POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 09 ມີນາ 2026

ໂຮງຮຽນວັດທະນະທຳຊົນເຜົ່າກອງທັບ ປະກາດການເລື່ອນຊັ້ນ, ເລື່ອນທຽບຊັ້ນ, ປະດັບທຽບຊັ້ນ ແລະ ຍົກຂັ້ນເງິນເດືອນໃຫ້ນາຍທະຫານ
ເວລາອອກຂ່າວ: 2025-07-09 10:06:50 | ຜູ້ຂຽນ : admin2 | ຈຳນວນຄົນເຂົ້າຊົມ: 1034 | ຄວາມນິຍົມ:

ໃນວັນທີ 8 ກໍລະກົດ 2025 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຕັ້ງພິທີ ປະກາດການເລື່ອນຊັ້ນ, ເລື່ອນທຽບຊັ້ນ, ປະດັບທຽບຊັ້ນ ແລະ ຍົກຂັ້ນເງິນເດືອນໃຫ້ນາຍທະຫານ ຢູ່ໂຮງຮຽນວັດທະນະທຳຊົນເຜົ່າກອງທັບ ໂດຍການເປັນປະທານ ຂອງສະຫາຍ ພັນເອກ ປອ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງ ໂຮງຮຽນວັດທະນະທໍາຊົນເຜົ່າກອງທັບ, ມີບັນດາຄະນະພັກ-ຄະນະອຳນວຍການ, ຄະນະອົງການ 4 ຫ້ອງ, 2 ກອງພັນ, ພະແນກການ ແລະພາກສ່ວນກ່ຽວຂ້ອງເຂົ້າຮ່ວມ. ສະຫາຍ ພັນຕີ ສຸວັນນິ ບຸດທະວົງ ຮອງຫົວໜ້າພະແນກພະນັກງານ ຫ້ອງການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ວ່າດ້ວຍການຍົກຂັ້ນເງິນເດືອນ, ຂໍ້ຕົກລົງ ວ່າດ້ວຍການເລື່ອນຊັ້ນ, ເລື່ອນທຽບຊັ້ນ, ປະດັບທຽບຊັ້ນ ໃຫ້ນາຍທະຫານຢູ່ ໂຮງຮຽນວັດທະນະທໍາຊົນເຜົ່າກອງທັບ ໃນນັ້ນ, ຍົກຂັ້ນເງິນເດືອນ ຊັ້ນ ພັນໂທ ຂຶ້ນຮັບເງິນ ຊັ້ນ ພັນເອກ ຈຳນວນ 2 ສະຫາຍ, ເລື່ອນຊັ້ນ, ເລື່ອນທຽບຊັ້ນ ຮ້ອຍເອກ ຂຶ້ນ ພັນຕີ ຈຳນວນ 5 ສະຫາຍ, ເລື່ອນຊັ້ນ, ເລື່ອນທຽບຊັ້ນ ຮ້ອຍໂທ ຂຶ້ນ ຮ້ອຍເອກ ຈຳນວນ 8 ສະຫາຍ, ເລື່ອນຊັ້ນ, ເລື່ອນທຽບຊັ້ນ ຮ້ອຍຕີ ຂຶ້ນ ຮ້ອຍໂທ ຈຳນວນ 4 ສະຫາຍ ແລະ ປະດັບທຽບຊັ້ນ ຮ້ອຍໂທ ໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ ຈຳນວນ 13 ສະຫາຍ. ໂອກາດນີ້, ສະຫາຍ ພັນເອກ ປອ ສະແຫວງ ແດນນາມົນ ໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ໄດ້ຮັບການເລື່ອນຊັ້ນໃໝ່ ແລະ ຕີລາຄາສູງຕໍ່ໝາກຜົນ ຂອງການປະຕິບັດໜ້າທີ່ວຽກງານ, ການເຝິກຝົນຫຼໍ່ຫຼອມຕົນເອງ ພ້ອມທັງ ເນັ້ນໜັກໃຫ້ເອົາໃຈໃສ່ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ, ເປັນແບບຢ່າງທີ່ດີໃນການປະຕິບັດລະບຽບວິໄນ, ປະຕິບັດທຸກມະຕິ, ຄໍາສັ່ງ ທີ່ການຈັດຕັ້ງຂັ້ນເທິງວາງອອກ, ສືບຕໍ່ເຝິກຝົນຫຼໍ່ຫຼອມຕົນເອງໃນທຸກດ້ານ ແລະ ອອກແຮງຄົ້ນຄວ້າຮໍ່າຮຽນວຽກງານຂອງກອງທັບໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ໂດຍສະເພາະມູນເຊື້ອການຕໍ່ສູ້, ຄວາມສາມັກຄີ ແລະ ຄວາມເສຍສະຫຼະຂອງກອງທັບ ເພື່ອກາຍເປັນພະນັກງານຜູ້ສືບທອດປ່ຽນແທນທີ່ດີຂອງກອງທັບໃນຕໍ່ໜ້າ ແລະ ຍາວນານ. ໂດຍ: ໂອລິນ ມິ່ງມີໄຊ

news to day and hot news