POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກໍລະກົດ 2025

ເຜີຍແຜ່ເຊື່ອມຊຶມ ມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX ຢູ່ຫ້ອງວ່າການ ກະຊວງປ້ອງກັນປະເທດ
ເວລາອອກຂ່າວ: 2025-06-24 10:48:44 | ຜູ້ຂຽນ : admin2 | ຈຳນວນຄົນເຂົ້າຊົມ: 710 | ຄວາມນິຍົມ:

ວັນທີ 24 ມິຖຸນາ 2025 ນີ້, ພະແນກສະຫະພັນແມ່ຍິງ ຫ້ອງວ່າການ ກະຊວງປ້ອງກັນປະເທດ ໄດ້ຈັດຕັ້ງເຜີຍແຜເຊື່ອມຊຶມ ມະຕິກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX ແລະ ມະຕິກອງປະຊຸມຄົບຄະນະບໍລິຫານງານສູນກາງແມ່ຍິງລາວ ຄັ້ງທີ 4 ສະໄໝທີ VIII, ໂດຍການເປັນປະທານ ຂອງສະຫາຍ ພົນຈັດຕະວາ ຄຳແຫວນ ຫຼ້າບົວມະຫາໄຊ ຮອງຫົວໜ້າຫ້ອງວ່າການ ກະຊວງປ້ອງກັນປະເທດ, ມີຄະນະພັກ-ຄະນະບັນຊາກົມ, ຫ້ອງການ, ກອງ, ບໍລິສັດ-ລັດວິສາຫະກິດ, ແຂກຖືກເຊີນ ຕະຫຼອດຮອດສະມາຊິກສະຫະພັນແມ່ຍິງ ທົ່ວຫ້ອງວ່າການ ກະຊວງປ້ອງກັນປະເທດ ເຂົ້າຮ່ວມ. ສະຫາຍ ພັນໂທ ນາງ ອຳມາລາ ຄຳບຸນເຮືອງ ຮອງຫົວໜ້າພະແນກສະຫະພັນແມ່ຍິງ ຫ້ອງວ່າການ ກະຊວງປ້ອງກັນປະເທດ ໄດ້ຜ່ານບົດສະຫຼຸບແຜນພັດທະນາແມ່ຍິງກອງທັບ ໄລຍະ 5 ປີຜ່ານມາ (2021-2025) ແລະ ທິດທາງແຜນການ ປີ 2026-2030 ພ້ອມທັງຜ່ານມະຕິ ກອງປະຊຸມຜູ້ແທນແມ່ຍິງກອງທັບ ຄັ້ງທີ IX ໂດຍປະຕິບັດຕາມທິດທາງວິໄສທັດ, ຍຸດທະສາດ ແລະ ແຜນພັດທະນາແມ່ຍິງແຫ່ງຊາດ 5 ປີ ຄັ້ງທີ VIII (2021-2025) ເພື່ອບັນລຸຕາມເປົ້າໝາຍ 10 ແຜນງານ 65 ໂຄງການ ຂອງແຜນພັດທະນາແມ່ຍິງແຫ່ງຊາດວາງອອກ, ເຊິ່ງສະຫະພັນແມ່ຍິງກອງທັບ ໄດ້ຫັນເອົາແຜນງານ, ໂຄງການດັ່ງກ່າວ ມາເປັນແຜນພັດທະນາແມ່ຍິງກອງທັບ ປະກອບດ້ວຍ 10 ແຜນງານ 54 ໂຄງການ ເຂົ້າໃນວຽກງານຕົວຈິງຕາມສະພາບຈຸດພິເສດ ແລະ ເງື່ອນໄຂຕົວຈິງ ຂອງສະຫະພັນແມ່ຍິງກອງທັບ ເຫັນໄດ້ວ່າ ສະມາຊິກສະຫະພັນແມ່ຍິງກອງທັບ ມີຄຸນທາດການເມືອງໜັກແໜ້ນ, ເຊື່ອມຊຶມຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິ, ຄໍາສັ່ງຂອງຂັ້ນເທິງ, ມີຄວາມສາມັກຄີເປັນເອກະພາບພາຍໃນ-ພາຍນອກຢ່າງແໜ້ນແຟ້ນ, ມີສະຕິຕໍ່ກົນອຸບາຍມ້າງເພທໍາລາຍຂອງກຸ່ມຄົນບໍ່ຫັວງດີ, ຫ້າວຫັນໃນການປະຕິບັດໜ້າທີ່ການເມືອງ ດ້ວຍຄວາມຮັບຜິດຊອບສູງ, ໄດ້ຮັບການປັບປຸງຕາມທິດຊີ້ນໍາ ຂອງຄະນະພັກກະຊວງປ້ອງກັນປະເທດ ກໍຄືກົມໃຫຍ່ການເມືອງກອງທັບ ຢ່າງເປັນລະບົບ, ມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ, ມີແບບແຜນການນໍາພາ-ຊີ້ນໍາ ຢ່າງຖືກຕ້ອງ ແລະ ເຂັ້ມງວດ, ເປັນເຈົ້າການໃນການພັດທະນາ ແລະ ເຝິກຝົນຫຼໍ່ຫຼອມຕົນເອງໃນທຸກດ້ານ ເພື່ອປະກອບສ່ວນໃນການປະຕິບັດສົນທິສັນຍາ ວ່າດ້ວຍການລົບລ້າງທຸກຮູບແບບຕໍ່ການຈໍາແນກແມ່ຍິງ ເປັນເຈົ້າການສົ່ງເສີມຄວາມສະເໝີພາບ ຍິງ-ຊາຍໃນສັງຄົມ ແລະ ຄອບຄົວ ໃຫ້ໄດ້ຮັບການຈັດຕັ້ງປະຕິບັດເປັນຮູບປະທໍາຕົວຈິງຫຼາຍຂຶ້ນ, ສ້າງຄວາມເຂັ້ມແຂງໃຫ້ຄະນະນໍາແມ່ຍິງແຕ່ລະຂັ້ນ ມີຄວາມຮູ້ ຄວາມສາມາດ ໃນການນໍາພາ, ການປາຖະກະຖາ, ການໃຫ້ຄໍາປຶກສາ ໂດຍເຊື່ອມຊຶມບົດບາດ ຍິງ-ຊາຍ ເຂົ້າແຕ່ລະໜ້າວຽກ, ຮັກສາໄດ້ມູນເຊື້ອດຸໝັ່ນເພີ່ມພູນຜະລິດຜົນ, ມີນໍ້າໃຈປະຢັດອົດທົນ, ອະນຸລັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດ, ຂອງກອງທັບ ແລະ ຂອງແມ່ຍິງລາວບັນດາເຜົ່າ, ເປັນເຈົ້າການໃນການເຊື່ອມຊຶມເນື້ອໃນຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວ ໂດຍຕິດພັນກັບ 4 ແຜນງານ 26 ໂຄງການ ຂອງຄະນະພັກກະຊວງປ້ອງກັນປະເທດວາງອອກ ແລະ ວຽກງານອື່ນໆທີ່ຕິດພັນກັບວຽກງານວິຊາສະເພາະຂອງຕົນໄດ້ເປັນຢ່າງດີ. ໂອກາດນີ້, ສະຫາຍ ພົນຈັດຕະວາ ຄຳແຫວນ ຫຼ້າບົວມະຫາໄຊ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກ-ຄະນະບັນຊາພະແນກສະຫະພັນແມ່ຍິງ ແລະ ສະມາຊິກແມ່ຍິງທົ່ວຫ້ອງວ່າການ ກະຊວງປ້ອງກັນປະເທດ ສ້າງໄດ້ໃນໄລຍະຜ່ານມາ ພ້ອມທັງເນັ້ນໜັກສືບຕໍ່ຍົກສູງພາລະບົດບາດ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ, ເປັນເຈົ້າການຮັກສາມູນເຊື້ອອັນດີງາມຂອງແມ່ຍິງລາວ ແລະ ຮຽກຮ້ອງມາຍັງຄະນະພັກ-ຄະນະບັນຊາ ແຕ່ລະຂັ້ນ ສືບຕໍ່ນໍາພາ-ຊີ້ນໍາ, ອໍານວຍຄວາມສະດວກ ແລະ ໃຫ້ການຊ່ວຍເຫຼືອອົງການຈັດຕັ້ງສະຫະພັນແມ່ຍິງ ໄດ້ເຄື່ອນໄຫວຕາມພາລະບົດບາດຂອງຕົນຢ່າງເຕັມສ່ວນ ໂດຍກຳແໜ້ນຕໍ່ແນວທາງປ່ຽນແປງໃໝ່ຂອງພັກ, ລະບຽບກົດໝາຍຂອງລັດ, ບັນດາຂໍ້ກໍານົດ, ກົດລະບຽບຂອງກອງທັບວາງອອກໃຫ້ເຂັ້ມງວດ ມີແບບແຜນວິທີເຮັດວຽກທີ່ທັນສະໄໝ ພ້ອມກັນນຳເອົາເນື້ອໃນຈິດໃຈການເຜີຍແຜ່ເຊື່ອມຊຶມມະຕິກອງປະຊຸມໃນຄັ້ງນີ້ ໄປຈັດຕັ້ງປະຕິບັດໃຫ້ປະກົດຜົນເປັນຈິງ. ໂດຍ: ນາງ ໜູແດງ ພົມມະສອນ

news to day and hot news