POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກໍລະກົດ 2025

ຮອງຫົວໜ້າກົມໃຫຍ່ເຕັກນິກກອງທັບ ເຄື່ອນໄຫວວຽກ ຢູ່ກອງພັນໃຫຍ່ 11
ເວລາອອກຂ່າວ: 2025-07-04 14:38:42 | ຜູ້ຂຽນ : admin2 | ຈຳນວນຄົນເຂົ້າຊົມ: 1162 | ຄວາມນິຍົມ:

ໃນວັນທີ 4 ກໍລະກົດ 2025 ນີ້, ສະຫາຍ ພົນຈັດຕະວາ ຄຳແປງ ບົວລະບັດ ຮອງຫົວໜ້າກົມໃຫຍ່ເຕັກນິກກອງທັບ ພ້ອມດ້ວຍຄະນະ ໄດ້ເຄື່ອນໄຫວຊີ້ນຳ ແລະ ຊຸກຍູ້ວຽກງານເຕັກນິກ ຢູ່ກອງພັນໃຫຍ່ 11 ໂດຍການຕ້ອນຮັບ ຂອງສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານ ກອງພັນໃຫຍ່ 11 ພ້ອມດ້ວຍຄະນະພັກ-ຄະນະບັນຊາ ແລະ ພະນັກງານວິຊາສະເພາະພາຍໃນພະແນກເຕັກນິກ ເຂົ້າຮ່ວມ. ການເຄື່ອນໄຫວເຮັດວຽກໃນຄັ້ງນີ້, ເພື່ອຕິດຕາມຄວາມພ້ອມ ກ່ຽວກັບບັນດາພາຫະນະເຕັກນິກໃນການຮັບປະກັນຕ້ານ ແລະ ກອບກູ້ໄພພິບັດທາງທຳມະຊາດ ແລະ ກະກຽມຊ້ອມຮົບ ພ້ອມທັງສະເຫຼີມ ສະຫຼອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ. ຈາກນັ້ນ, ແຕ່ລະພາກສ່ວນ ໄດ້ຜັດປ່ຽນກັນລາຍງານສະພາບການເຄື່ອນໄຫວໃນການຈັດຕັ້ງປະຕິບັດວຽກງານເຕັກນິກໃນໄລຍະຜ່ານມາ, ພະແນກເຕັກນິກ ໄດ້ເປັນເຈົ້າການໃນການນຳພາ-ຊີ້ນຳ ພະນັກງານວິຊາສະເພາະ ຢູ່ກົມກອງຂອງຕົນຢ່າງເປັນປົກກະຕິ ບົນພື້ນຖານປະຕິບັດຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຄຸ້ມຄອງປົກປັກຮັກສາ, ບົວລະບັດຜັດເຊັດ ແລະ ນຳໃຊ້ພາຫະນະເຕັກນິກ, ອາວຸດ-ກະສຸນ ແລະ ວັດຖຸເຕັກນິກທີ່ໄດ້ປະກອບໃຫ້ ຖືກຕ້ອງຕາມລະບຽບຫຼັກການ ຕາມຂໍ້ກຳນົດຂອງຂັ້ນເທິງວາງອອກ ເປັນຕົ້ນໃນດ້ານວຽກງານຄຸ້ມຄອງພາຫະນະ ໄດ້ເອົາໃຈໃສ່ຊີ້ນຳພະແນກການທີ່ກ່ຽວຂ້ອງ ໂດຍສະເພາະແມ່ນຂະແໜງຄຸ້ມຄອງລົດ, ຂະແໜງສ້ອມແປງ ແລະ ກອງຮ້ອຍສ້ອມແປງປະສົມ ເປັນເຈົ້າການຈັດຕັ້ງປະຕິບັດວຽກງານຄຸ້ມຄອງ, ປົກປັກຮັກສາ, ບົວລະບັດຜັດເຊັດພາຫະນະທີ່ຂັ້ນເທິງປະກອບໃຫ້ຢ່າງເປັນປົກກະຕິ ໃນນີ້, ໄດ້ຈັດຕັ້ງວັນເຕັກນິກ ເພື່ອກວດກາສະພາບເຕັກນິກລົດ 1 ຄັ້ງຕໍ່ເດືອນ ແລະ ແລ່ນຍາວ 3 ເດືອນຕໍ່ 1 ຄັ້ງ ນອກນັ້ນ, ຍັງໄດ້ຊີ້ນຳນັກຂັບຂີ່ເອົາໃຈໃສ່ກວດກາປົກກະຕິປະຈຳວັນ, ກວດກາກ່ອນອອກໄປປະຕິບັດໜ້າທີ່ ແລະ ກໍລະນີພາຫະນະ ມີການເປ່ເພ ກໍໄດ້ລາຍງານຂໍທິດຊີ້ນຳຈາກຂັ້ນເທິງອະນຸມັດສ້ອມແປງ ປ່ຽນຖ່າຍອາໄຫຼ່ໄດ້ທັນເວລາ, ແນໃສ່ຮັບປະກັນໃຫ້ມີພາຫະນະນຳໃຊ້ໄດ້ເປັນປົກກະຕິ, ໄດ້ສ້າງຂໍ້ກຳນົດກ່ຽວກັບວຽກງານຄຸ້ມຄອງນຳໃຊ້, ການບົວລະບັດພັດເຊັດ ແລະ ສ້ອມແປງ, ປ່ຽນຖ່າຍອາໄຫຼ່ ເພື່ອເປັນບ່ອນອີງໃຫ້ບັນດາກົມກອງຈັດຕັ້ງປະຕິບັດ, ສ່ວນວຽກງານຄຸ້ມຄອງອາວຸດ-ກະສຸນ ຄະນະພັກ-ຄະນະບັນຊາ ໄດ້ເປັນເຈົ້າການຊີ້ນຳວິຊາການທີ່ກ່ຽວຂ້ອງ ເອົາໃຈໃສ່ຕິດຕາມກຳແໜ້ນສະພາບ ຈຳນວນອາວຸດຍຸດໂທປະກອນທີ່ໄດ້ປະກອບໃຫ້ນັບທັງຢູ່ໃນສາງ, ຄັງ ຊີ້ນຳພະນັກງານວິຊາສະເພາະ ສ້າງແຜນງົບປະມານຮັບປະກັນ ອາວຸດ-ກະສຸນ ແລະ ວັດຖຸເຕັກນິກໃຫ້ກົມກອງຖືກຕ້ອງຕາມລະບຽບຫຼັກການ ພ້ອມທັງສະຫຼຸບລາຍງານໃຫ້ຂັ້ນເທິງຢ່າງເປັນປົກກະຕິ, ຊີ້ນຳບັນດາກົມກອງ ແລະ ພະນັກງານວິຊາສະເພາະຍຸດໂທ ເອົາໃຈໃສ່ປະຕິບັດລະບຽບການຄຸ້ມຄອງປົກປັກຮັກສາ, ການບົວລະບັດຜັດເຊັດ, ບຳລຸງຮັກສາ ແລະ ການນຳໃຊ້ອາວຸດຍຸດໂທປະກອນໃຫ້ຖືກຕ້ອງຕາມຂໍ້ກຳນົດຂອງຂັ້ນເທິງ ເພື່ອຮັບປະກັນໃນການນຳໃຊ້ໃຫ້ມີຄຸນນະພາບ ແລະ ມີຄວາມປອດໄພ 100%. ໂອກາດດັ່ງກ່າວ, ສະຫາຍ ພົນຈັດຕະວາ ຄໍາແປງ ບົວລະບັດ ໄດ້ເນັ້ນໜັກໃຫ້ຄະນະພັກ-ບັນຊາແຕ່ລະຂັ້ນ ສືບຕໍ່ຍົກສູງວຽກງານການຊີ້ນຳ-ບັນຊາກົມກອງຢ່າງມີແບບແຜນ ເອົາໃຈໃສ່ສຶກສາອົບຮົມການ ເມືອງ-ນຳພາແນວຄິດ, ຢຶດໝັ້ນຕາມຫຼັກການລວມສູນປະຊາທິປະໄຕ ປົກປັກຮັກສາອາວຸດຍຸດໂທປະກອນ ແລະ ພາຫະນະເຕັກນິກ ບໍ່ໃຫ້ຕົກເຮ່ຍເສຍຫາຍ, ຮັບປະກັນຄຸນນະພາບ ນຳໃຊ້ໄດ້ໃນສະເພາະໜ້າ ແລະ ຍາວນານ. ໂດຍ: ປິ່ນ ຂຸນພົນ ພາບໂດຍ: ວິລັດ ມົນດວງສິງ

news to day and hot news