POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ພະຈິກ 2025

ໂຮງໝໍສູນກາງ 103 ກອງທັບ ເຜີຍແຜ່ມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX
ເວລາອອກຂ່າວ: 2025-08-01 13:35:10 | ຜູ້ຂຽນ : admin2 | ຈຳນວນຄົນເຂົ້າຊົມ: 1601 | ຄວາມນິຍົມ:

ວັນທີ 31 ກໍລະກົດ ຜ່ານມານີ້, ໂຮງໝໍສູນກາງ 103 ກອງທັບ ໄດ້ເຜີຍແຜ່ມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX ໂດຍການເປັນປະທານ ຂອງສະຫາຍ ພົນຈັດຕະວາ ດຣ ນາງ ມາລີວອນ ສຸລິຍະແສງ ຫົວໜ້າການເມືອງ ໂຮງໝໍສູນກາງ 103 ກອງທັບ, ມີ ຄະນະພັກ-ຄະນະອຳນວຍການ, ຄະນະຫ້ອງ, ພະແນກການ ພ້ອມດ້ວຍສະມາຊິກສະຫະພັນແມ່ຍິງ ທົ່ວໂຮງໝໍສູນກາງ 103 ກອງທັບເຂົ້າຮ່ວມ. ສະຫາຍ ພັນໂທ ນາງ ໄພສີ ແກ້ວອຸດອນ ຫົວໜ້າພະແນກສະຫະພັນແມ່ຍິງ ໂຮງໝໍສູນກາງ 103 ກອງທັບ ໄດ້ຜ່ານມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX ວ່າ: ກອງປະຊຸມໄດ້ຮັບຮອງເອົາເນື້ອໃນສຳຄັນຫຼາຍບັນຫາທີ່ເປັນພື້ນຖານໃຫ້ແກ່ການເຄື່ອນໄຫວຈັດຕັ້ງປະຕິບັດວຽກງານຂອງສະຫະພັນແມ່ຍິງໃນທົ່ວກອງທັບ ໃຫ້ມີທ່າກ້າວຂະຫຍາຍຕົວຍິ່ງໆ ຂຶ້ນ ໃນນີ້, ກອງປະຊຸມໄດ້ຕົກລົງຮັບຮອງເອົາບົດລາຍງານການເມືອງ ເຊິ່ງໄດ້ສະຫຼຸບຕີລາຄາຢ່າງພາວະວິໄສ ຕໍ່ຜົນງານການເຄື່ອນໄຫວຂອງຄະນະນໍາແມ່ຍິງ, ສະມາຊິກສະຫະພັນແມ່ຍິງ ໃນການຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ VIII ມີຜົນສໍາເລັດເປັນກ້າວໆ ເຊິ່ງຜົນສໍາເລັດດັ່ງກ່າວ ໄດ້ຢັ້ງຢືນເຖິງການປະກອບສ່ວນການຈັດຕັ້ງປະຕິບັດ ມະຕິ ວ່າດ້ວຍ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຮັບຮອງເອົາທິດທາງແຜນການ ຂອງະຫະພັນແມ່ຍິງທົ່ວກອງທັບໃນໄລຍະ 5 ປີ ຕໍ່ໜ້າ, ໄດ້ຮັບຟັງບົດສະຫຼຸບການຈັດຕັ້ງປະຕິບັດແຜນພັດທະນາແມ່ຍິງກອງທັບ 5 ປີ (2021-2025) ແລະ ທິດທາງແຜນການໃນ 5 ປີ ຕໍ່ໜ້າ (2026-2030), ຮັບຟັງການປະກອບຄໍາເຫັນຂອງອົງການພາຄີ, ຄະນະພັກ-ຄະນະບັນຊາ, ຄະນະນໍາສະຫະພັນແມ່ຍິງ ໃນການເຄື່ອນໄຫວວຽກງານຮອບດ້ານ ແລະ ບັນດາຕົວແບບດ້ານຕ່າງໆ, ຮັບຮອງເອົາມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX