POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 18 ເມສາ 2026

ພະແນກສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ ຊຸກຍູ້ວຽກງານ 3 ດີ ຢູ່ອົງການໄອຍະການທະຫານຂັ້ນສູງ
ເວລາອອກຂ່າວ: 2025-08-13 15:51:29 | ຜູ້ຂຽນ : admin2 | ຈຳນວນຄົນເຂົ້າຊົມ: 1355 | ຄວາມນິຍົມ:

ວັນທີ 13 ສິງຫາ 2025 ນີ້, ພະແນກສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ ໄດ້ຊຸກຍູ້ວຽກງານ 3 ດີ ຢູ່ອົງການໄອຍະການທະຫານຂັ້ນສູງ, ໂດຍການເປັນປະທານ ຂອງ ສະຫາຍ ພັນເອກ ຄໍາຫຼ້າ ນັນທະລັດ ຮອງຫົວໜ້າອົງການໄອຍະການທະຫານຂັ້ນສູງ, ຜູ້ຊີ້ນຳອົງການຈັດຕັ້ງມະຫາຊົນ, ມີສະຫາຍ ພັນຕີ ນາງ ສຸພາບ ມະນີວົງ ຮອງຫົວໜ້າພະແນກສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ, ມີຄະນະໜ່ວຍ, ຫົວໜ້າຈຸ ສະຫະພັນແມ່ຍິງພາຍໃນອົງການໄອຍະການທະຫານຂັ້ນສູງເຂົ້າຮ່ວມ. ສະຫາຍ ພັນໂທ ນາງ ຂັນເງິນ ຫຼວງລາດ ເລຂາໜ່ວຍສະຫະພັນແມ່ຍິງ ອົງການໄອຍະການທະຫານຂັ້ນສູງ ໄດ້ຍົກໃຫ້ເຫັນຜົນສໍາເລັດໃນການຈັດຕັ້ງຜັນຂະຫຍາຍເນື້ອໃນຂໍ້ແຂ່ງຂັນ 3 ດີ ຂອງແມ່ຍິງລາວວາງອອກ ເຊິ່ງໄລຍະຜ່ານມາ, ຄະນະໜ່ວຍສະຫະພັນແມ່ຍິງ ອົງການໄອຍະການທະຫານຂັ້ນສູງ ໄດ້ນໍາເອົາເນື້ອໃນຂໍ້ແຂ່ງຂັນ 3 ດີ ມາຈັດຕັ້ງເຜີຍແຜ່ປຸກລະດົມຂະບວນການຢ່າງກວ້າງຂວາງ ເພື່ອສຶກສາອົບຮົມໃຫ້ສະມາຊິກສະຫະພັນແມ່ຍິງ ໄດ້ຮັບຮູ້ ແລະ ເຂົ້າໃຈ ເຊິ່ງມີຄະນະພັກ-ຄະນະນໍາ ຜູ້ຊີ້ນໍາອົງການຈັດຕັ້ງມະຫາຊົນ ເປັນຜູ້ຊີ້ນໍາໂດຍກົງ, ພ້ອມທັງໄດ້ສ້າງແຜນຂໍທິດຊີ້ນໍາຈາກຄະນະພັກ-ຄະນະນໍາ ເພື່ອເຄື່ອນໄຫວຕາມແຜນການຂັ້ນຕອນ ຂອງການເປີດຂະບວນການຂໍ້ແຂ່ງຂັນ 3 ດີ ມອບຄວາມຮັບຜິດຊອບໃຫ້ແຕ່ລະສະຫາຍ ພ້ອມກັນນໍາໄປຈັດຕັ້ງປະຕິບັດໃຫ້ມີປະສິດທິຜົນ, ໜ່ວຍສະຫະພັນແມ່ຍິງ ອົງການໄອຍະການທະຫານຂັ້ນສູງ ໄດ້ຮັບຮອງເອົາ 8 ແຜນງານ 17 ໂຄງການ ຂອງສະຫະພັນແມ່ຍິງກອງທັບວາງອອກ, ເນື້ອໃນຂໍ້ແຂ່ງຂັນ 3 ດີ (ພົນລະເມືອງດີ, ພັດທະນາດີ, ຄອບຄົວດີ) ໃນນັ້ນ, ໄດ້ຕິດຕາມກວດກາການເຄື່ອນໄຫວຂອງສະມາຊິກສະຫະພັນແມ່ຍິງ ສັງເກດຕີລາຄາ ຢັ້ງຢືນໃນການປະຕິບັດໃຫ້ຖືກຕ້ອງສອດຄ່ອງຕາມແຜນທີ່ວາງໄວ້, ສົມທົບກັບຄະນະພັກ-ຄະນະນໍາ ເພື່ອຂໍທິດຊີ້ນໍາ ຈາກຄະນະພັກ-ຄະນະນໍາ ໃນການເຄື່ອນໄຫວຂະບວນການດັ່ງກ່າວ ໃຫ້ໄດ້ຮັບຜົນດີ ແລະ ການເຄື່ອນໄຫວວຽກງານຂໍ້ແຂ່ງຂັນ 3 ດີ ແມ່ນຕິດພັນກັບຂະບວນການລວມ ຂອງຄະນະພັກ-ຄະນະນໍາ ໃນອົງການໄອຍະການທະຫານຂັ້ນສູງ, ໜ່ວຍສະຫະພັນແມ່ຍິງ ໄດ້ສະຫຼຸບປະເມີນຜົນການຈັດຕັ້ງຂໍ້ແຂ່ງຂັນ 3 ດີ ປະຈໍາ ແຕ່ລະປີ ເພື່ອຕີລາຄາຜົນໄດ້ຮັບດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ພ້ອມທັງຄັດເລືອກ ຜົນງານການຈັດຕັ້ງປະຕິບັດຂໍ້ແຂ່ງຂັນ 3 ດີຄື: ພົນລະເມືອງດີ, ພັດທະນາດີ, ສ້າງຄອບຄົວດີ, ບຸກຄົນ 3 ດີ ແລະ ກົມກອງ 3 ດີ. ຜ່ານການກວດກາປະເມີນຜົນການຈັດຕັ້ງປະຕິບັດວຽກງານຂະບວນການຂໍ້ແຂ່ງຂັນ 3 ດີ ໃນໜ່ວຍສະຫະພັນແມ່ຍິງ ອົງການໄອຍະການທະຫານຂັ້ນສູງ ໃນໄລຍະຜ່ານມາມີຄື: ພົນລະເມືອງດີ ຈໍານວນ 11 ສະຫາຍ, ພັດທະນາດີ ຈໍານວນ 11 ສະຫາຍ, ສ້າງຄອບຄົວດີ ຈໍານວນ 9 ຄອບຄົວ, ບຸກຄົນ 3 ດີ ປະເພດ I ຈໍານວນ 9 ສະຫາຍ, ບຸກຄົນ 3 ດີ ປະເພດ II ຈໍານວນ 2 ສະຫາຍ, ກົມກອງນໍາພາ-ຊີ້ນໍາຂະບວນການຂໍ້ແຂ່ງຂັນ 3 ດີ ຈໍານວນ 1 ອົງການ ແລະ ໜ່ວຍສະຫະພັນແມ່ຍິງ 3 ດີ ຈໍານວນ 1 ໜ່ວຍ. ໂດຍ: ຈອນນີ້ ອິນທະວົງ

news to day and hot news