ວັນເສົາ, ວັນທີ 14 ກຸມພາ 2026
ເຄື່ອນໄຫວເຜີຍແຜ່ວຽກງານປູກຈິດສຳນຶກດ້ານຄວາມປອດໄພ ທາງຫຼວງ ຢູ່ ກອງພັນໃຫຍ່ 643
ເວລາອອກຂ່າວ: 2025-07-09 09:39:17 | ຜູ້ຂຽນ : admin1 | ຈຳນວນຄົນເຂົ້າຊົມ: 1664 | ຄວາມນິຍົມ: 
ໃນລະຫວ່າງວັນທີ 24 ມິ ຖຸນາ-4 ກໍລະກົດ 2025, ໜ່ວຍ ງານພະແນກໂຄສະນາຈະລາ ຈອນ ປກສ ແຂວງຊຽງຂວາງ ໄດ້ເຄື່ອນໄຫວເຜີຍແຜ່ໂຄສະນາປູກຈິດສຳນຶກກ່ຽວກັບວຽກງານຄວາມປອດໄພທາງຫຼວງ ເພື່ອຫຼຸດຜ່ອນການເກີດອຸບັດຕິເຫດຕາມທ້ອງຖະໜົນ ຢູ່ ກອງພັນ 977, ກອງພັນ 976, ກອງຮ້ອຍ 207 ແລະ ກອງຮ້ອຍ 159 ທີ່ຂຶ້ນກັບກອງພັນໃຫຍ່ 643, ໂດຍມີ ສະຫາຍ ພັນໂທ ວິລະວົງ ພົມມູນຕີ ຫົວໜ້າຂະແໜງປ້ອງກັນພາຍໃນ ກອງພັນໃຫຍ່ 643, ສະຫາຍ ຮ້ອຍເອກ ວັນທອນ ໄຊຍະສິນ ຮອງຫົວໜ້າໜ່ວຍງານໂຄສະນາພະແນກຈະລາຈອນ ປກສ ແຂວງຊຽງຂວາງ, ຄະນະວິຊາການ, ຄະນະພັກ-ຄະນະບັນຊາ ກອງ ພັນ, ກອງຮ້ອຍເອກະລາດ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ຮ້ອຍເອກ ວັນທອນ ໄຊຍະສິນ ພ້ອມດ້ວຍຄະນະໜ່ວຍງານ ໄດ້ຜັດປ່ຽນກັນບັນຍາຍເອກະສານ ໂດຍສະເພາະແມ່ນ ເອກະສານ ວ່າດ້ວຍກົດຈະລາ ຈອນທາງບົກ, ເອກະສານດຳລັດ ວ່າດ້ວຍການປັບໄໝ ແລະ ມາດຕະການອື່ນໆຕໍ່ຜູ້ລະເມີດກົດໝາຍ ແລະ ລະບຽບການກ່ຽວກັບການຈະລາຈອນທາງບົກ; ພ້ອມທັງ ບັນຍາຍຮູບພາບອຸບັດຕິເຫດຕາມທ້ອງຖະໜົນຫຼວງ ເພື່ອແນໃສ່ໂຄສະນາປູກຈິດສຳນຶກໃຫ້ ພະນັກງານ-ນັກຮົບ ຢູ່ ກອງພັນໃຫຍ່ 643 ມີຄວາມປອດໄພ ແລະ ຮັບຮູ້ເຂົ້າໃຈກ່ຽວກັບຜົນ ເສຍຫາຍຂອງການນຳໃຊ້ເສັ້ນ ທາງ, ຄວາມຮູ້ພື້ນຖານກ່ຽວກັບ ລະບຽບການຈະລາຈອນ, ຄຸນ ສົມບັດ ແລະ ມາລະຍາດໃນການຂັບຂີ່, ການນຳໃຊ້ລົດ, ໃຊ້ຖະໜົນໃຫ້ມີຄວາມປອດໄພ ແລະ ວິທີການປ້ອງກັນເພື່ອສ່ຽງອຸບັດຕິເຫດທີ່ຈະເກີດຂຶ້ນ.
ໂດຍ: ຄຳໝັ້ນ ຄົງວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