ເພື່ອນຳໄປຈັດຕັ້ງປະຕິບັດໃຫ້ມີຜົນສໍາເລັດຕາມຄາດໝາຍ, ກອງປະຊຸມ ໄດ້ຮັບຟັງການໂອ້ລົມຈາກຂັ້ນເທິງ ເຊິ່ງເປັນເຂັມຊີ້ທິດເຍືອງທາງ ເປັນຄະຕິເຕືອນໃຈ ທັງເປັນການມອບໝາຍໜ້າທີ່ ໃຫ້ແກ່ສະມາຊິກສະຫະພັນແມ່ຍິງທົ່ວກອງທັບ ເພື່ອຈັດຕັ້ງຜັນຂະຫຍາຍມະຕິກອງປະຊຸມໃນຄັ້ງນີ້ ໃຫ້ປະກົດຜົນເປັນຈິງ ແລະ ຮຽກຮ້ອງມາຍັງຄະນະນໍາສະຫະພັນແມ່ຍິງທຸກຂັ້ນ ຈົ່ງເຊີດຊູຄວາມເປັນແບບຢ່າງນໍາໜ້າໃນທຸກດ້ານ, ສະມາຊິກສະຫະພັນແມ່ຍິງ ຈົ່ງເພີ່ມທະວີຄວາມສາມັກຄີເປັນເອກະພາບເຂົ້າຮ່ວມໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX, ຕັ້ງໜ້າຜັນຂະຫຍາຍແນວທາງນະໂຍບາຍຂອງພັກ, ກົດໝາຍຂອງລັດ ໃນການພັດທະນາຄວາມສະເໝີພາບ ຍິງ-ຊາຍ ຕິດພັນກັບການພັດທະນາປະເທດຊາດ, ເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວ ເຂົ້າໃນການດໍາລົງຊີວິດ, ການພົວພັນຄອບຄົວ ແລະ ສັງຄົມ ເພື່ອສ້າງໃຫ້ຄອບຄົວໄດ້ຮັບການພັດທະນາມີຄວາມອົບອຸ່ນ ແລະ ມີຄວາມສຸກ ທັງນີ້, ເພື່ອເປັນການຍົກສູງບົດບາດການນຳພາ-ບັນຊາ ເຂົ້າໃນໜ້າທີ່ການເມືອງຂອງຕົນຢ່າງຕັ້ງໜ້າດ້ວຍຄວາມຮັບຜິດຊອບສູງ ແລະ ມີຜົນສຳເລັດ. ໂອກາດນີ້, ສະຫາຍ ພົນຈັດຕະວາ ດຣ ນາງ ມາລີວອນ ສຸລິຍະແສງ ໄດ້ເນັ້ນໜັກໃຫ້ສະມາຊິກສະຫະພັນແມ່ຍິງທຸກຂັ້ນ ຈົ່ງຍົກສູງບົດບາດການນຳພາໃນວຽກງານສຶກສາອົບຮົມການເມືອງ-ນຳພາແນວຄິດເປັນກົກ, ເອົາໃຈໃສ່ປັບປຸງການດຳລົງຊິວິດ ແລະ ມີທັດສະນະແບບແຜນວິທີເຮັດວຽກໃຫ້ສອດຄ່ອງກັບສະພາບຂອງກົມກອງ ໂດຍກຳແໜ້ນຕໍ່ແນວທາງນະໂຍບາຍຂອງພັກ-ລັດ ແລະ ເອົາໃຈໃສ່ປະປຕິບັດຂໍ້ກຳນົດ, ກົດລະບຽບຂອງກອງທັບ ໃຫ້ມີຄວາມໜັກແໜ້ນ, ເພີ່ມທະວີຄວາມສາມັກຄີພາຍໃນແໜ້ນແຟ້ນປະຕິບັດລວມສູນປະຊາທິປະໄຕ ເຮັດວຽກເປັນໝູ່ຄະນະ ແບ່ງບຸກຄົນຮັບພິຊອບ ແລະ ຍົກສູງສະຕິຄວາມເປັນເຈົ້າການຂອງຕົນຢ່າງຕັ້ງໜ້າ, ເຝິກຝົນຫຼໍ່ຫຼອມຕົນເອງໃຫ້ມີຄຸນສົມບັດສິນທຳປະຕິວັດ ແລະ ມີຄຸນທາດການເມືອງໜັກແໜ້ນ ພ້ອມກັນພັດທະນາກອງທັບໃຫ້ມີຄວາມເຕີບໃຫຍ່ເຂັ້ມແຂງ ແລະ ທັນສະໄໝ. ໂດຍ: ຕຸ້ຍ ອິນທະວົງ ພາບໂດຍ: ເລີດວິໄລ ວົງຈໍາປາ

news to day and hot news