ທິດທາງການຮ່ວມມື ຂອງກອງປະຊຸມລັດຖະມົນຕີປ້ອງກັນປະເທດອາຊຽນໃນຕໍ່ໜ້າ’’ ບາງຕອນໄດ້ກ່າວວ່າ: ປັດຈຸບັນ AI ໄດ້ມີບາດສຳຄັນ ຕໍ່ວຽກງານປ້ອງກັນຊາດ ແລະ ຄວມໝັ້ນຄົງ ພາກພື້ນ, ການນຳໃຊ້ AI ໄດ້ສືບຕໍ່ເພີ່ມຂຶ້ນຢ່າງມີປະສິດທິພາບໃນໜ່ວຍງານປ້ອງກັນຊາດ.ນອກຈາກນີ້, ການນຳໃຊ້ AI ຍັງເປັນການຫຼຸດຜ່ອນຄວາມສ່ຽງຕໍ່ທະຫານໃນການສູ້ຮົບ, ແຕ່ເຖິງຢ່າງໃດກໍຕາມ ການນຳໃຊ້ສິ່ງດັ່ງກ່າວ ກໍຕ້ອງມີຄວາມຮັບຜິດຊອບ ໂດຍສະເພາະທາງດ້ານຈັນຍາບັນ, ດ້ານວິຊາການ, ຄວາມໂປ່ງໃສ ແລະ ຄວາມລໍາອຽງ. ການທຸ່ມເທໃຫ້ແກ່ AI ຫຼາຍເກີນໄປ ອາດເປັນຄວາມສ່ຽງເກີນໄປຕໍ່ການໂຈມຕີທາງອິນເຕີເນັດ ຂອງຝ່າຍກົງກັນຂ້າມ ລວມທັງຄວາມບໍ່ສະເໝີພາບໃນການນຳໃຊ້ AI ລະຫວ່າງ ບັນດາສະມາຊິກອາຊຽນດ້ວຍກັນ. ຕໍ່ບັນດາສິ່ງທ້າທາຍຕ່າງໆ ໃນຂະແໜງປ້ອງກັນຊາດ, ອາຊຽນຄວນເສີມຂະຫຍາຍຄວາມຮັບຮູ້ ຂອງຂອງພະນັກງານ-ນັກຮົບ ໃນການຮັບມືກັບໄພຂົ່ມຂູ່ທາງອິນເຕີເນັດ ແລະ ການເຝິກອົບຮົມວຽກງານດັ່ງກ່າວຮ່ວມກັນ ຂອງປະເທດສະມາຊິກອາຊຽນ. ປັດຈຸບັນ AI ໄດ້ກາຍເປັນເຄື່ອງມືທີ່ສຳຄັນ ແລະ ໄດ້ຮັບການດຶງດູດຄວາມສົນໃຈຫຼາຍຂຶ້ນໃນຂະແໜງປ້ອງກັນຊາດ ໂດຍສະເພາະພາຍໃຕ້ກອງປະຊຸມລັດຖະມົນຕີປ້ອງກັນປະເທດອາຊຽນ (ADMM) ແລະ ກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ (ADMM-Plus) ເຊິ່ງກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ໄດ້ຖະແຫຼງການຮ່ວມຂອງລັດຖະມົນຕີປ້ອງກັນປະເທດອາຊຽນ ກ່ຽວກັບການຮ່ວມມືດ້ານປັນຍາປະດິດໃນຂະແໜງການປ້ອງກັນປະເທດ ທີ່ກອງປະຊຸມລັດຖະມົນຕີປ້ອງກັນປະເທດອາຊຽນ ໃນເດືອນກຸມພາ 2025. ນອກຈາກນີ້, ກອງປະຊຸມ ຍັງໄດ້ປຶກສາຫາລືກ່ຽວກັບ: 1. ການນຳໃຊ້ AI ໃນການປ້ອງກັນປະເທດ: ຜົນກະທົບຕໍ່ຄວາມໝັ້ນຄົງໃນພາກພື້ນ ແລະ ວິທີການຕໍ່ໜ້າສໍາລັບການຮ່ວມມືກອງປະຊຸມລັດຖະມົນຕີປ້ອງກັນປະເທດອາຊຽນ; 2. ຂໍ້ສະເໜີຕ່າງໆ ຂອງກອງປະຊຸມ ເຄືອຂ່າຍສະຖາບັນປ້ອງກັນຊາດ ແລະ ຄວາມໝັ້ນຄົງອາຊຽນ ໄປຍັງກອງປະຊຸມລັດຖະມົນຕີປ້ອງກັນປະເທດ ເພື່ອຄົ້ນຄວ້າພິຈາລະນາ; 3. ເອກະພາບແຜນການຈັດກອງປະຊຸມ ເຄືອຂ່າຍສະຖາບັນ ແລະ ຄວາມໝັ້ນຄົງອາຊຽນ ໃນທ້າຍປີ 2025 ແລະ ປີ 2026.

news to day and hot news