POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 07 ມິຖຸນາ 2026

ສານທະຫານຂັ້ນສູງ ສະຫຼຸບການເຄື່ອນໄຫວ ວຽກງານ 6 ເດືອນຕົ້ນປີ 2025
ເວລາອອກຂ່າວ: 2025-08-01 09:09:39 | ຜູ້ຂຽນ : admin1 | ຈຳນວນຄົນເຂົ້າຊົມ: 1060 | ຄວາມນິຍົມ:

ໃນວັນທີ 30 ກໍລະກົດ 2025 ນີ້, ສານທະຫານຂັ້ນສູງ ໄດ້ຈັດກອງປະຊຸມ ສະຫຼຸບການເຄື່ອນໄຫວວຽກງານ 6 ເດືອນຕົ້ນປີ ແລະ ວາງທິດທາງ 6 ເດືອນທ້າຍປີ 2025, ໂດຍການເປັນປະທານຂອງ ສະຫາຍ ພັນເອກ ສິງທອງ ຄຳປະເສີດ ປະທານສານທະຫານຂັ້ນສູງ, ມີຄະນະພັກ-ຄະນະບັນຊາ, ພະແນກການ ແລະ ພະນັກງານ-ນັກຮົບ ທົ່ວສານທະຫານຂັ້ນສູງ ເຂົ້າຮ່ວມ. ສະຫາຍ ພັນໂທ ວຽງວິໄລສັກ ແສງສຸລິນ ຫົວໜ້າຫ້ອງການແຜນການ-ສັງລວມ ໄດ້ຜ່ານບົດສະຫຼຸບວຽກງານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2025 ເຊິ່ງໃນໄລຍະຜ່ານມາ, ຄະນະພັກ-ຄະນະບັນຊາ ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບໃນກົມກອງເປັນກົກ ແລະ ເຮັດເປັນປະຈຳ ດ້ວຍຫຼາຍຮູບການ-ວິທີການ ທີ່ຖືກຕ້ອງເໝາະສົມຕາມທິດຊີ້ນຳ, ມະຕິ, ຄຳສັ່ງຂອງຂັ້ນເທິງ ແລະ ເງື່ອນໄຂ ພ້ອມນີ້, ໄດ້ຈັດຕັ້ງພະນັກງານເຂົ້າຮ່ວມຄົ້ນຄວ້າເຊື່ອມຊຶມເອກະສານ ແນວທາງນະໂຍບາຍ ຂອງພັກ, ມະຕິ, ຄຳສັ່ງຕ່າງໆຂອງຂັ້ນເທິງ, ເຂົ້າຮ່ວມຟັງປາຖະກະຖາມູນເຊື້ອວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ແລະ ຂອງອົງການຈັດ ມະຫາຊົນ, ຈັດຕັ້ງເປີດກອງປະຊຸມສະຫຼຸບ ປະຈຳໄຕມາດ I ແລະ ສ້າງຂະບວນການແຂ່ງຂັນຢູ່ໃນກົມກອງ , ປະຕິບັດລະບອບດຳເນີນຊີວິດການສ່ອງແສງລາຍງານປະຈຳອາທິດ, ປະຈຳເດືອນປົກກະຕິ ໃນຂັ້ນຄະນະພັກ-ຄະນະບັນຊາ, ຂັ້ນພະແນກ, ອົງການຈັດຕັ້ງມະຫາຊົນ. ຜ່ານການຈັດຕັ້ງປະຕິບັດວຽກງານສາມາດ ຕີລາຄາໄດ້ວ່າ: ພະນັກງານ, ສະມາຊິກພັກ ແລະ ະນັກງານ-ນັກຮົບໃນທົ່ວສານທະຫານ ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄວາມສະຫງົບ, ມີຄວາມຈົງຮັກພັກດີ, ຍອມອຸທິດຕົນເພື່ອພາລະກິດຂອງພັກ, ມີສະຕິຕໍ່ການຈັດຕັ້ງ, ປະຕິບັດລະບຽບວິໄນຂອງກອງທັບ, ກົດໝາຍຂອງລັດ ໄດ້ເປັນຢ່າງດີ, ມີຄວາມສາມັກຄີເປັນໜຶ່ງດຽວແລະ ເຮັດສຳເລັດໜ້າທີ່ການເມືອງ ທີ່ພັກ-ລັດ ແລະ ກອງທັບມອບໝາຍໃຫ້. ຈາກນັ້ນ, ຜູ້ເຂົ້າຮ່ວມກອງປະຊຸມ ໄດ້ພ້ອມກັນປະກອບຄຳຄິດເຫັນ ເພື່ອເຮັດໃຫ້ບົດສະຫຼຸບ ແລະ ທິດທາງແຜນການມີເນື້ອໃນຄົບຖ້ວນສົມບູນ ຕື່ມອີກ. ໂອກາດນີ້, ສະຫາຍປະທານກອງປະຊຸມໄດ້ສະແດງຄວາມຊົມເຊີຍຕໍ່ບັນດາຜົນງານທີ່ພ້ອມກັນສ້າງໄດ້ໃນໄລຍະຜ່ານມາ ແລະ ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ ສືບຕໍ່ຍົກສູງຄວາມຮັບຜິດຊອບການເມືອງຂອງຕົນ ພ້ອມກັນເຮັດສຳເລັດໜ້າທີ່ຕາມການມອບໝາຍຂອງຂັ້ນເທິງ. ພ້ອມນີ້, ສະຫາຍປະທານໄດ້ຫວນຄືນການກຳເນີດເຕີບໃຫຍ່, ມູນເຊື້ອແລະ ຜົນງານຂອງສານທະຫານ ເນື່ອງໃນໂອກາດ ວັນສ້າງຕັ້ງສານທະຫານ ຄົບຮອບ 43 ປີ (13 ກໍລະກົດ 1982-13 ກໍລະກົດ 2025). ໂດຍ: ນາງ ໜູແດງ ພົມມະສອນ

news to day and hot news