POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກໍລະກົດ 2025

ຫ້ອງການເມືອງ ກົມໃຫຍ່ການເມືອງກອງທັບ ເຄື່ອນໄຫວປະເມີນຜົນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຢູ່ກອງຫໍພິພິທະພັນປະຫວັດສາດກອງທັບ
ເວລາອອກຂ່າວ: 2025-07-04 15:00:27 | ຜູ້ຂຽນ : admin2 | ຈຳນວນຄົນເຂົ້າຊົມ: 1262 | ຄວາມນິຍົມ:

ວັນທີ 2 ກໍລະກົດ 2025 ນີ້, ຢູ່ທີ່ ກອງຫໍພິພິທະພັນປະຫວັດສາດກອງທັບ ໄດ້ເປີດກອງປະຊຸມ ສະຫຼຸບຕີລາຄາປະເມີນຜົນການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2025 ແລະ ວາງທິດທາງແຜນການ ປີ 2026 ຂອງໜ່ວຍພັກ ກອງຫໍພິພິທະພັນປະຫວັດສາດກອງທັບ, ໂດຍການເປັນປະ ທານ ຂອງສະຫາຍ ພັນເອກ ບຸນເພັງ ແກ້ວນາທີ ຮອງຫົວໜ້າຫ້ອງການເມືອງ ກົມໃຫຍ່ການເມືອງກອງທັບ ພ້ອມດ້ວຍຄະນະ, ມີຄະນະພັກ-ຄະນະອໍານວຍການ ກອງຫໍພິພິທະພັນປະຫວັດສາດກອງທັບເຂົ້າຮ່ວມ. ສະຫາຍ ພັນໂທ ສີສຸມັງ ມີໄຊຜົນ ເລຂາໜ່ວຍພັກ, ອຳນວຍການ ຫໍພິພິທະພັນປະຫວັດສາດກອງທັບ ໄດ້ຜ່ານບົດສະຫຼຸບການຕີລາຄາປະເມີນຜົນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃນໄລຍະ 1 ປິທີ່ຜ່ານມາ ແລະ ວາງທິດທາງແຜນການ ປະຈຳປີ 2026, ຄະນະພັກ-ຄະນະອໍານວຍການ ກອງຫໍພິພິທະພັນປະຫວັດສາດກອງທັບ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ, ມີການຈັດຕັ້ງຜັນຂະຫຍາຍແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຫັນເປັນມະຕິ, ເປັນແຜນການອັນລະອຽດ, ດໍາເນີນການຊຸກຍູ້ຈັດຕັ້ງປະຕິບັດດ້ວຍຄວາມຮັບຜິດຊອບສູງ. ຈາກຜົນງານທີ່ສ້າງມາໄດ້ໃນໄລຍະ 1 ປີ ສາມາດຄັດເລືອກໄດ້ສະມາຊິກພັກແຂງໄດ້ 45 ສະຫາຍ, ຍິງ 27 ສະຫາຍ, ສະມາຊິກພັກກາງ ແລະ ສະມາຊິກພັກອ່ອນບໍ່ມີ ສາມາດຕີລາຄາແບ່ງປະເພດຄຸນນະພາບໜ່ວຍພັກປອດໃສ ເຂັ້ມແຂງ ໜັກແໜ້ນ ປະເພດແຂງ. ຈາກນັ້ນ, ສະຫາຍ ພັນເອກ ບຸນເພັງ ແກ້ວນາທີ ໄດ້ປະກອບຄຳເຫັນຕໍ່ບົດສະຫຼຸບ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ໜ່ວຍພັກ ກອງຫໍພິພິທະພັນປະຫວັດສາດກອງທັບ ສ້າງໄດ້ໃນໄລຍະ 1 ປີ ຜ່ານມາ ພ້ອມທັງ ເນັ້ນໜັກໃຫ້ສືບຕໍ່ຍົກສູງພາລະບົດບາດ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ, ເປັນເຈົ້າການໃນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ມີປະສິດທິພາບ ທັງດ້ານປະລິມານ ແລະ ຄຸນນະພາບ, ເອົາໃຈໃສ່ປະຕິບັດໜ້າທີ່ວຽກງານຂອງຕົນຕາມການມອບໝາຍຂອງຂັ້ນເທິງໃຫ້ປະສົບຜົນສຳເລັດຢ່າງຈົບງາມ. ໂດຍ: ວຽງແກ້ວ ສິວົງວັນ

news to day and hot news