POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກໍລະກົດ 2025

ພະແນກສະຫະພັນແມ່ຍິງ ກມທ ເຄື່ອນໄຫວຊຸກຍູ້ ການປະຕິບັດຂໍ້ແຂ່ງຂັນ 3 ດີ ຢູ່ກອງວາລະສານປ້ອງກັນຊາດ
ເວລາອອກຂ່າວ: 2025-07-04 09:03:39 | ຜູ້ຂຽນ : admin2 | ຈຳນວນຄົນເຂົ້າຊົມ: 344 | ຄວາມນິຍົມ:

ວັນທີ 3 ກໍລະກົດ 2025 ນີ້, ພະແນກສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ (ກມທ) ໄດ້ເຄື່ອນໄຫວຊຸກຍູ້ການປະຕິບັດຂໍ້ແຂ່ງຂັນ 3 ດີ ຢູ່ໜ່ວຍສະຫະພັນແມ່ຍິງ ກອງວາລະສານປ້ອງກັນຊາດ ນໍາໂດຍສະຫາຍ ພັນຕີ ນາງ ມະໂນລັກ ປັນຍາທອງ ຫົວໜ້າພະແນກສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ, ມີສະຫາຍ ພັນຕີ ສົມສັກ ສົມທະວົງ ຮອງຫົວໜ້າ ກອງວາລະສານປ້ອງກັນຊາດ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ ພ້ອມດ້ວຍສະມາຊິກສະຫະພັນແມ່ຍິງເຂົ້າຮ່ວມ. ສະຫາຍ ພັນຕີ ນາງ ພູວັນ ຈັນປະສິດ ເລຂາໜ່ວຍ ສະຫະພັນແມ່ຍິງ ກອງວາລະສານປ້ອງກັນຊາດ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ໃນໄລຍະ 1 ປີ ຜ່ານມາ, ເຊິ່ງຄະນະໜ່ວຍສະຫະພັນແມ່ຍິງ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດໃຫ້ສະມາຊິສະຫະພັນແມ່ຍິງ ມີທັດສະນະຫຼັກໝັ້ນ, ປະຕິບັດຂໍ້ກຳນົດ, ກົດລະບຽບຂອງກອງທັບ ຕາມແຜນງານພັດທະນາ ແມ່ຍິງກົມໃຫຍ່ການເມືອງກອງທັບວາງອອກ 10 ແຜນງານ 29 ໂຄງການ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບ ການມອບໝາຍໃຫ້ເປັນຢ່າງດີ, ເຊິ່ງໜ່ວຍສະຫະພັນແມ່ຍິງ ມີສະມາຊິກສະຫະພັນແມ່ຍິງ ທັງໝົດ 20 ສະຫາຍ ແບ່ງອອກເປັນ 3 ຈຸ, ຜ່ານການກວດກາຕີລາຄາປະເມີນຜົນການຈັດຕັ້ງການປະຕິບັດວຽກງານຂໍ້ແຂ່ງຂັນ 3 ດີ ໃນ 1 ປີ ຜ່ານມາ ມີດັ່ງນີ້: ບຸກຄົນ 3 ດີ ປະເພດ I ຈຳນວນ 16 ສະຫາຍ ກວມເອົາ 80%, ບຸກຄົນ 3 ດີ ປະເພດ II ຈໍານວນ 4 ສະຫາຍ ກວມເອົາ 20%, ເປັນໜ່ວຍ 3 ດີ ສະໄໝທີ III. ໂອກາດນີ້, ສະຫາຍ ພັນຕີ ນາງ ມະໂນລັກ ປັນຍາທອງ ໄດ້ເນັ້ນໜັກໃຫ້ສະມາຊິກສະຫະພັນແມ່ຍິງ ສືບຕໍ່ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ເປັນເຈົ້າການປະຕິບັດເນື້ອໃນຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວວາງອອກ, ເອົາໃຈໃສ່ປະຕິບັດໜ້າທີ່ວິຊາສະເພາະ ຂອງຕົນຕາມການມອບໝາຍຂອງກົມກອງ ແລະ ຂັ້ນເທິງ ໃຫ້ມີຫມາກຜົນດີ ແລະ ປະສົບຜົນສໍາເລັດຢາງຈົບງາມ.

news to day and hot news