POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ໜ່ວຍສະຫະພັນແມ່ຍິງໂຮງຮຽນການທະຫານທ້ອງຖິ່ນ ແຂວງເຊກອງ ສຳເລັດກອງປະຊຸມໃຫຍ່ ຄັ້ງທີ II
ເວລາອອກຂ່າວ: 2025-07-09 09:43:45 | ຜູ້ຂຽນ : admin1 | ຈຳນວນຄົນເຂົ້າຊົມ: 1605 | ຄວາມນິຍົມ:

ວັນທີ 18 ມິຖຸນາ ຜ່ານມາ, ໜ່ວຍສະຫະພັນແມ່ຍິງໂຮງຮຽນການທະຫານທ້ອງຖິ່ນແຂວງເຊກອງສຳເລັດກອງປະຊຸມໃຫຍ່ ຄັ້ງທີ II. ໂດຍການເປັນປະທານຂອງ ສະຫາຍ ພັນໂທ ວັນພຽນ ໂດວັນຮຽນ ຄະນະພັກຮາກຖານ ຮອງຫ້ອງການເມືອງກອງບັນຊາການທະຫານແຂວງເຊກອງ, ມີບັນດາສະຫາຍພະແນກການທີ່ກ່ຽວຂ້ອງ, ແຂກຖືກເຊີນ ພ້ອມດ້ວຍສະມາຊິກສະຫະພັນແມ່ຍິງ ເຂົ້າຮ່ວມຢ່າງພ້ອມພຽງ. ສະຫາຍ ພັນຕີ ນາງ ເພັດສະໝອນ ສີນສຸໂນ ໄດ້ລາຍງານສະພາບການເຄື່ອນໄຫວວຽກງານຂອງໜ່ວຍສະຫະພັນແມ່ຍິງໂຮງຮຽນການທະຫານທ້ອງຖິ່ນໃນໄລຍະປີຜ່ານມາ (2021-2024) ເຊິ່ງຕະຫຼອດໄລຍະ 3 ປີຜ່ານມາ ຄະນະໜ່ວຍສະພັນແມ່ຍິງໂຮງຮຽນ ໄດ້ພ້ອມດ້ວຍສະມາຊິກແຕ່ລະສະຫາຍໄດ້ພ້ອມກັນຈັດຕັ້ງປະຕິບັດໄປຕາມແນວທາງຂອງພັກ ແລະ ພ້ອມກັນຈັດຕັ້ງ ຜັນຂະ ຫຍາຍຜົນສຳເລັດກອງປະຊຸມໃຫຍ່ຕ່າງໆຂອງຊາດຂອງພັກ ເພື່ອແນ່ໃສ່ເຮັດໃຫ້ພະນັກງານ, ສະມາຊິກສະຫະພັນແມ່ຍິງແຕ່ລະສະຫາຍ, ມີຄວາມຮັບຮູ້ເຂົ້າໃຈຕໍ່ແນວທາງພັກ, ກົດໝາຍຂອງລັດ, ກົດລະບຽບຂອງກອງທັບ ກໍຄືກົດລະບຽບຂອງແມ່ຍິງວາງອອກຢ່າງກວ້າງຂວາງເລິກເຊິ່ງ ແລະ ໜັກແໜ້ນທາງດ້ານການ ເມືອງ-ແນວຄິດ, ມີຄຸນສົມບັດສິນທຳປະຕິວັດ, ມີຄວາມອຸ່ນອຽນທຸນທ່ຽງ, ເຊື່ອໝັ້ນຕໍ່ການນຳພາຂອງພັກ, ປະຕິບັດໜ້າທີ່ວຽກງານທີ່ຂັ້ນເທິງມອບໝາຍ ມີຄວາມສຳເລັດຮອບດ້ານ, ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆຕໍ່ແມ່ຍິງໄດ້ຫຼຸດໜ້ອຍຖອຍລົງໄປເທື່ອລະກ້າວ. ນອກນັ້ນ, ຄະນະໜ່ວຍຍັງໄດ້ຊຸກຍູ້ປຸກລະ ດົມບັນດາສະຫາຍໃນໜ່ວຍພ້ອມກັນສ້າງແຫຼ່ງລາຍຮັບຈາກການປູກຝັງ-ລ້ຽງສັດ ເພື່ອແກ້ໄຂຊີວິດການເປັນຢູ່ຂອງກົມກອງ ແລະ ຄອບຄົວ ເວົ້າສະເພາະກໍຄືສ້າງກອງທຶນໃຫ້ໜ່ວຍໄດ້ມີລາຍຮັບເພີ່ມຂຶ້ນ ປະຈຸບັນລາຍຮັບທີ່ເປັນກອງທຶນໝູນວຽນໄດ້ທັງໝົດ 6.700.000 ກວ່າກີບ. ຄາດໝາຍສູ້ຊົນໃນສຸມປີຕໍ່ໜ້າສືບຕໍ່ປັບປຸງໃນການຊີ້ນຳ-ນຳພາທາງດ້ານການເມືອງ-ແນວຄິດໃຫ້ມີຄວາມໜັກແໜ້ນເຂັ້ມແຂງ ແລະ ສອດຄ່ອງກັບສະພາບຄວາມເປັນຈິງໃຫ້ດີຂຶ້ນກວ່າເກົ່າ, ສືບຕໍ່ກໍ່ສ້າງ ພະນັກງານແຕ່ລະສະຫາຍໃຫ້ໄດ້ຍົກລະດັບຄວາມຮູ້ ຄວາມສາມາດທາງດ້ານວິຊາສະເພາະສູງຂຶ້ນ ແລະ ມີຄວາມຮັບຜິດຊອບຕໍ່ໜ້າທີ່ວຽກງານສູງ, ສືບຕໍ່ຮັກສາ ມູນເຊື້ອຄວາມສາມັກຄີເປັນປຶກແຜນ ແລະ ສິ່ງດີງາມຂອງຊາດ, ຮັກສາມູນເຊື້ອຂະນົບທຳນຽມທີ່ເປັນເອກະລັກສະເພາະຂອງແມ່ຍິງລາວໃຫ້ສູງຂຶ້ນຢ່າງບໍ່ຢຸດຢັ້ງ. ຈາກນັ້ນ, ກອງປະຊຸມກໍໄດ້ປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງໂຮງຮຽນຊຸດໃໝ່ 3 ສະຫາຍຄື: ສະຫາຍ ຮ້ອຍໂທ ນາງ ວິດາໄລ ແກ້ວມະນີຄຳ ເປັນເລຂາ, ສະຫາຍ ຮ້ອຍຕີ ນາງ ນ້ອຍຄຳ ສີຫາ ເປັນຮອງເລຂາ ແລະ ສະຫາຍ ຮ້ອຍໂທ ນາງ ອິນທາ ວິໄລຈ່ອຍ ເປັນກຳມະການ. ຂ່າວ: ກອງຄຳ ຈິ່ງດ້າຍອດ

news to day and hot news