POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 09 ກໍລະກົດ 2025

ສະຫະພັນແມ່ຍິງ ກອງພົນທີ 3 ເຊື່ອມຊຶມມະຕິກອງປະຊຸມຄົບຄະນະບໍລິຫານງານ ສູນກາງສະຫະພັນແມ່ຍິງລາວ ຄັ້ງທີ 4 ສະໄໝທີ VIII
ເວລາອອກຂ່າວ: 2025-06-24 08:53:53 | ຜູ້ຂຽນ : admin1 | ຈຳນວນຄົນເຂົ້າຊົມ: 373 | ຄວາມນິຍົມ:

ວັນທີ 18 ມິຖຸນາ 2025 ນີ້, ຢູ່ທີ່ສະໂມສອນກອງພົນທີ 3 ໄດ້ເຊື່ອມຊຶມເອກະສານມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 4 ສະໄໝທີ VIII. ໂດຍການເປັນປະທານຂອງ ສະຫາຍ ພັນໂທ ສົມລິດ ບົວໄຂຄຳ ກຳມະການຄະນະພັກກອງພົນ, ຮອງຫົວໜ້າຫ້ອງການເມືອງ ກອງພົນທີ 3, ມີສະມາຊິກສະຫະພັນແມ່ຍິງມາຈາກ ອົງການ 5 ຫ້ອງ, ກົມກອງອ້ອມຂ້າງກອງພົນທີ 3 ເຂົ້າຮ່ວມ. ສະຫາຍ ພັນໂທ ນາງ ໄມເພັດ ວິລາວັນ ຫົວໜ້າພະແນກສະຫະພັນ ແລະ ສະຫາຍ ພັນຕີ ນາງເກດນິດາ ເພັດລໍຄຳ ຮອງຫົວໜ້າພະແນກສະຫະພັນແມ່ຍິງ ກອງພົນທີ 3 ກໍໄດ້ພັດປ່ຽນກັນເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 4 ສະໄໝທີ VIII, ມະຕິກອງປະຊຸມຜູ້ແທນແມ່ຍິງທົ່ວກອງທັບ ຄັ້ງທີ IX ແລະ ຜ່ານບົດສະຫຼຸບແຜນພັດທະນາແມ່ຍິງກອງທັບ ໃນໄລຍະປີ 2021-2025 ແລະ ທິດທາງແຜນການ ໄລຍະປີ 2025-2030 ໂດຍປະຕິບັດຕາມວິໄສທັດຍຸດທະສາດ ແລະ ແຜນພັດທະນາແມ່ຍິງແຫ່ງຊາດ ຄັ້ງທີ VIII ປີ 2021-2025 ເພື່ອບັນລຸເປົ້າໝາຍ 10 ແຜນງານ 65 ໂຄງການ ຂອງແຜນພັດທະນາແມ່ຍິງແຫ່ງຊາດວາງອອກ, ສະຫະພັນແມ່ຍິງກອງທັບ ໄດ້ຫັນເອົາແຜນສາມໂຄງການດັ່ງກ່າວມາເປັນແຜນພັດທະນາແມ່ຍິງກອງທັບ ເຊິ່ງມີ 10 ແຜນການ 54 ໂຄງການເຂົ້າໃນວຽກງານຕົວຈິງ ຕາມສະພາບຈຸດພິເສດ ແລະ ເງື່ອນໄຂຕົວຈິງ ເຮັດໃຫ້ສະມາຊິກສະຫະພັນແມ່ຍິງ ມີຄຸນທາດການເມືອງໜັກແໜ້ນ ເຊື່ອມຊຶມຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິ, ຄຳສັ່ງຕ່າງໆ ຂອງຂັ້ນເທິງວາງອອກ, ມີຄວາມສາມັກຄີເປັນເອກະພາບພາຍໃນ-ພາຍນອກ ຢ່າງແໜ້ນແຟ້ນ ແລະ ມີຄວາມຮັບຜິດຊອບສູງ. ໂອກາດນີ້, ສະຫາຍ ພັນໂທ ສົມລິດ ບົວໄຂຄຳ ກໍໄດ້ຍ້ອງຍໍຊົມເຊີຍຕໍ່ຜົນງານຂອງສະຫະພັນແມ່ຍິງ ກອງພົນທີ 3 ຍາດມາໄດ້ຕະຫຼອດໄລຍະຜ່ານມາ ພ້ອມທັງເນັ້ນໜັກໃຫ້ສະມາຊິກສະຫະພັນແມ່ຍິງທຸກສະຫາຍ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ເອົາ ໃຈໃສ່ປະຕິບັດມະຕິ, ຄຳສັ່ງ, ຂໍ້ນຳນົດ, ກົດລະບຽບ ຂອງກອງທັບ ກໍຄືຂອງສະຫະພັນແມ່ຍິງລາວວາງອອກຢ່າງເຂັ້ມງວດ, ພ້ອມທັງນຳເອົາເນື້ອໃນການເຜີຍແຜ່ເຊື່ອມຊຶມໃນຄັ້ງນີ້ ນຳໄປຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຕົວຈິງ ຂອງກອງກົມໃຫ້ໄດ້ຮັບຜົນສູງ. ໂດຍ: ທອງເລື່ອນ ພາບ: ຄຳຜຸຍ

news to day and hot news